BCC အကြောင်းလေး သိပါရစေ ။
ကန်ထရိုက်တာနှင့် အကျိုးတူ ပူးပေါင်း ဆောက်လုပ်သော အဆောက်အဦးသည်
အဆောက်အဦး ဆောက်လုပ် ပြီးစီးချိန်တွင် အဆောက်အဦး ပြီးစီးကြောင်း
လက်မှတ် (BCC) လျှောက်ထားရပါသည် ။
ထိုသို့ လျှောက်ထား ရန်အတွက် အဆောက်အဦး ဆောက်လုပ်ခြင်း အတွက်
အခွန်ပေးဆောင် ရပါတယ် ။ အခွန်ဆောင် ထားသည့် အထောက်အထား
ပါဝင်မှသာ အဆောက်အဦး ပြီးစီးကြောင်း လက်မှတ် ( BCC ) လျှောက်ထားခွင့်
ပြုပါသည် ။ ထိုသို့ ပေးဆောင်ရန် တာဝန်ရှိသူသည် ကန်ထရိုက်တာနှင့် မြေရှင်
ချုပ်ဆိုသော စာချုပ်ပေါ် မူတည်ပြီး နှစ်ဦး အချိုးကျ ကျခံရန် ( သို့မဟုတ် )
ကန်ထရိုက်တာ တစ်ဦးတည်း ကျခံရန် ဆုံးဖြတ်ရမှာ ဖြစ်ပါသည် ။
တိုက်ခန်း ဝယ်ယူသူများက စုပေါင်း အခွန်ဆောက်ရန် တာဝန်မရှိပါ ။
တိုက်ခန်း ဝယ်ယူသူများကို ရောင်းချ သည့်အခါ လူနေထိုင်ခွင့် ရရှိရန်အတွက်
အဆောက်အဦးပြီးစီး ကြောင်းလက်မှတ် ( BCC ) ရရှိအောင် ဆောင်ရွက် ပေးရမည့်
တာဝန်သည် ရောင်းသူနှင့်သာ သက်ဆိုင် ပါသည် ။
အဆောက်အဦး ပြီးစီးကြောင်း လက်မှတ် ( BCC ) ခွင့်ပြုချက် မကျမီ လူနေထိုင်သည့်
ကိစ္စအတွက် သက်ဆိုင်ရာ စည်ပင်သာယာရေး ကော်မတီမှ စစ်ဆေးတွေ့ရှိ၍ ဒဏ်ငွေ
ကောက်ခံခြင်း များရှိလာ ပါကလည်း ဒဏ်ငွေ ကျခံရန် တာဝန်သည်လည်း
ကန်ထရိုက်တာ ( သို့မဟုတ် ) မြေရှင်ကသာ တာဝန်ယူကျခံ ရမှာ ဖြစ်ပါသည် ။
အဆောက်အဦး ပြီးစီးကြောင်း လက်မှတ် ( BCC ) မကျသေးသည့် တိုက်ဖြစ်သည့်
အတွက် ကိုယ်ပိုင် လျှပ်စစ် မီတာတပ်ဆင်ရန် ကိစ္စကိုလည်း ထည့်သွင်း စဉ်စား ရပေမည် ။
ကိုယ်ပိုင်လျှပ်စစ်မီတာ တပ်ဆင်ရန် အတွက် ကုန်ကျ စရိတ်ကို မည်သူကျခံ မလဲ
ဆိုတာလည်း အရေးကြီး ကိစ္စအဖြစ် ပါဝင်လာ ပြန်သည် ။
လျှပ်စစ်မီတာ တစ်လုံးကို ၅ သိန်းကျော် ကုန်ကျနေသည့် ခေတ်ကာလတွင် ကြိုတင်
ညှိနှိုင်းပြောဆို ထားခြင်း မရှိပါက ရောင်းသူများ ဖြစ်သော ကန်ထရိုက်တာနှင့်
မြေရှင်တို့သည် တိုက်ခန်း ဝယ်ယူသူထံမှ ကုန်ကျစရိတ် ထပ်မံ ကောက်ခံခြင်း များရှိ နေပါသည် ။
ထို့ကြောင့် အထက်ပါ ကိစ္စများကို စတင် ဝယ်ယူသည့် အချိန်က စာချုပ်ချုပ်ရာတွင်
ထည့်သွင်းချုပ်ဆို ထားမှသာ အခန်းဝယ်ယူ သူများအနေဖြင့် ပိုမိုစိတ်ချ ရမှာဖြစ်ပြီး
စာချုပ်တွင် မပါဝင်ပါက ကန်ထရိုက်တာနှင့် မြေရှင်သည် တိုက်ခန်း ဝယ်ယူသူများကို
အချိုးကျ ထည့်ဝင်ခိုင်းခြင်း ၊ ကုန်ကျစရိတ် ကောက်ခံခြင်းများ ရှိနိုင်ကြောင်း ရှင်းလင်း
အကြံပြု အပ်ပါသည် ။
Credit - OriginalUploder
Related Posts
GP/SP နှင့် ပတ်သက်၍ သိထားသင့်သည့် အချက်များ
၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...
ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ
နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...
“အိမ်သုံးလျှပ်စစ်မီတာလျှောက်ထားပုံ”
မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...
www.yuzanarland.com ဟာ မိတ်ဆွေအတွက်ပါ။
