ပြစ်မှုကျူးလွန်ရာတွင် အားပေးကူညီသူအား အရေးယူ ရသည့် ရာဇသတ်ကြီးပုဒ်မ ၁၁၄ အကြောင်း

ပြစ်မှုကျူးလွန်ရာတွင် အားပေးကူညီသူအား အရေးယူ
ရသည့် ရာဇသတ်ကြီးပုဒ်မ ၁၁၄ အကြောင်း
~~~~~~~~~~~~~~~~~~~~~~~~~~~~~~~~~~~
ရာဇသတ်ကြီးပုဒ်မ ၁၁၄ သည် ပြစ်မှုကျူးလွန်ရာတွင်
အားပေးကူညီသူကို အရေးယူရန် ပူးတွဲရေးဖွင့်သည့်ပုဒ်မ
တစ်ခုဖြစ်သည်။ရာဇသတ်ကြီးပုဒ်မ ၁၁၄ ၏ ဥပဒေပါ
ပြဌာန်းချက်မှာ အောက်ပါအတိုင်းဖြစ်သည် -
ပုဒ်မ ၁၁၄။ပြုလုပ်မှု သို့တည်းမဟုတ် ပြစ်မှုကိုကျူး
                   လွန်ရာတွင် မိမိကိုယ်တိုင် မရှိခဲ့လျှင် အားပေး
                   အဖြစ်ဖြင့်သာ ပြစ်ဒဏ်ချမှတ်ခြင်း ခံရမည့်
                   သူသည် အားပေးကူညီမှုကြောင့် မိမိပြစ်ဒဏ်
                   ချမှတ်ခြင်းခံရမည့်ပြုလုပ်မှုကို သို့တည်းမ
                   ဟုတ် ပြစ်မှုကို တစ်ဦးတစ်ယောက်သောသူ
                   က ကျူးလွန်သောအခါ မိမိကိုယ်တိုင်ရှိနေခဲ့
                   လျှင် ထိုသူသည် ထိုပြုလုပ်မှုကို သို့တည်းမ
                   ဟုတ် ထိုပြစ်မှုကို ကိုယ်တိုင် ကျူးလွန်ဘိ
                    သကဲ့သို့ ကျူးလွန်သည်ဟု ယူဆခြင်းခံရမည်။
ရာဇသတ်ကြီးပုဒ်မ ၁၁၄ သည် ဤပုဒ်မတစ်ခုတည်းဖြင့်
အမှုဖွင့် အရေးယူသော ပုဒ်မ တစ်ခုမဟုတ်ဘဲ အခြားပုဒ်
မ တစ်ခု၏ နောက်တွင်သာ ပူးတွဲ ရေးဖွင့်ရသည့် ပုဒ်မ
တစ်ခု ဖြစ်သည်။လူသတ်မှုတွင် အားပေးကူညီပါက ရာ
ဇသတ်ကြီးပုဒ်မ ၃၀၂/ ၁၁၄ ဟူ၍လည်းကောင်း၊ဓါးခုတ်
မှုတွင်အားပေးကူညီပါက ရာဇသတ်ကြီးပုဒ်မ ၃၂၆/၁၁၄
ဟူ၍လည်းကောင်း၊လုယက်မှုတွင် အားပေးကူညီပါက
ရာဇသတ်ကြီးပုဒ်မ ၃၉၂/၁၁၄ ဟူ၍လည်းကောင်း အမှု
ရေးဖွင့် ဆောင်ရွက်ကြသည်။
ရာဇသတ်ကြီးပုဒ်မ ၁၁၄ သည် ရာဇသတ်ကြီးတွင် ပြ
ဌာန်းပါရှိသည့် ပုဒ်မ တစ်ခုဖြစ်လေရာ ရာသတ်ကြီးတွင်
ပြဌာန်းပါရှိသည့် ပြစ်မှုများတွင်သာ တွဲဘက်အသုံးပြု
ခွင့်ရသည်၊အထူးဥပဒေ(Special Law)နှင့်ဒေသန္တရဥပ
