ငွေကို လိမ်လည်မှု . . . ရာဇ သတ်ကြီး ပုဒ်မ ၄၂၀ တွင် အကျုံးဝင် သည့် လိမ်လည် မှု မြောက်ရန် အတွက် တရားခံ သည် လှည့်ဖြား ခြင်းခံ ရသူအား ပစ္စည်း အပ်စေကို ပေ;ရန် အတွက် လိမ်လည်၍ မရိုး မဖြောင့်သော သဘော နှင့် သွေးဆောင် ခဲ့ ကြောင်း ထင်ရှား ပေါ်ပေါက် ရန် လိုသည်။

ငွေကို လိမ်လည် မှု . . .

     ရာဇ သတ်ကြီး ပုဒ်မ ၄၂၀ တွင် အကျုံးဝင် သည့် လိမ်လည်မှု မြောက်ရန် အတွက် တရားခံသည် လှည့်ဖြား ခြင်းခံ ရသူအား ပစ္စည်းကို ပေးအပ် စေရန် အတွက် လိမ်လည် ၍ မရိုး မဖြောင့် သော သဘော နှင့် သွေးဆောင် ခဲ့ကြောင်း ထင်ရှား ပေါ်ပေါက် ရန်လို သည် ။

ငွေ ယူသည့် အမှုတွင် ပုဒ်မ ၄၂၀ နှင့် အကျုံး ဝင်မည့် ပြစ်မှု ဖြစ်စေရန် ငွေကို တရားခံက လိမ် လည် လှည့်ဖြား၍ ရယူခြင်း ရှိမရှိ ဦးစွာစိစစ် ရသည် ။ ( ကို ဘာဘူ မသန်း နှင့်ကို ကျင်သိန်း အမှု ၊ ၁၉၆၄ မတစ ၄၇၆ ) ( ဦး ညိုကြီး နှင့် ပထစ ၊ ၁၉၇၈ မတစ ၂၇ )

      လူ တစ်ဦး တစ်ယောက် အား ၎င်း၏ ပစ္စည်း သို့မဟုတ် ငွေကို ပေးအပ် စေရန် လိမ်လည် ၍ မရိုး မဖြောင့် သော သဘော နှင့်သွေးဆောင် မှသာ ရာဇ သတ်ကြီး ပုဒ်မ ၄၂၀ နှင့် အကျုံးဝင် မည်ဖြစ် သည် ။ ပစ္စည်း သို့မဟုတ် ငွေကို ပေးအပ် ခြင်း မပြုမီ တရားခံကထိုသူအား လိမ်လည် လှည့်ဖြားခဲ့ သည်ဆိုသော အချက် ရှိရန် လိုသည် ။ ငွေကို ပေးအပ် စေရန် သွေးဆောင် ခြင်း ပြုလုပ် ချိန်၌ တရားခံ သည် လိမ်ဘည် လှည့်ဖြား ခြင်း မရှိ ပါမူ ၎င်းအပေါ်  ပြစ်မှု ကြောင်းဖြင့် တရား မစွဲနိုင် ချေ ။ ( ဦးမောင် မောင် နှင့် ပထစ ၊ ၁၉၆၆  မတစ ၇၃၂ )

