ကျမတို့ လင်မယား လက်ထပ်တာ လေးငါးလပဲ ရှိပါသေးတယ်ရှင် လူသိနတ်ကြား လက်ထပ်ပြီး အတူပေါင်းသင်း နေထိုင်ရင်း ကျမမှဘာအပြစ်မှ မရှိဘဲ ဒင်း အိမ်ကထွက်သွားပါတယ်…ပတ်ဝန်းကျင်မှာ အရှက်ရစေတဲ့အတွက် ဒင်းကို ဥပဒေအရ ဘယ်လိုအရေးယူရမလဲ ???

မေးခွန်းများ 
မေးခွန်း ( ၁ )  ကျမတို့ လင်မယား လက်ထပ်တာ လေးငါးလပဲ ရှိပါသေးတယ်ရှင်
လူသိနတ်ကြား လက်ထပ်ပြီး အတူပေါင်းသင်း နေထိုင်ရင်း ကျမမှဘာအပြစ်မှ မရှိဘဲ ဒင်း 

အိမ်က ထွက်သွားပါတယ်…ပတ်ဝန်းကျင်မှာ အရှက်ရစေ တဲ့အတွက် ဒင်းကို ဥပဒေအရ ဘယ်လို အရေးယူရမလဲ ???

မေးခွန်း( ၂ )   ကျမတို့ လင်မယားမှာ ကလေး တစ်ယောက်ရှိပါတယ်…
ကျမ ဘာအပြစ်မှ မလုပ်မိပါပဲ ဒင်း အိမ်က ထွက်သွားတာ ၁ နှစ်ကျော်ပါ
ပြီ … သူများ သားသမီး ယူထားပြီး အသားလွတ် ပစ်ထားလို့ သူ့ကို
ဥပဒေအရ ဘယ်လို အရေးယူနိုင်မလဲ သိချင်လို့ပါ ။ 

မေးခွန်း ( ၃ )   ကျမတို့ မယူခင် ကတော့ သီးသန့်အိမ်ခွဲ နေမယ်ပြောပြီး အိမ်ထောင်
ပြုပြီးမှ  ယောက္ခမ အိမ်မှာနေ ရပါတယ် …မိသားစုကလဲများ လင်ရှာတဲ့
ပိုက်ဆံ ကျမကိုင် မသုံးရနဲ့  ယောင်းမတွေကလဲ  ဆိုးမှဆိုးပါ …သည်း
မခံနိုင်တဲ့ အဆုံး ကျမ ဆင်းလာပါတယ်…(  အဲ့ဒါ မယားစရိတ်  ကလေး
စရိတ်  )  ရလိုပါတယ်ရှင် …

(  စသဖြင့်  စသဖြင့်  ) 
ပြဿနာ ပေါင်းစုံ  ကြုံတွေ့နေ ရတဲ့ လင်မယားတွေ ဒု နဲ့ ဒေး ပါ …
မယားတွေရဲ့ စိတ်မှာ လင်ယူတယ် ဆိုတာဟာ အားကိုးရှာတာ… (  တနည်းအားဖြင့်  ) လုပ်ကိုင် 

ကျွေးမွေးမယ့် သူရှာတာပေါ့ …ကောင်း နေတုန်းကတော့ အေးဆေး (  အဲ့ )

 ကွိုင်တစ်ခုခု ဖြစ်လာပြီဆိုရင်  မယားတွေက မယားစရိတ် ကလေးစရိတ် တောင်းမယ်ချည် လုပ်တော့
တာ သဘာဝ …
( ဆိုတော့ကာ ) ????

    အထက်က မေးခွန်းတွေ ဖြေပေးရမယ် ဆိုရင် …( ကျား ) နဲ့ ( မ )
သူချစ် ကိုယ်ချစ်  /  မိဘ ပေးစားလို့ စသဖြင့် အိမ်ထောင်ပြုကြတာပါ …
အိမ်ထောင် ရက်သားကျ တစ်ခုခု အဆင်မပြေ လင်သားက အိမ်ကဆင်း သွားတော့မှ 
( သူမပေါင်း ချင်လို့ ဆင်းသွားတာ  ) ဘာ ဥပဒေနဲ့မှ  အရေးယူလို့ မရပါဘူး )
ဘေးပယောဂ တွေကြောင့် ယူရတာမှ မဟုတ်တာ  /  ဘယ်သူကမှ မိမိ လည်ပင်းကို

