ဆရာရှင့် ။ ကွာရှင်းစာချုပ်မှာ မျက်နှာချင်းဆိုင် အသိသက်သေတွေနဲ့ မဟုတ်ဘဲ ယောကျာ်းဖက်က တစ်ခြမ်း လက်မှတ်ထိုးထားတဲ့စာချုပ်မှာ ကျွန်မ လက်မှတ်ထိုးပေးလိုက်တဲ့အတွက် အဲဒီစာချုပ် တရားဝင်ပါသ လား ။ နောင်မှာ ဘယ်လိုအခြေအနေမျိုး ဖြစ်လာနိုင်သလဲဆိုတာ သိပါရစေ ။
ဆရာရှင့် ။ ကွာရှင်းစာချုပ်မှာ မျက်နှာချင်းဆိုင် အသိသက်သေတွေနဲ့ မဟုတ်ဘဲ ယောကျာ်းဖက်က တစ်ခြမ်း လက်မှတ်ထိုးထားတဲ့စာချုပ်မှာ ကျွန်မ လက်မှတ်ထိုးပေးလိုက်တဲ့အတွက် အဲဒီစာချုပ် တရားဝင်ပါသလား ။ နောင်မှာ ဘယ်လိုအခြေအနေမျိုး ဖြစ်လာနိုင်သလဲဆိုတာ သိပါရစေ ။
=======================
ကျွန်တော်တို့ မြန်မာ့ဓလေ့ထုံးတမ်းဥပဒေက အင်မတန်ရိုးဆင်းပြီးတော့၊ လက်တွေ့ဆန်ပါတယ်။ လင်မယားကွာတဲ့ အကြောင်းကို ပြောရရင် နှစ်ဦးသဘောတူ ကွာတယ်။ ဟိုခေတ်က ရှိတယ် ဂြိုဟ်ပြေ၊ နာမ်ပြေဆိုပြီး ခနကွာနေတယ်။ အမှန်တော့ ကြွေးပူတွေ တောင်းပြီး လင်မယားကွဲရင်လည်း ဂြိုဟ်ပြေ၊ နာမ်ပြေလို့ ပြကြတာပေါ့ဗျာ။ နောက်အိမ်ထောင်ရေး တစ်ခုခုကျူးလွန်တယ် ။ ရက်စက်မှုတွေကျူးလွန်တယ် ။ ဒီသုံးနည်းနဲ့ ကွာကြတယ်။ အဲ့တော့ လင်မယားကွာတဲ့အခါမှာ စာချုပ်စာတမ်းလုပ်ရမယ်လို့ ဓလေ့ထုံးတမ်း ဥပဒေ က ဆိုမထားပါဘူး ။ နှစ်ဦးသဘောတူရင် အချိန်မရွေးကွာ ၁၉၆၄ မှာ ဒေါ်အမ ဆိုတဲ့အမှုရှိတယ်။ ၁၉၆၆ မှာ ဦးစံနဲ့ မလှချစ်ဆိုတဲ့ အမှုရှိတယ်။ စာချုပ်စာတမ်းကို မလိုဘူးလို့ ပြောထားပြီးသားပါ။
အဲလိုဆိုရင် တရားရုံး ဒီကရီလည်း မလိုပါဘူး။ ဒါပေမဲ့ စာချုပ်ချုပ်မယ်ဆိုရင် တံဆိပ်ခေါင်းဥပဒေ ဇယားအပိုဒ် ၂၉ အရ တံဆိပ်ခေါင်းနဲ့ကွာရှင်းစာချုပ်ချုပ် ရပါမယ်။ဘယ်လောက်တန်နဲ့ ချုပ်ရမလဲဆိုရင် ခေတ်အလိုက် ပြောင်းတယ် ၊ ဟိုးအရင်က ၅ကျပ် ၊ နောက်၁၅ကျပ်၊ ခု၂၅ နောက် ၂၀၀ စသဖြင့် သတ်မှတ်ထားတဲ့ အချိန်ကာလ အပြောင်းအလဲ အလိုက် တံဆိပ်ခေါင်းပေါ်မှာ ထိုးရမယ် ။ ခုပြောတဲ့နည်းက တကယ်တမ်း သဘာဝမကျပါဘူး ။ အဲလိုဆိုရင် နောက်ဆက်တွဲ ဘာဖြစ်နိုင်လဲဆိုတော့ စိတ်ထားပေါ်မူတည်မယ် ၊ ပြဿနာပေါ်နိုင်ပါတယ်။ သို့သော် တကယ်သာ ကွာရှင်းပြတ်ဆဲတယ်ဆိုရင် ဒီစာချုပ်ကို ဖယ်လိုက်ပါ ၊ တစ်ချမ်းပဲထိုးထိုး သက်သေဘယ်လိုပဲပါပါ ၊ မပါပါ။ သူတို့နှစ်ယောက်က “ဘယ်သူရှေ့မှာ ဘယ်လို ပြောပြီးပြတ်ပါတယ်” ဆိုရင် ဓလေ့ထုံးတမ်းဥပဒေက စာကအဓိကမကျပါဘူးလို့ ဖြေကြားပေးချင်ပါတယ်။