ဒေ(Local Law)တို့နှင့် သက်ဆိုင်ခြင်းမရှိ၊တွဲဘက်အသုံး
ပြုခွင့်မရှိဟု ဥပဒေဘက်တော်သားအချို့က ယူဆလျှက်
ရှိကြသည်။အငြင်းပွားမှုလည်းရှိနေကြဆဲပင်ဖြစ်သည်။
အထူးဥပဒေ(Special Law)နှင့် ဒေသန္တရဥပဒေ(Local
Law)တို့တွင် ထိုဥပဒေပါ ပြစ်မှုအား ကျူးလွန်ရာတွင်
အားပေးကူညီသူတို့အား အရေးယူရန်အတွက် သီးခြား
ပြဌာန်းချက်များပါရှိကြသော်လည်း အချို့အထူးဥပဒေ
နှင့် အချို့ဒေသန္တရဥပဒေတို့တွင် အားပေးကူညီသူအား
အရေးယူရန်အတွက် သီးခြားပြဌာန်းချက်မပါရှိပေ။
ဤသို့ သီးခြားပြဌာန်းချက်မပါရှိ၍ အားပေးကူညီသူ
အား အရေးယူရန် မဖြစ်နိုင်ခြင်းသည် အလားတူပြစ်မှု
ကို ထပ်မံကျူးလွန်စေရန် အားပေးအားမြှောက်ပြုရာ
လည်း ရောက်စေပါသည်။ဥပမာအနေဖြင့် တစ်လင်တစ်
မယားစနစ်ကျင့်သုံးခြင်းဆိုင်ရာဥပဒေ ပုဒ်မ ၁၃ အရ
ထိမ်းမြားမှုအတည်ဖြစ်နေစဉ်အတွင်းအခြားအမျိုးသား
တစ်ဦးနှင့်ထပ်မံထိမ်းမြားသည့် မိန်းမကို တရားရုံးမှပြစ်
ဒဏ်တစ်စုံတစ်ရာပေးပြီး ထိုမိန်းမ အကျဉ်းထောင်မှ
ပြန်လွတ်လာလျှင် ထိုအမျိုးသားနှင့်ပင် အလားတူပြစ်မှု
ကို မလွဲမသွေ ထပ်မံကျူးလွန်မည်သာဖြစ်သည်။
အထူးဥပဒေ သို့မဟုတ် ဒေသန္တရဥပဒေ တစ်ရပ်ရပ်တွင်
အားပေးကူညီသူအား အရေးယူရန် သီးခြားပြဌာန်းချက်
မပါရုံမျှဖြင့် ထိုကူညီအားပေးသူကို တရားဝင်လွတ်လပ်
ခွင့် မပေးသင့်ပါ။ထိုအားပေးကူညီသူအား ဥပဒေ၏ အ
ဆုံးအမကိုခံယူစေရန် ဥပဒေနှင့်အညီ ဆောင်ရွက်ရသည်
ကား ဥပဒေဘက်တော်သားတို့၏တာဝန်၊ရဲတို့၏အလုပ်
ပင်ဖြစ်ပေသည်။
ရာဇသတ်ကြီးပုဒ်မ ၄၀ သည် ပြစ်မှု ဆိုသည့် စကားရပ်
ကို အဓိပ္ပါယ်ဖွင့်ဆိုထားသည့်ပုဒ်မ တစ်ခုဖြစ်သည်။ရာဇ
သတ်ကြီးပုဒ်မ ၄၀ ၏ ဥပဒေပါ ပြဌာန်းချက်မှာအောက်
ပါအတိုင်းဖြစ်သည် -
ပုဒ်မ ၄၀။ဤပုဒ်မရှိအောက်ပါ စာပိုဒ် ၂ နှင့် ၃ တို့တွင်
                 ဖော်ပြပါရှိသည့် အခန်းနှင့် ပုဒ်မများတွင်မှ
                  တပါး "ပြစ်မှု" ဆိုသော စကားသည် ဤရာဇ
                 သတ်ကြီးအရ ပြစ်ဒဏ်စီရင်ထိုက် အရာကိုဆို
                  လိုသည်။
