ကျွန်မ ယောကျာ်းမှာ မိဘများ မရှိတော့ပါ ။ အမွေဆိုင် ၄ ဦး ကျန်ခဲ့ပါတယ် ။ တစ်ယောက်က မိဘထက် အရင်ဆုံးပါတယ် ။ သားသမီး မကျန်ခဲ့တဲ့အတွက် သူ့ဇနီးက အမွေရနိုင်ပါသလား ။
ကျွန်မ ယောကျာ်းမှာ မိဘများ မရှိတော့ပါ ။ အမွေဆိုင် ၄ ဦး ကျန်ခဲ့ပါတယ် ။ တစ်ယောက်က မိဘထက် အရင်ဆုံး ပါတယ် ။ သားသမီးမကျန်ခဲ့ တဲ့အတွက် သူ့ဇနီးက အမွေရနိုင်ပါသလား ။ အကို အကြီးဆုံးက အဲဒီ အမွေဆိုင် ခြံထဲမှာ အဆောင်တွေ ဆောက်ပြီး စီးပွားရှာ နေပါတယ် ။ ကျွန်မ ယောကျာ်းက အမွေခွဲဖို့ ပြောတော့ ရုံး ကို တင်ခိုင်းပါတယ် ။ အိမ်ဂရမ်က အကိုကြီး လက်ထဲမှာ ရှိနေပြီး ဘယ်လို အမည်ပေါက် နေသလဲဆိုတာ မသိပါ ။ အမွေခွဲဖို့ ဘယ်လို လုပ်ရမလဲဆိုတာ လမ်းညွှန် ပေးပါရှင့် ။
=========================
ဒီ မေးခွန်းကတော့ မိဘနှစ်ပါး ထက်အရင် သားတစ်ယောက်က ဆုံးသွားတယ် ။ အဲဒီလို ဆုံးသွား ပေးမယ့် သူရဲ့ ဇနီးတော့ ကျန်ခဲ့တယ် ။ မိဘဘက်က ကြည့်ရင်တော့ ချွေးမပဲ ။ ချွေးမက သားနဲ့ညားလို့ သမီးချွေးမဖြစ် သွား တာ။ သားကလည်း အရင်သေ သွားပြီ ၊ ဒါဆိုလို့ရှိရင် ဓလေ့ထုံးတမ်းဥပဒေအရ ဆိုရင် အမွေရှင်ထက် ဦးစွာ သေသွားတဲ့ သားသမီး အမွေဆက်ခံခွင့်မရဘူး.. ချွေးမက ။ ဒါကြောင့် မိဘထက် အရင်သေ သွားတဲ့ သားရဲ့ ဇနီးချွေးမဟာ ဓလေ့ထုံးတမ်း ဥပဒေ အရဆိုရင် ဥပဒေအရ အခွင့်အရေး အနေနဲ့ မိဘဆီက အမွေမရဘူး ။ အဲဒါနဲ့ ပတ်သက် ပြီးတော့ မောင်ကြီးအို နှင့် မသက်ပုံ ( ၄ ရန်ကုန် ၅၁၃ ) စီရင်ထုံး မှာလည်း ဒီအတိုင်း ပြောထားတယ်။ ဒေါ်ထွေးနှင့် မတင်ဦး ၁၉၅၄ လွှတ်တော်ချုပ် ၅၂ အမှုမှာလည်း ဒီအတိုင်း စီရင်ဆုံးဖြတ် ထားတာ တွေ့ရတယ် ။
တစ်ခါ အစ်ကိုကြီး ကိစ္စ ။ လေးယောက် ထဲမှာမှ တစ်ယောက်က ဆုံးသွားပြီး ။ သုံးယောက်ထဲမှာ တစ်ယောက် သော အစ်ကိုကြီးက ဒီခြံထဲမှာ နေတယ် ။ ငှားစားတယ် ။ ဂရန်ကျ တော့လည်း သူလက်ထဲမှာ ။ ခက်နေတာက သူ့လက်ထဲမှာ ရှိနေပေးမယ့် ဘယ်လိုနာမည်ပေါက်နေ သလဲဆိုတာလည်း မသိပြန်ဘူးလို့ သူက