ဒီလိုကွာပြီးမှ “တစ်လင်တစ်မယား ဥပဒေနဲ့ စွဲခွင့်မရှိဘူးဟေ့” ဆိုပြီး တစ်ချက်လွတ် ပြောလို့မရပါဘူး။ ဥပဒေနဲ့အညီ ဖြစ်စေချင်ရင်တော့ အဲလို့ကွာ ရှင်းပြတ်စဲပြီးကြောင်း စာချုပ်စာတမ်း လုပ်ထားတာသည် စိတ်ချရဆုံး ဖြစ်ပါတယ်။ ကွာရှင်းစာချုပ် မဟုတ်ဘူးနော် “သူတို့နှစ်ယောက်သည် ဓလေ့ထုံးတမ်းအတိုင်း ကွာရှင်းပြတ်စဲလိုက်သည် ထိုသို့ ကွာရှင်းပြတ်စဲကြောင်း ဘယ်သူဘယ်ဝါ ၊ အရပ်လူကြီးဘယ်သူ့ ရှေ့တွင်ရေးသည်ဆိုပြီး လက်မှတ်ထိုးလိုက်ရင်တော့” စွဲလို့မရတော့ပါဘူး။
#DVBlawlab #DVBtvnews # လင်မယားကွာရှင်းရေး
Credit - ဥပဒေရေးရာ
Related Posts
"ကာမကိုလိမ်လည်ရယူမှု"
ကိုဖြူ ။ ။ “ရာဇသတ်ကြီးကိုပြင်ဆင်သည့်ဥပဒေ”မှာ ပုဒ်မ -၄၁၇တစ်ခုတည်းကိုပဲ ပြစ်ဒဏ် (၁)နှစ်က(၃)နှစ်တိုးမြှင့်လိုက်တာတွေ့ရတယ်။ ဘာမှုလဲ ဆရာ။ ဘာကြောင့်ပြစ်ဒဏ်တိုးရတာလဲ။ယူတီကေ ။ ။ ကိုဖြူမေးတဲ့ပုဒ်မ (၄၁၇) က လိမ်လည်မှုအတွက်ပြစ်ဒဏ်ဖြစ်တယ်။ ပုဒ်မ ၅၁၁ပါတဲ့ရာဇသတ်ကြီ...
လင် နှင့် မယား ကွာရှင်းခြင်း
ကွာရှင်းပြတ်ဆဲခြင်းမှာ-မြန်မာ ဗုဒ္ဓဘာသာများကွာရှင်းပြတ်ဆဲခြင်း၊ အစ္စလာမ်ဘာသာများကွာရှင်းပြတ်ဆဲခြင်း၊ ဟိန္ဒူဘာသာများ ကွာရှင်းပြတ်ဆဲခြင်း၊ ခရစ်ယာန်ဘာသာများကွာရှင်းပြတ်ဆဲခြင်း တို့ဟာ တစ်ခုနဲ့တစ်ခု မတူညီကြပါဘူး . . .- ဗုဒ္ဓဘာသာများကွာရှင်းခြင်းဗုဒ္ဓ...
မြန်မာ့ဓလေ့ထုံးတမ်း ဥပဒေပါ တရားဝင်ကွာရှင်းမှု
ဒီလိုကွာရှင်းမှုဟာ တရားဝင်ကွာရှင်းမှု ကွာရှင်း မှုဖြစ်လို့ နှစ်ဦးသဘောတူရင်လုံ လောက်ပြီလို့ ဆိုကြပါတယ် ။ ဒါပေမဲ့ တစ်လင်တစ်မယားဥပဒေ ပေါ် လာပြီး နောက်ပိုင်းမှာ ဒီလိုကွာရှင်ပြီးမှာ တစ်ယောက်ယောက်က နောက်အိမ်ထောင်ပြုရင် နောက်တစ်ယောက် က အမှုဖွင့် အာမခံတ...
www.yuzanarland.com ဟာ မိတ်ဆွေအတွက်ပါ။