                  အခန်း ၄ ၊ အခန်း ၅ က ၊ထို့အပြင် ပုဒ်မ ၆၄၊
                  ၆၅၊၆၆၊၆၇၊၇၁၊၁၀၉၊၁၁၀၊၁၁၂၊၁၁၄၊၁၁၅၊
                  ၁၁၆၊၁၁၇၊၁၈၇၊၁၉၄၊၂၀၃၊၂၁၁၊၂၁၃၊၂၁၄၊
                  ၂၂၁၊၂၁၄၊၂၂၁၊၂၂၂၊၂၂၃၊၂၂၄၊၂၂၅၊
                 ၃၂၇၊၃၂၈၊၃၂၉၊၃၃၀၊၃၃၁၊၃၄၇၊၃၄၈၊၃၈၈၊
                 ၃၈၉နှင့် ၄၄၅ တို့တွင် ပြစ်မှု ဆိုသောစကား
                သည် ဤရာဇသတ်ကြီးအရဖြစ်စေ၊အထူးဥပ
                ဒေအရဖြစ်စေ၊ဒေသန္တရဥပဒေအရဖြစ်စေ
                 ပြစ်ဒဏ်စီရင်ထိုက်သောအရာကိုဆိုလိုသည်။ 
               ထို့အပြင် ပုဒ်မ ၁၄၁၊၁၇၆၊၁၇၇၊၂၀၁၊၂၀၂၊
              ၂၁၂၊၂၁၆ နှင့် ၄၄၁ တို့တွင် ပြစ်မှုဆိုသော 
               စကားသည် ဤရာဇသတ်ကြီးအရ ပြစ်ဒဏ်စီ
               ရင်ထိုက်သောအရာအပြင် အထူးဥပဒေအရ
               သို့တည်းမဟုတ် ဒေသန္တရဥပဒေအရ ငွေဒဏ်
               ပါသည်ဖြစ်စေ၊မပါသည်ဖြစ်စေ ထောင်ဒဏ်
               ခြောက်လထက်မနည်း ပြစ်ဒဏ်စီရင်နိုင်သော
               အရာများလည်း ပါဝင်သည်။
ရာဇသတ်ကြီးပုဒ်မ ၄၀ တွင်" ပြစ်မှု" ဆိုသည့် စကားရပ်
ကိုအထူးအလေးထားကြရန်လိုသည်။ထိုပြစ်မှုဆိုသည့်
စကားရပ်ကို ရာဇသတ်ကြီးပုဒ်မ ၁၁၄ တွင် ဖော်ပြထား
လေရာ ပုဒ်မ ၄၀ ပြဌာန်းချက်နှင့် ကိုက်ညီသည့် ပြစ်မှု
များကို ရာဇသတ်ကြီးပုဒ်မ ၁၁၄ ကို ပူးတွဲအသုံးပြုခွင့်
ရရှိမည်ဆိုသည်ကိုကား အငြင်းပွားရန် ရှိကြမည်မဟုတ်
ပေ။
သို့ဖြစ်ပါ၍ တစ်လင်တစ်မယားစနစ်ကျင့်သုံးခြင်းဆိုင်
ရာဥပဒေကဲ့သို့သော ပြစ်မှုကျူးလွန်ရာတွင် အားပေးကူ
ညီသူအား အရေးယူသည့် သီးခြား ပြဌာန်းချက် မပါရှိ
သည့် အထူးဥပဒေ နှင့် ဒေသန္တရဥပဒေတို့အရ အရေးယူ
သော ပြစ်မှုများ၌ ရာဇသတ်ကြီးပုဒ်မ ၁၁၄ ကို ပူးတွဲအ
ရေးယူကြရမည်သာ ဖြစ်သည်ကို ရာဇသတ်ကြီးပုဒ်မ
၄၀ မှ ညွှန်ပြလျှက်ရှိပါကြောင်း ရေးသားတင်ဆက်လိုက်
ရပေသည်။
                          ရဲအုပ်အောင်ကျော်ထွန်း(သာကီနွယ်)
Credit - ဥပဒေရေးရာ