ဆရာ ကန်ထရိုက်က ရောင်းတဲ့ တိုက်ခန်း ဝယ်ချင်လို့ ဘာတွေ သိထားရမလဲ ။

(ကြိုပွိုင့်) ကန်ထရိုက် တိုက်ခန်း ဝယ်ယူသည့်အခါ

စစ်ဆေးရမည့် အချက်များမှာ-

( က ) မြေရှင်နှင့် ကန်ထရိုက်တာတို့ အခန်းပေး အခန်းယူ

ချုပ်ဆိုသည့် စာချုပ်အရ မိမိအား ရောင်းချသည့် တိုက်ခန်းမှာ

၄င်းအကျိုးခံစားခွင့် ရရှိသည့် တိုက်ခန်း ဟုတ်မဟုတ်

( ခ ) နာမည်ပျက် ရှိသည့် ကန်ထရိုက်တာ ဟုတ်မဟုတ်

( ဂ ) ငွေကြေး ပြည့်စုံသည့် ကန်ထရိုက် ဟုတ်မဟုတ်

( ဃ ) တိုက်ခန်း အရောင်း အဝယ် စာချုပ်တွင် မြေရှင်

လက်မှတ် ရေးထိုးရမည်ဟု ဥပဒေ ပြဌာန်းချက် မရှိပါ

ဓလေ့ ထုံးစံ တစ်ရပ်အနေဖြင့် လက်မှတ် ထိုးခပေးခြင်း

ဖြစ်ပါသည်

( င ) အဝယ်စာချုပ်၌ ဝယ်ယူသည့် တိုက်ခန်းကို မည်သည့်

နေ့ရက်၌ နောက်ဆုံး ထားပေးအပ် ရမည်ဟု ပါရှိရမည်

သတ်မှတ်ရက်၌ တိုက်ခန်း လွဲပြောင်း မပေးပါက တရားစွဲဆိုရန်

အကြောင်း ပေါ်ပေါက်ပါသည် ။

( စ ) ပစ္စည်း လွဲပြောင်းခြင်း အက်ဥပဒေပုဒ်မ ၄၈အရ ပထမ

ရောင်းချ၍ ဝယ်ယူခြင်းကို ဦးစားပေးရမည်ဟု ဆိုထားသော်လည်း

ကြိုပွိုင့် စနစ်ဖြင့် အရစ်ကျ ငွေပေးချေ၍ ထုံးစံ နှင့်အညီ တိုက်ခန်း

ဝယ်ယူသူက လက်ဝယ်ထား ပိုင်ခွင့် ရှိကြောင်း မြွက်ဟကြေညာ၍

လက်ရောက် ရခွင့်ရှိသည်

Credit-OriginalUploder

Related Posts