ပြောတယ် ။ အဒီတော့ နားလည် လွယ်အောင် ပြောရမယ်ဆိုရင် အမွေဆိုင်သားသမီး တွေအနေနဲ့ သက်ဆိုင်ရာ မြေစာ ရင်းဦးစီးဌာန ကိုသွား ။ သွားပြီးတော့ စည်ပင်သာယာရေး ကော်မတီ မှာလည်း စုံစမ်း ။ ဒီမြေက ဘယ်သူနာမည် ပေါက်နေသလဲ ဆိုတာကို ပထမ စုံစမ်း ။ စုံစမ်းတဲ့ အခါကျတော့ အစ်ကိုကြီး နာမည်ပေါက် ဖြစ်သွားတဲ့တိုင်အောင် ဒါဥပဒေနဲ့ မညီတဲ့ transfer ပေါ့ ။ ဒါကို လျှောက်လို့ရတယ် ။ ဒါကြောင့် ဒီခြံမြေက မိဘရဲ့ ကျန်ရစ် ပစ္စည်းအဖြစ် မြန်မာဓလေ့ထုံး တမ်းဥပဒေအရ ဒီအမွေဆိုင်တွေ အကုန်လုံး ပိုင်မယ် ။ အမွေအမှု စွဲရမယ် ။ အမွေအမှုမှာ ဒီအဖြေကို ဆက်ရှာလို့ ရတယ်လို့ ဖြေချင် ပါတယ်ရှင်။
#DVBlawlab #DVBtvnews #အမွေဆက်ခံရေး
Credit - ဥပဒေရေးရာ
Related Posts
နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင်ခွင့် ရှိပါသလား
'နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင် ခွင့် ရှိပါသေးသလား''ဟု မိတ်ဆွေ တစ်ဦးက စာရေးသူထံ လာရောက် ဆွေးနွေးပါသည်။''ဘယ်လိုအခြေအနေမျိုးဖြစ် လို့လဲ၊ ပထမ အိမ်ထောင်နဲ့ လက်ထက် ပွားပစ္စည်းဆိုရင်တော့ ပထမဇနီး ခင်ပွန်းနဲ့ ထက်ဝက်စီအမွေဝေစုရခွင့် ရှိပါ...
အမွေရှင်က သူတစိမ်းအားအမွေပစ္စည်းအားလုံးကိုပေးကမ်းခြင်း
မြန်မာဓလေ့ထုံးတမ်းဥပဒေ- ပဋိညာဉ်ဥပဒေပုဒ်မ ၂၃ ပါ “ ဥပဒေ ” ဆိုသောစကားရပ်- မြန်မာနိုင်ငံတရား ဥပဒေများ ဆိုင်ရာဥပဒေပုဒ်မ ၁၃ (၁) - မြန်မာဗုဒ္ဓဘာသာဝင်များအကြား အငြင်းပွားနေသော အမွေဆက်ခံသည့် ကိစ္စနှင့်စပ်လျဉ်းသည့်ဓမ္မသတ်ပါ ပြဋ္ဌာန်းချက်များသည် ဥပဒေဖြစ်သည့်အလျ...
မိဘအမွေ မဆက်ခံနိုင်သည့်သားသမီးများ
မြန်မာဓလေ့ထုံးတမ်းဥပဒေတွင် မိဘသည် သားသမီးများအားအမွေမှ မပယ်ထုတ်နိုင်ပေ\သို့ရာတွင်အောက်ပါ အကြောင်းသုံးရပ်ကြောင့်သားသမီးများသည် မိဘအမွေ ဆက်ခံနိုင်ခွင့်ဆုံးရှုံးခြင်းခံရပေသည်သူတစ်ပါးအား မွေးစားရန်ပေးအပ်ခံရခြင်းမိဘများကွာရှင်းပြတ်စဲကြပြီးနောက် သားသမီးဖြစ...