      ဦး ချစ်မောင် နှင့် ပထစ ၊ ၁၉၈၁ မတစ ၂၁ အမှုတွင် ဦး ချစ်မောင် က ဘောက်ချာ တစ်ခု ကို ပြ၍ သူ၏ ဒန်အိုး ဒန်ခွက် လုပ်ငန်းအတွက် ဒန်ပြား များထုတ်ရန် ငွေလို နေကြောင်း ငွေကို တစ်ပတ် အတွင်းပေး ဆပ်မည် ဖြစ်ကြောင်း ယုံကြည် အောင်ပြော ဆို၍ ဦးချူရှိန်ထံမှ ငွေချေး သည် ။ လူချင်း ခင်မင် သဖြင့် ဦး ချူရှိန် က ယုံကြည် ၍ ဦး ချစ်မောင် အားငွေ ၆၇၀၀၀ ကျပ် ချေး လိုက်သည် ။ ဦးချစ်မောင်က ထိုငွေ လက်ခံရှိ ကြောင်းနှင့် တစ်ပတ်အတွင်း ပြန်လည် ပေးဆပ် မည် ဖြစ်ကြောင်း ဝန်ခံ လက်မှတ်ရေး ထိုးပေး လိုက်သည် ။ထို့နောက် ဦးချစ်မောင် ကငွေကို လုံးဝ ပြန် မဆပ် သဖြင့် ပုဒ်မ ၄၂၀ အရ တရားစွဲ ဆိုရာ ချေးယူသည့် ငွေကို ပြန်မဆပ်ဘဲ ပြန်ဆပ်မည်ဖြစ်ကြောင်း ယုံ ကြည်အောင် ပြုမူလျက် တမင် လှည့်ဖြား ပီး ငွေထုတ် ချေးစေ ရန် မရိုး မဖြောင့်သော သဘောဖြင့် သွေးဆောင် ၍ ငွေကိုရ ယူလျင် လိမ်လည်မှု မြောက်ကြောင်း ဆုံးဖြတ် ထားသည် ။

       ငွေထုတ် ချေးယူ သူသည် ချေးငွေ ကိုပြန်လည် ပေးဆပ်ရန် အခြေအနေ မရှိကြောင်း ငွေထုတ် ချေးသူ ကို လှည့်ဖြား ၍ ချေးယူသော ငွေကို ပြန်လည် ပေးဆပ် ရန် အကြံ မရှိကြောင်း နှင့် အခြေအနေ အကြောင်း အရပ်ရပ်ကို အထင်အရှား မပြနိုင် သမျှ ရာဇသတ်ကြီး ပုဒ်မ ၄၁၅ အတွင်း ကျရောက် သော လိမ်လည်မှု ဖြစ်သည်  မဆို နိုင်ကြောင်း မရွှေ နှင့် ပထစ ၊ ၁၉၅၈ မတစ ၃၀၆ တွင် ထုံးဖွဲ့ထားသည် ။ ဒေါ်သန်းနွဲ့ နှင့် မတစ ၊ ၂၀၁၂ မတစ ၅၉ တွင် လည်း လိုက်နာ သည် ။

     အိမ် နှင့် မြေရောင်း ချရာတွင် စရန် ငွေရှိ ပြီးမှ အကြောင်း တစ်ခုခုကြောင့် ရောင်းချ ရန်ငြင်း ဆို ခြင်းသည် လိမ်လည်လှည့်ဖြား၍ စရန်ငွေ ယူခြင်း ဖြစ်သည်ဟု မဆိုနိုင် ။ ( ဦး ဘိုးကျင် ပါ ၂  နှင့် ပထစ ၊  ၁၉၈၃  မတစ ၁၃၂ ) 

    ငွေကို လိမ်လည် ၍ မရိုး မဖြောင့်သော သဘောဖြင့် ရယူခြင်း ဖြစ်ကြောင်း သက်သေ ပြရန် တာဝန်မှာ တရား လိုဘက်ကဆောင်ရွက် ရမည့် တာဝန် ဖြစ်သည် ။ စွပ်စွဲ သူက စွပ်စွဲ ရုံမျှဖြင့် အစွပ်စွဲ ခံရသူက စွပ်စွဲ ချက်မဟုတ် မမှန်ကြောင်း ရှင်းလင်းရန်တာဝန် ရှိသည် ဟု သတ်မှတ်လျင် မမှန် မကန်စွပ်စွဲ ခြင်းဖြင့် အစွပ်စွဲ ခံရ သူတို့တွင် ပင်ပန်း ဆင်းရဲ ဖြစ်ရ ပေမည် ။ ( ဦးသက်လယ် နှင့် ပထစ ၊ ၁၉၈၃  မတစ ၁၄၁  )

     ( ဗဟုသုတ အလို့ငှာ ဖြစ်ပါသည် ။ )