Advertise here!

မြန်မာ့ဓလေ့ထုံးတမ်းဥပဒေမှာ လင်မယားအလိုလို ပြတ်စဲတာမျိုး၊အကြောင်းမဲ့ကွာရှင်းနိုင်တာမျိုး၊ တစ်ဖက်သတ် ကွာရှင်းနိုင်တာမျိုးမရှိပါဘူး။ဘယ်လိုအခါမျိုးတွေမှာ ကွာရှင်းနိုင်လဲဆိုတော့…

တစ်ခုလောက် တိုင်ပင်ချင်လို့ပါ။ညီမအမျိုးသားနဲ့ က အဆင်မပြေတာကြာပြီ မကြာခနရန်ဖြစ်စကားများလိုက်နဲ့။အခုသူအိမ်ကဆင်းသွားတယ်။ညီမလည်း သူ့ကိုကွာချင်နေပြီ။အိမ်ပေါ်က ဆင်းသွားလို့ ၆လကြာရင် အလိုလိုပြတ်စဲပြီဆိုတာဟုတ်လား။’’

“မြန်မာ့ဓလေ့ထုံးတမ်းဥပဒေမှာ လင်မယားအလိုလို ပြတ်စဲတာမျိုး၊အကြောင်းမဲ့ကွာရှင်းနိုင်တာမျိုး၊ တစ်ဖက်သတ် ကွာရှင်းနိုင်တာမျိုးမရှိပါဘူး။ဘယ်လိုအခါမျိုးတွေမှာ ကွာရှင်းနိုင်လဲဆိုတော့…

၁။နှစ်ဦးသဘောတူတဲ့အခါကွာရှင်းနိုင်ပါတယ်။

၂။လင်ယောင်္ကျားက ရဟန်းဘောင်ကို ရာသက်ပန်ကူးပြောင်းသွားတဲ့အခါ ကွာရှင်းနိုင်ပါတယ်။

၃။အိမ်ထောင်ရေးပြစ်မှုတွေကြောင့်ကွာရှင်း နိုင်ပါတယ်။

+နှစ်ဦးသဘောတူကွာရှင်းတာ ဒါကတော့ရှင်းပါတယ်။လင်နဲ့မယား နှစ်ဦးစလုံးက ဆက်ပေါင်းဖို့ စိတ်ဆန္ဒမရှိတော့တဲ့အခါ နှစ်ဦးသဘောတူကွာရှင်းနိုင်ပါတယ်။နှစ်ဦးသဘောတူကွာရှင်းတဲ့အခါမှာ လက်မှတ်ထိုးဖို့လည်းမလို၊စာချုပ်စာတမ်းလုပ်ဖို့လည်းမလိုပါဘူး။ဒါပေမဲ့နောင်တစ်ချိန် အရှုတ်အထွေးတွေဖြစ်လာတဲ့အခါမှာ သက်သေခံအထောက်အထားဖြစ်အောင် သက်သေလူကြီးတွေရှေ့မှာ လက်မှတ်ထိုးထားသင့်ပါတယ်။ဖြစ်နိုင်ရင် တရားရုံးက တရားသူကြီးရှေ့မှောက်မှာ ကွာရှင်းစာချုပ် Register လုပ်လက်မှတ်ထိုးထားရင်အကောင်းဆုံးပါ။

+ လင်ယောင်္ကျားက ရဟန်းဘောင်ကို ရာသက်ပန်ကူးပြောင်းသွားတဲ့အခါကွာရှင်းတာ။ဒီနေရာမှာ ဒုလ္လဘရဟန်းခံတာမျိုးကို ထည့်သွင်းမစဉ်းစားပါဘူး။

+အိမ်ထောင်ရေးပြစ်မှု လို့ဆိုတဲ့နေရာမှာ ၂ပိုင်းဖြစ်သွားပါတယ်။သာမန်အိမ်ထောင်ရေးပြစ်မှုနဲ့ကြီးလေးသောအိမ်ထောင်ရေးပြစ်မှုဆိုပြီးရှိတယ်။