 ဓားမိုးပြီး ယူခိုင်းတာလဲ မဟုတ်တဲ့အတွက် အဖြေကတော့

အရေးယူလို့မရပါ
( ဒါဆို ) 
ကျမတို့က မိန်းမသား /  ဒင်းကို အားကိုးလို့ /  ဒင်း ရှာစာ စားချင်လို့
ယူတာ / ခုတော့ ကျမမှာ ကလေး​တွေနဲ့ ဒုက္ခပေါင်းစုံ ရောက်လို့ /  ဒင်း
ကတော့ ဘယ်ဆီ ဘယ်ဝယ် ရောက်နေလဲ မသိ (  ဘယ်နှယ့်လုပ်ရပါ့ )
( ဟုတ်ကဲ့ )…

      လင်ဖြစ်သူက ကျိူးကြောင်း ညီညွတ်တဲ့ အကြောင်းပြချက်  မရှိဘဲနဲ့ နေ
အိမ်က စွန့်ခွာသွားရင် မယားက တရားရုံးမှာ မယားစရိတ် ကလေးစ
ရိတ်ရလိုမှု့  စွဲနိုင်ပါတယ် …
မယားစရိတ်  /  ကလေးစရိတ်စွဲ လို့ရတယ် ဆိုပေမယ်လို့ အောက်ပါအ
ခြေအနေတွေ မှာဆိုရင်တော့ မယားစရိတ် ကလေးစရိတ်ပေးဖို့ လင်
ဖြစ်သူက ငြင်းဆန် ခွင့်ရှိပါတယ် …
( 1 ) ကျိူးကြောင်း ညီညွတ်မှု့မရှိတဲ့  အကြောင်းပြချက်နဲ့ နေအိမ်က
       နေ မယားက စွန့်ခွာခဲ့ရင် …
( 2 ) လင်ယောကျာင်္း  ထားတဲ့အရပ်မှာ  မနေရင် …
၎င်း ၂ ချက်နဲ့ ငြိစွန်းခဲ့ရင် မယားဖြစ်သူက  တောင်းဆိုခွင့် မရှိပါဘူး …
( မယားစရိတ် ကလေးစရိတ် ဘယ်လို ပေးသလဲ  မပေးရင်ရော 
ဘာဖြစ်မလဲ  ) ???

     မယားစရိတ် / ကလေးစရိတ်ကို လင်ယောကျာင်္းရဲ့ ဝင်ငွေ ပေါ်မူတည်
ပြီး တရားသူကြီးရဲ့ ဆင်ခြင် တုံတရားအရ ဆုံးဖြတ်ပေးတဲ့ ငွေကို လ
စဉ်ပေး ရပါတယ် (  အများအားဖြင့် ၅၀၀၀၀ /-  ကျပ်  ) စီ ပါ …
( ဟာ !! ကျုပ်တောင် အလုပ်မရှိလို့ မိဘအိမ်ကပ်စားနေတာ မပေး
နိုင်ပါဘူးဗျာ ) လို့ လာမပြောပါနဲ့ ( မပေးရင် ) ထောင်ကျပါမယ် …
မြန်မာစကားမှ စားစရာ မရှိ  / လျော်စရာ ရှိလတ္တံ ဆိုတာ မယားစရိတ်
ကလေးစရိတ် ပေးရခြင်း ကို ဆိုလိုတာပါ …
ကလေး သူ့ဘာသူရပ် တည်နိုင်တဲ့ အရွယ်ထိ ပေးရပါတယ် …

( ကိုင်း ဒီလောက်တောင်လိုချင်နေလဲ ကျုပ် ဘုန်းကြီးအပြီး ဝတ်မယ်
ဗျာ ) ပြောမလား ??? ဝတ်လေ  /  ဝတ်လဲ တရားရုံးကနေ တောင်းမှာ
ပဲ …ပေးနိုင်ရင်ပေး မပေးနိုင်ရင် လူထွက် (  ထောင်ချမှာပဲ  )…
တစ်ခု သိစေချင် တာက …
လင်မယား ကွာရှင်းပြီး သွားရင်တော့  မယားစရိတ် မရတော့ပါဘူး …
ကလေးစရိတ် ကတော့ ရနေမှာ ဖြစ်ပါကြောင်း  မယားစရိတ် ကလေး
စရိတ်ရလိုသူ  အိမ်ထောင်ရှင်မများ  အတွက် တင်ပြလိုက် ရပါတယ် …

                                  ( လေးစားလျက် ) Credit-Sayar U khin win