ငွေယုံကြည် အပ်နှံခြင်း ကတိစာချုပ်မျိုး ချုပ်မည် ဆိုလျှင် ငွေယူ သူများ သတိထား
ဒီလို စာချုပ်မျိုး ချုပ်မည် ဆိုလျှင် ငွေယူသူများ သတိထား "
စာချုပ်တွင် ကွက်လပ်များ ထား၍ လက်မှတ်ထိုး
လက်ဗွေနှိပ်ခြင်း မပြုပါနှင့် ။
ငွေယုံကြည် အပ်နှံခြင်း ကတိ စာချုပ်များ ချုပ်ဆို၍
ရာဇသတ်ကြီးပုဒ်မ - ၄၂၀ အရ လိမ်လည်မှုဖြင့်
တရားစွဲဆို နေကြခြင်း ။
ဥပဒေကို လက်တစ်လုံးခြား လုပ်၍ လိမ်လည်မှုဖြင့်
တရားစွဲ နေကြခြင်း ။
ငွေယုံကြည် အပ်နှံခြင်း ကတိစာချုပ် များကို
စာချုပ် ရောင်းသော ဆိုင်တိုင်း၌ ဝယ်ယူ လို့ရပါသည် ။
ယင်း စာချုပ်တွင် ငွေယုံကြည် အပ်နှံသူနှင့်
ငွေလက်ခံသူ ဟူ၍ စာချုပ်ချုပ်သူ နှစ်ဦး ပါရှိပါသည် ။
စာချုပ်တွင်ပါသည့် အကြောင်းအရာများမှာ
တစ်ခုသော အကြောင်းအရာ အတွက်
ငွေလိုအပ် သဖြင့် ငွေတောင်းခံ လာရာ
၎င်း တောင်းငွေကို မေတ္တာဖြင့် အတိုးမယူဘဲ
ကူညီကြောင်း မည်သည့် နေ့တွင် ပြန်ပေးမည်
ဖြစ်ကြောင်း မပေးပါက ငွေပေးသူ၏
အစီအမံအတိုင်း လိုက်နာဆောင် ရွက်မည်ဟု ပါရှိပါသည် ။
ငွေယူသူ ကလည်း ငွေအရမ်း လိုနေ၍၎င်း ငွေပေးသူသည်
မတရား မလုပ်လေဟု ယုံကြည်၍၎င်း စာချုပ်တွင်
ကွက်လပ်များ ထား၍ မျက်စိမှိတ် လက်မှတ်ထိုး လိုက်သည် ။
ရာဇသတ်ကြီး ပုဒ်မ - ၄၁၅ ပြဌာန်း ချက်တွင်
" သူတစ်ဦးက သူတစ်ဦးအား လှည့်ဖြား၍ ပစ္စည်းတစ်ခုခုအား
ပေးမပစ်စေရန် မရိုးမဖြောင့်သော သဘောဖြင့် သွေးဆောင်လျှင်
လိမ်လည်သည် မည်၏ " ဟု ပြဌာန်း ထား၏ ။
ငှားပေး သူသည် ယင်းဥပဒေကို အသုံးချရန် ပုဒ်မ - ၄၂၀ အရ
ရဲစခန်း၌ အမှုဖွင့် လေတော့သည် ။
ရဲစခန်း ကလည်း အကြောင်း အားလျော်စွာ အမှုဖွင့်ပေး၏ ။
မဖွင့်ပေး လိုလျှင်လည်း သူတို့ သဘောအတိုင်း ရတတ်၏ ။
ယခုအခါ ဒီအမှုမျိုးသည် ခေတ်စား လာသည် ။ များပြား လာသည် ။
ကျွန်တော့်ထံ လာရောက် ဆွေးနွေးမှုများ အမှုအပ်နှံသူများ
ဒု နဲ့ ဒေး ဖစ်ပါသည် ။
