မိုးရာသီ နှင့် သွေးလွန်တုပ်ကွေး အန္တရာယ်

မိုးရာသီ နှင့် သွေးလွန်တုပ်ကွေး အန္တရာယ်

      မြန်မာ နိုင်ငံတွင် နွေ ၊ မိုး ၊ ဆောင်း ဟူ၍ ဉတုသုံးပါး ရှိသည်ကို အားလုံးလည်း သိထားပြီး ဖြစ်ပါသည် ။ ထိုထဲတွင် မိုးရာသီသည် စာရေးသူ အကြိုက်ဆုံးသော ရာသီဖြစ်ပါသည် ။ အဘယ်ကြောင့် ဆိုသော် မိုးရာသီတွင် အရပ်မျက်နှာ အားလုံးတို့သည် စိမ်းစိုလန်းဆန်းဖွယ် ရှု့ခင်းများ နှင့် လတ်ဆတ်သော ဟင်းသီးဟင်းရွက် များကို ပေါပေါများများ မြင်တွေ့ရ​သော ကြောင့်ဖြစ်သည် ။ သို့သော်အခြားတစ်ဖက်တွင်လည်း မိုးရာသီကို မကြိုက်ပြန်ပါ။ အဘယ်ကြောင့်ဆို လူ့အသက်ကို အလွယ်လေးနုတ်ယူ နိုင်သော သွေးလွန်တုပ်ကွေးရောဂါဆိုးကြီးသည် ဤရာသီ နှင့်အတူ တွဲပါလာသော ကြောင့်ဖြစ်သည် ။ မိုးရာသီတွင် သွေးလွန် တုပ်ကွေး ဖြစ်ပွားနိုင်ချေ မြင့်မားကာ သွေးလွန် တုပ်ကွေး Virus ပိုးသယ်ဆောင် လာသည့် ခြင်များ ပေါက်ပွားမှု့နှုန်း များသော ကြောင့်ဖြစ်သည် ။ ထို့ကြောင့် ကာကွယ်ခြင်းသည် ကုသခြင်းထက် ကောင်းသည် ဆိုသည့် အတိုင်း ခြင်အန္တရာယ်ကို ကာကွယ်ပေး နိုင်သည့် နည်းလမ်း အချို့ကို Yuzanarland.com မှမျှဝေပေးသွား ပါမည်။

1-   ခြင်ထောင် နှင့် အိပ်စက်ပါ ။ အထူးသဖြင့် ပြတင်းပေါက် နှင့် တံခါးပေါက် များတွင် ဖန်သား​ပြင်များ မရှိပါက ခြင်ထောင်အောက်တွင် အိပ်စက်ပါ ။ ခြင်ထောင်ဟု ဆိုရာတွင်လည်း အပေါက်အပြဲ များရှိနေခြင်းများ မဖြစ်ရ။ 

2-   အပြင်ထွက် သည့်အခါ ဖြစ်စေ  အိမ်မှာနေသည့် အခါဖြစ်စေ ခြင်ကိုက်နိုင်သည့် အရေပြားကို လျော့ပါးစေရန် အင်္ကျီလက်ရှည် နှင့် ဘောင်းဘီရှည် များကိုရွေးချယ် ဝတ်ဆင်ရပါမည် ။

3-    ထိတွေ့နေသော ရေပြားပေါ်တွင်  ခြင်လိမ်းဆေး သို့မဟုတ် ခြင်ဖြန်းဆေး များကိုသုံးပါ ။ သုံးစွဲရာတွင်လည်း တံဆိပ်ပေါ်ရှိညွှန်ကြားချက် အတိုင်းလိုက်နာပါ။

4-     ဖြစ်နိုင်လျှင် မိမိအိမ် ပြတင်းများ ခြင်ဝင်နိုင်သော နေရာများတွင် ခြင်လုံစကာ များကို တပ်ဆင်ထား သင့်ပါသည်။သွေးလွန် တုပ်ကွေးသယ်ဆောင်သည့် ခြင်များသည် နံနက်စောစော နှင့် ညနေ နှောင်းပိုင်း အချိန်များတွင် အတက်ကြွဆုံး ဖြစ်သောကြောင့် ဤအချိန်များတွင်  အိမ်ထဲတွင် သာနေသင့်ပါသည် ။

5-     မိမိ အိမ်အတွင်းအပြင်နှင့် မိမိရပ်ကွက် အတွင်း ခြင်းဆေးဖြန်း ခြင်းလုပ်ငန်းစဉ်များ တွင်လည်း အတက်ကြွဆုံးပါဝင်ပါ ။

6-     အဖျားကြီးခြင်း ၊ ပြင်းထန်စွာ ‌ခေါင်းကိုက်ခြင်း ၊ မျက်လုံး နောက်တွင် နာကျင်ခြင်း ၊ အဆစ်အမြစ် နှင့် ကြွက်သားများ နာကျင်ခြင်း ၊ ကိုယ်ခန္ဓာတွင် အနီစက်များ နှင့်အဖုပိန့်များ ပေါက်လာပါက ဆေးကုသမှု့ကို ချက်ခြင်းခံယူပါ ။ စောစီးစွာ ရောဂါရှာဖွေခြင်း နှင့် သင့်လျော်သော ဆေးကုသမှု့ခံယူ ခြင်းသည် နောက်ဆက်တွဲ ပြသာနာများကို ကာကွယ်ပေးနိုင်သည် ။

7-     သွေးလွန် တုပ်ကွေး ဖြစ်လျှင် ရေဓာတ်ပြည့်၀ နေဖို့ အရေးကြီးပါသည် ။ ထို့ကြောင့် အရည်များများ သောက်ပြီးများများ အနားယူပေးရပါမည်။

        အထက်ဖော်ပြပါ အချက်များကို လိုက်နာကာ ခြင်ရာသီတွင် ခြင်အန္တရာယ်ကို ကာကွယ်ကာ ကျန်းမာပျော်ရွှင်စွာ နေသောဘ၀ကို ပိုင်ဆိုင်နိုင် ကြပါစေကြောင်း စေတနာ ရှေ့ထားကာ ဖော်ပြပေးလိုက်ရပါသည် ။