သာမန်အိမ်ထောင်ရေးပြစ်မှုမှာ ၅မျိုးခွဲတယ်။

၁။ရက်စက်မှု

ရက်စက်မှုမှာ မကြာခန ကိုယ်ခန္ဓာကို၊အသက်ကို၊ကျန်းမာရေးကို အန္ဒရာယ်ဖြစ်အောင် ပြုလုပ်တာမျိုးလို့ဖွင့်ဆိုထားတယ်။ရှေးခေတ်စီရင်ထုံးဟောင်းများနဲ့ ဓမ္မသတ်များအရ လင်က မယားကို အထိုက်အလျောက်ရိုက်နှက်ဆုံးမတာကိုခွင့်ပြုခဲ့တယ်။ဒါပေမဲ့ စီရင်ထုံးတစ်ခုဖြစ်တဲ့ ဦးမျိုးမြင့် နှင့်ဒေါက်တာခင်မေကြည်၊နိုင်ငံတော်တရားရုံးချုပ် ၁၉၆၈ ခုနှစ် တရားမ ပထမအယူခံမှုအမှတ်(၁)မှာတော့ လင်နှင့်မယားသည် တန်းတူအခွင့်အရေးရှိသည်။လင်သည်မယားအားရိုက်နှက်ဆုံးမခွင့်ရှိသည်ဟု ဓမ္မသတ်များတွင် ပြဆိုထားသော်လည်း ယခုခေတ်လူမှုရေးအရ လင်သည်မယားအား အနည်းငယ်မျှပင် ရိုက်နှက်ဆုံးမခွင့်မရှိပေ ဆိုပြီးတော့တရားသူကြီးက ဆုံးဖြတ်ထားပါတယ်။

* အဲဒီအတွက် တစ်ကြိမ်တစ်ခါရိုက်နှက်တာလောက်နဲ့ ကွာရှင်းခွင့်တောင်းလို့ရပါတယ်။*

၂။စွန့်ပစ်မှု

ဒီနေရာမှာ ညီမမေးတဲ့ မေးခွန်းနဲ့ဆိုင်လာပြီ အရပ်ထဲမှာ ယောကျင်္ားက ထားခဲ့ရင် ၃နှစ်မိန်းမကထားခဲ့ရင် ၆လဆို အလိုလိုပြတ်ပြီစသဖြင့် အသိမှားနေကြတယ်။

လင်မယားပြတ်စဲချင်လို့ လင်ဖြစ်သူက အိမ်ပေါ်ကဆင်းသွားပြီး ၃နှစ်တိတိအဆက်အသွယ်လဲမလုပ်အထောက်အပံ့လဲမပေးတဲ့အခါစွန့်ပစ်မှုမြောက်တယ်။

မယားဖြစ်သူက ပြတ်စဲချင်လို့ အိမ်ပေါ်က ဆင်းသွားပြီး တစ်နှစ်တိတိအဆက်အသွယ်မလုပ်ရင် စွန့်ပစ်မှုမြောက်တယ်။

အရင်ခေတ်က စီရင်ထုံးတစ်ခုဖြစ်တဲ့ မညွှန့်နဲ့မောင်စံသိန်းအမှုမှာတော့ စွန့်ပစ်တဲ့အချိန်ကာလက သတ်မှတ်ကာလပြည့်ရင်အလိုလိုပြတ်စဲတယ်လို့ ဆုံးဖြတ်ခဲ့တယ်။

နောက်ပိုင်းမှာ အိမ်ထောင်ဘက်တစ်ဦးက ကွာရှင်းချင်လို့ အိမ်ပေါ်ကတမင်ဆင်းသွားတယ်။ကျန်ရစ်သူက မကွာလိုဘူးစတဲ့ပြသနာနဲ့စီရင်ထုံးတွေမအမျိုးမျိုးဖြစ်လာပြီးနောက် မညွန့်နဲ့ မောင်စံသိန်းစီရင်ထုံးကို ပယ်ဖျက်ခဲ့ပြီး ဒေါ်ခင်ပု နှင့်ဒေါက်တာသာမြ ၁၉၄၉ မတစ လွှတ်တော် စီရင်ထုံးနဲ့အစားထိုးခဲ့တယ်။