တရားခံမှာ တရားရုံးတွင် ဖွင့်ရှင်းရသည်မှာ မျော့မျော့
လေးသာ ကျန်တော့သည် ။
ဒါကို ကယ်တင် ရသည့်အတွက် ရှေ့နေတွေလည်း ပင်ပန်းရသည် ။
လိမ်လည်မှုဖြင့် စွဲဆိုသည် ဆိုငြားလည်း စွဲဆိုသူ
တရားလို ကိုယ်တိုင် ကလည်း လုပ်ကြံ လိမ်လည်၍ တရားစွဲ ဆိုသည် ။
လိမ်လည်မှုတွင် လိမ်၍တရားစွဲသည်မှာ လွယ်လိမ့်မည် မထင်ပါနှင့် ။
အမှုစစ်ဆေးသည့်အခါ ဘူးပေါ်သလို ပေါ်လာပါသည်။
မည်သူကအကျိုးအမြတ်မရဘဲ အတိုးငွေမရဘဲ
ဒီငွေကို ယုံကြည်စွာ ပေးအပ်ပါမည်နည်း ။
ငွေပေးရခြင်း အကြောင်းတရားသည် ၄င်း ငွေပေးခြင်းမှ
ပေါ်ပေါက် လာသော အက်ျိုးတရားသည်
၄င်း ဤအမှုကို စိစိညက်ညက် ကျေအောင်
တရားရုံးတွင် ချေဖျက် နိုင်ပါတော့သည် ။
လ နှင့် နှစ် နှင့် ချီ၍ တရားရုံး၌ ဖြေရှင်းရ၏ ။
ဤတွင် အမှုသည်ရော ရှေ့နေပါ ပင်ပန်းလိုက်ပါဘိ။
နောင်၌ ဒါမျိုး မရှိရလေအောင် မည်သို့ လုပ်မည်နည်း။
စာချုပ်ချုပ် ပေးသည့် ရှေ့နေ တရားစွဲ အဖွဲ့အစည်း
ရဲစခန်း ဥပဒေရုံး တရားရုံးတို့က ဒီလိုအမှုမျိုးကို
အမှုလုပ်၍ ဤသို့ ဆောင်ရွက်ရသည် အထိ
သယ်ဆောင်လာခြင်းကို ကျွန်တော်တို့ ထိန်းသိမ်း ရပါမည် ။
ဒီလို အမှုမျိုးတွေ ရဲ့စခန်း၌ အမှန်တရားဖော် ထုတ်ပြီး ပြတ်စေရန်နှင့်
အကယ်၍ တရားရုံးသို့ ရောက်လာလျှင်လည်း
အမှန်တရားကို မှန်မှန်နှင့် မြန်မြန် ဖော်ထုတ်ပေးရန် လိုအပ်ပါသည် ။
ငွေထုတ်ပေးသူသည် ဥပဒေပညာရှင် မဟုတ်သည်က များသည် ။
ရှေ့နေနှင့် တိုင်ပင်၍ စာချုပ်ချုပ်သည် ။
မမှန်မှန်းသိလျက် ရှေ့နေကလည်း စာချုပ်ချုပ် ပေးခြင်းများ ရှိပါသည် ။
ဒီစာချုပ်မျိုးဖြင့် တစ်ခါ နှစ်ခါ လိမ်ချုပ်ပြီး နောက်ပိုင်းတွင်
ရှေ့နေ မလိုတော့ဘဲ လိမ်လည် စာချုပ်ချုပ်ဆို သူများက
ဥပဒေကို လက်တစ်လုံးခြား လိမ်လည်ရန် ကျွမ်းကျင် လာကြသည် ။
မရှိဆင်းရဲသားများကို ဒုက္ခပေးရန် ပညာတတ် လာကြသည် ။
ငွေယူ သူများသည် စာချုပ်ချုပ်လျှင် ငွေပေးသူအား
