မြေကွက်ဝယ်ဖို့လိုအပ်တာတွေ
မြေကွက်ဝယ်ဖို့ လိုအပ်တာတွေစစ်ပေးဖို့ အကျိုးဆောင်ပေးပါလို့
အရင်ရက်တွေထဲက တောင်းဆိုထားတဲ့ မိတ်ဆွေလင်မယားနဲ့
မြေကွက်ရှိရာ ရွှေပေါက်ကံမြို့နယ် ကို ဒီနေ့ရောက်ခဲ့ပါတယ်။
မိတ်ဆွေလင်မယားက တော်တော်ရိုးသားကြတာ
ဖုန်းပြောကတည်းက သတိထားမိထားတော့
ငါတော့ရောင်းသူကို ပုလိပ်စစ်စစ်ရမယ်လို့တော့ တွေးထားတယ်။
မြေကွက်နေရာရောက်တော့ ရပ်ကွက်အလည်ခေါင်မြေကွက်လပ်ကြီး
အဲ့ဒီထဲက ပိုင်းရောင်းတာပြောပါတယ်။
မြင်ရတာတော့ စားကျက်မြေလိုလို
မီးသတ်မြေလိုလို ကျောင်းမြေလိုလိုဆိုတော့
ရောင်းသူလာမှ သူဘာပြနိုင်လဲ ကြည့်ရမယ်တွေးထားတယ်။
ရောင်းသူကမလာသေးတော့ ဘေးနားပတ်ဝန်းကျင် လိုက်မေးတယ်။
တစ်ယောက်ကပြောတယ် ကျောင်းမြေတဲ့။
နောက်တစ်ယောက်ကလည်း ကျောင်းမြေဆိုတော့ မဖြစ်တော့ဘူး
အုပ်ချုပ်ရေးမှူးရုံး သွားမေးမှတွေးပြီး
ရုံးစုံစမ်းတော့ ညနေမှဖွင့်မယ်တဲ့
ဒါဆို အုပ်ချုပ်ရေးမှူးအိမ်ကို လိုက်တယ်။
အိမ်မရောက်ခင် တရားရုံးချုပ်ရှေ့နေဆရာကြီး
တစ်ယောက်အိမ်တွေ့တော့ ဝင်မေးကြည့်တော့
သူကိုယ်တိုင် ကျောင်းမြေမှာကျူးနေတဲ့လူတွေကို ဖယ်ဖို့
ခရိုင်ကို စာတင်ထားတယ် ကျန်တာတော့
ခင်ဗျားတို့ ကိစ္စလို့ပြောပါတယ်။
မြေကွက်နေရာရောက်တော့ ရောင်းသူကရောက်နေပြီ။
ပိုင်ဆိုင်မှုအထောက်အထားပြဆိုတော့
၁၉၉၈ ကလှည်းကူးမြို့နယ်က ပြေစာတစ်ရွက်မိတ္ထူပြတယ်။
ကျောင်းမြေလို့ပြောတော့
ကျမတို့ကအစိုးရဆီကပြန်ဝယ်ထားတယ်
ဝယ်ထားတဲ့အထောက်ထားပြဆိုတော့
ခုနကလှည်းကူးပြေစာပဲထပ်ပြတယ်။
မယုံရင် သူ့အကိုမေးကြည့်ပါ
သူတို့ပိုင်ပါတယ် ဆိုပြီးဆက်ပြောပါတယ်။
ဘာမှဆက်မပြောတော့ပဲ ပွဲကိုဖျက်ပြီး
မိတ်ဆွေတွေနဲ့ကားပေါ်တက်ပြန်လာခဲ့ပါတယ်။
ကားပေါ်မှာ ကျေးဇူးတင်ကြောင်းတဖွဖွပြောပါတယ်။
ကျနော်ကအမတို့ ရိုးသားလို့ကို ကျနော်သေချာစစ်ရမယ်လို့
မနေ့တည်းကတွေးထားပြီး လုပ်ပေးတာဖြစ်ကြောင်းပြောရင်း
လမ်းခွဲခဲ့ပါတယ်။
မပေးပါနဲ့လို့ငြင်းတဲ့ကြားကပဲ
ဥာဏ်ပူဇော်ခ ၁သိန်း ကန်တော့သွားပါတယ်။
မိတ်ဆွေများမသူတော်ဘေးကင်းဝေးကြပါစေ။
Related Posts
ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များ
(က) မြေရှင်နှင့်ကန်ထရိုက်တာတို့ အခန်းပေး အခန်းယူ ချုပ်ဆိုသည့်စာချုပ်အရ မိမိအားရောင်းချသည့် တိုက်ခန်းမှာ ၄င်းအကျိုးခံစားခွင့်ရရှိသည့်တိုက်ခန်း ဟုတ်မဟုတ်(ခ) နာမည်ပျက်ရှိသည့် ကန်ထရိုက်တာ ဟုတ်မဟုတ်(ဂ) ငွေကြေးပြည့်စုံသည့် ကန်ထရိုက် ဟုတ်မဟုတ်(ဃ) တိုက်ခန်းအ...
လှည်းဦးတိုက် လှေဦးတိုက် မြေနေရာအကြောင်း
မြန်မာ့ဓလေ့ထုံးတမ်း ဖြစ်သည့်လှည်းဦးတိုက် လှေဦးတိုက် မြေနေရာအကြောင်း ဗဟုသုတအလို့ဌာဖော်ပြပေးလိုက်ပါတယ်။ “လှည်းဦးတိုက်၊ လှေဦးတိုက် အိမ်၊ မြေနေရာမှာ နေသင့်၊ မနေသင့်"မြန်မာ့ရိုးရာ ထုံးတမ်းအစဥ်အလာနည်းမှာရော ဖုန်းရွှေပညာမှာရော အပြောများတဲ့ "လှည်းဦးတ...
ဥယျာဉ်ခြံမြေ
အခုအခါ မြေကွက်ရိုက်ရောင်းနေသော ဥယျာဉ်ခြံမြေများမှာနေအိမ်ဆောက်ခွင့်ရှိမရှိစိတ်ချရသောမြေကွက်များ ဟုတ်ပါသလားသိချင်လို့ပါ ဖြေပေးပါ ကျေးဇူးတင်ပါတယ်။ဥယျာဉ်ခြံမြေဟာ အိမ်ပိုင် မြေအဖြစ် အကွက်ရိုက်ရောင်း လို့ရပါ တယ်။ ရောင်းခွင့်ရဖို့ အတွက် မြေကွက်တည်ရှိရာမြို့...
www.yuzanarland.com ဟာ မိတ်ဆွေအတွက်ပါ။