အဲဒီစီရင်ထုံးအရ အိမ်ထောင်ဘက် တစ်ဦးတစ်ယောက်က စွန့်ပစ်ခဲ့ရင် သတ်မှတ်ကာလစေ့ရောက်တဲ့အခါ စွန့်ပစ်ခံရသူက ကွာလိုတဲ့ဆန္ဒရှိရင် ကွာရှင်းခွင့်တောင်းနိုင်တာဖြစ်ပါတယ်။

၃။ဒုတိယမယားယူမှု

မြန်မာ့ဓလေ့ထုံးတမ်းဥပဒေမှာ ဗုဒ္ဒဘာသာ၀င်ယောင်္ကျားတစ်ဦးက မယားတစ်ယောက်ထက်ပိုပြီးယူနိုင်တယ်ဆိုပြီးခွင့်ပြုထားတယ်။ဒါပေမဲ့ ပထမမယားရဲ့ခွင့်ပြုချက်မပါဘဲ ယူခဲ့ရင် မယားက ကွာရှင်းခွင့်တောင်းနိုင်တယ်လို့ ပြဌာန်းထားပါတယ်။

သို့ပေမဲ့ ၃၁.၈.၂၀၁၅ မှာ အသစ်ပြဌာန်းလိုက်တဲ့ တစ်လင်တစ်ယားစနစ်ကျင့်သုံးခြင်းဆိုင်ရာ ဥပဒေအရ ယောကျာင်္းတွေက မယားရဲ့ခွင့်ပြုချက်ရှိရှိမရှိရှိ နောက်ထပ် မယားတစ်ယောက်ထပ်ယူလို့မရတော့ပါဘူး။အသစ်ထွက်တဲ့ဥပဒေဟာ ဥပဒေဟောင်းကိုလွှမ်းမိုးတယ်ဆိုတဲ့ပြဌာန်းချက်အရ ဥပဒေသစ်ရဲ့တားမြစ်ချက်တွေကို လိုက်နာရပါမယ်။

ဥပဒေမထွက်ခင်က ယူထားသူတွေအပေါ်တော့မသက်ရောက်ပါဘူး။တလင်တမယားဥပဒေအရ နောက်တစ်ယောက်ထပ်ယူမယ်ဆိုရင်တော့ ထောင်ဒဏ် ၇နှစ်နဲ့ငွေဒဏ်ကို ကျခံရမှာဖြစ်ပါတယ်။

၄။လင်ဖြစ်သူရဲ့ဖောက်ပြန်မှု

ဖောက်ပြန်မှုဆိုတာ နောက်ထပ်မယားတစ်ယောက်ကို လက်ထပ်တာမျိုးမဟုတ်ပဲ တခြားမိန်းမတစ်ဦးနဲ့ဖောက်ပြန်တာကိုခေါ်ပါတယ်။လင်ရဲ့ဖောက်ပြန်မှုကို မြန်မာ့ဓလေ့ထုံးတမ်းမှာ ကွာရှင်းခွင့်မပေးနိုင်ဘူးလို့ ဆုံးဖြတ်ထားပါတယ်။ဒါပေမဲ့ အသစ်ပေါ်တဲ့ တစ်လင်တစ်မယားစနစ်ကျင့်သုံးခြင်းဆိုင်ရာ ဥပဒေမှာ တရား၀င်မယားတစ်ဦးရှိရဲ့သားနဲ့ နောက်တစ်ဦးနဲ့ တရားမ၀င်နေထိုင်ပေါင်းသင်းတာကို ကျူးလွန်ရင် ထောင်ဒဏ် ၇နှစ်နဲ့ငွေဒဏ်ကျခံရမှာ ဖြစ်တဲ့အတွက် မကွာပေးလဲ Go to Jail ပါပဲ။

၅။လည်ဆည်မှု တွေပဲဖြစ်ပါတယ်။

ကြီးလေးသောအိမ်ထောင်ရေးပြစ်မှု မှာ ၂မျိုးရှိတယ်။၂ခုလုံးကကွာရှင်းခွင့်ရနိုင်တယ်။

-ကြီးလေးသော ရက်စက်မှု(ရက်စက်မှုမှာ မကြာခန ကိုယ်ခန္ဓာကို၊အသက်ကို၊ကျန်းမာရေးကို အန္ဒရာယ်ဖြစ်အောင် ပြုလုပ်တာမျိုးလို့ဖွင့်ဆိုထားတယ်။အသက်အန္ဒရယ်ဖြစ်လောက်အောင်မကြာခနရိုက် တာမျိုး၊မကြာခနနှိပ်စက်ညှဉ်းပမ်းတာမျိုးပေါ့)