ယုံကြည်စွာဖြင့် စာချုပ်တွင် ကွက်လပ်များ ထား၍ စာချုပ်မချုပ်ရန်နှင့်
အထူးသဖြင့် ငွေပမာဏကို ဂဏန်းနှင့်စာသားများအား
မပြုပြင်နိုင်အောင် ရေးသားရန် ရက်စွဲမှစ၍ အကြောင်းအရာ အမှန်ကို
ရေးသားချုပ်ဆိုရန် သတိပေးနှိုးဆော် အပ်ပါသည် ။
ဖြစ်နိုင်ပါက ကိုယ့်ဘက် ရှေ့နေနှင့် တိုင်ပင်၍ ချုပ်ဆိုကြပါဟု
တိုက်တွန်း အကြံပြု အပ်ပါသည် ။
Credit ရေးသားသူ ဆရာဦးစန်းဝင်း
ကူးယူဖော်ပြပါသည်။
Related Posts
ငွေပေးတဲ့ အခါတွေမှာ ကျုပ်က စာချုပ်နဲ့ သေသေချာချာ ပေးတာ ၊၊ ငွေပြန် မပေးနိုင်ရင် ပြစ်မှုဆိုင်ရာ ဥပဒေပုဒ်မ ၄၀၆ ယုံကြည်အပ် နှင်းခြင်း ဖောက်ဖျက်မှုနဲ့ တရားစွဲလို့ရမရ သိချင်လို့ပါ ။
မိတ်ဆွေကြီး ကိုချစ်တီး ပါလား ၊ မတွေ့တာ အတော်ကြာ ပြီနော် ၊ ဝလို့ဖြိုးလို့ ဝမ်းဗိုက် ကြီးတောင် ရွှဲလို့ပါလား ၊ ကျန်မားရေးလည်း ဂရုစိုက် ဦးနော် ကိုချစ်တီး ။ ။ အခု လိုမျိုး သတိပေးတာ ကျေးဇူးတင် ပါတယ်ဗျာ ၊ အရောက် အပေါက် နည်းသွားတာကအလုပ် တွေမျ...
လူတစ်ယောက်ဆီက ဖွင့်ပြောလို့မရတဲ့ ကိစ္စနဲ့ ငွေရဖို့ရှိတာကို မပေးပဲတိမ်းရှောင်နေတဲ့ အတွက် သူ့အိမ်မှာရှိတဲ့ ပစ္စည်းကို ၀င်သိမ်းလို့ ရပါသလား။
မေး - ကျွန်တော်က လူတစ်ယောက်ဆီက ဖွင့်ပြောလို့မရတဲ့ ကိစ္စနဲ့ ငွေရဖို့ရှိပါတယ်။တောင်းလို့လည်း မရဘူး။ ရှောင်တိမ်းနေပါတယ်။အဲဒါ သူ့အိမ်မှာရှိတဲ့ ပစ္စည်းတွေကို ၀င်သိမ်းလို့ ရပါသလား။ သိပါရစေ။ ဖြေ - ဖွင့်ပြောလို့မရတဲ့ ကိစ္စဆိုတော့ ဥပဒေနဲ့ မကင်းတဲ့...
တိုင်ချင်ရာ တိုင်လို့ ပြောနေတဲ့ ချေးငွေ ပြန်မပေး သူကို တရားစွဲလို့ ရ ၊ မရ
တိုင်ချင်ရာ တိုင်လို့ ပြောနေတဲ့ ချေးငွေ ပြန်မပေး သူကို တရားစွဲလို့ ရ ၊ မရ==================================== ဒါမျိုး ကျတော့ ငွေလို ချင်တဲ့ သူက နည်းနည်း အကင်းပါး ရတယ် ။ တန်းမစွဲ ရဘူး ။ ဒါမျိုး ကျတော့ သူက ကိုယ့်ဆီက ငွေချေး ထားတယ် ပြန် မ...