-မယားဖြစ်သူရဲ့ဖောက်ပြန်မှု

ဒါကတော့ အပေါ်ကလင်ရဲ့ဖောက်ပြန်မှု အတိုင်းပါပဲ။သူကကွာရှင်းခွင့်ရနိုင်ပေမဲ့ တလင်တစ်မယားဥပဒေအရလည်း ပြစ်မှုပြစ်ဒဏ်ညိစွန်းနိုင်ပါတယ်။

Related Posts

"ကာမကိုလိမ်လည်ရယူမှု"

"ကာမကိုလိမ်လည်ရယူမှု"

ကိုဖြူ ။ ။ “ရာဇသတ်ကြီးကိုပြင်ဆင်သည့်ဥပဒေ”မှာ ပုဒ်မ -၄၁၇တစ်ခုတည်းကိုပဲ ပြစ်ဒဏ် (၁)နှစ်က(၃)နှစ်တိုးမြှင့်လိုက်တာတွေ့ရတယ်။ ဘာမှုလဲ ဆရာ။ ဘာကြောင့်ပြစ်ဒဏ်တိုးရတာလဲ။ယူတီကေ ။ ။ ကိုဖြူမေးတဲ့ပုဒ်မ (၄၁၇) က လိမ်လည်မှုအတွက်ပြစ်ဒဏ်ဖြစ်တယ်။ ပုဒ်မ ၅၁၁ပါတဲ့ရာဇသတ်ကြီ...

လင်နှင့်မယားကွာရှင်းခြင်း

လင်နှင့်မယားကွာရှင်းခြင်း

ကွာရှင်းပြတ်ဆဲခြင်းမှာ-မြန်မာ ဗုဒ္ဓဘာသာများကွာရှင်းပြတ်ဆဲခြင်း၊ အစ္စလာမ်ဘာသာများကွာရှင်းပြတ်ဆဲခြင်း၊ ဟိန္ဒူဘာသာများ ကွာရှင်းပြတ်ဆဲခြင်း၊ ခရစ်ယာန်ဘာသာများကွာရှင်းပြတ်ဆဲခြင်း တို့ဟာ တစ်ခုနဲ့တစ်ခု မတူညီကြပါဘူး . . .- ဗုဒ္ဓဘာသာများကွာရှင်းခြင်းဗုဒ္ဓ...

မြန်မာ့ဓလေ့ထုံးတမ်းဥပဒေနဲ့ စီရင်ထုံးတွေမှာ လင်မယားနှစ်ဦးသဘောတူကွာရှင်းရင် အသိသက်သေ မလို၊ စာချုပ်စာတမ်းမလိုဘဲ လင်ခန်းမယားခန်း လုံးဝပြတ်စဲတယ် ။

မြန်မာ့ဓလေ့ထုံးတမ်းဥပဒေနဲ့ စီရင်ထုံးတွေမှာ လင်မယားနှစ်ဦးသဘောတူကွာရှင်းရင် အသိသက်သေ မလို၊ စာချုပ်စာတမ်းမလိုဘဲ လင်ခန်းမယားခန်း လုံးဝပြတ်စဲတယ် ။

ဒီလိုကွာရှင်းမှုဟာ တရားဝင်ကွာရှင်းမှု ကွာရှင်း မှုဖြစ်လို့ နှစ်ဦးသဘောတူရင်လုံ လောက်ပြီလို့ ဆိုကြပါတယ် ။ ဒါပေမဲ့ တစ်လင်တစ်မယားဥပဒေ ပေါ် လာပြီး နောက်ပိုင်းမှာ ဒီလိုကွာရှင်ပြီးမှာ တစ်ယောက်ယောက်က နောက်အိမ်ထောင်ပြုရင် နောက်တစ်ယောက် က အမှုဖွင့် အာမခံတ...

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate