လမ်းဦး တိုက် ၊ လှေဦး တိုက်

            ဒီနေ့ ကျွန်မ ငယ်ငယ်က နေခဲ့ တဲ့ ဇာတိ လေး ဖြစ်တဲ့ တောင်ပေါ်မြို့လေး တစ်မြို့ ကလော မြို့ ကို ပြောင်း ရွေ့ နေထိုင် ဖို့ အကြောင်း ဖန်လာ ခဲ့ ပါတယ် ။

ကျွန်မ ၁၄ နှစ် သမီး ဘ၀ ကတည်းက ရန်ကုန် မြို့ကို မိသားစု လိုက် အပြီး ပိုင်ပြောင်း လာခဲ့ ချိန်ကစပြီး ကလောကို မရောက် ခဲ့သည်မှာ အတော် ပင်ကြာခဲ့ ပါပြီ ။

            အခု ကျွန်မ ကလောကို ပြန်ပြီး အပြီးပိုင် နေရတော့ မည်ဆို တော့လည်း ကျွန်မ အရမ်းကို စိတ် လှုပ်ရှား နေခဲ့ ပါတယ် ။

ကျွန်မ ကလောကို ပြောင်းလာ ဖို့​ နေထိုင် ဖို့ရန် အတွက် အိမ်ရှာ ရပါ တော့မယ်  ။ အရင် တုန်းက နေခဲ့သည့် အိမ်မှာ လည်း တခြားသူများ နေထိုင် နေပြီမို့ အဲဒီ အိမ် ကို ပြန်သွား နေချင် သော်လည်း အဆင် မပြေ လှတော့ပါ ။

ကျွန်မ အိမ်ရှာ ဖို့အတွက်​ ကလောက အိမ် ခြံ မြေ အကျိုးဆောင် တစ်ယောက် နှင့် အချိတ် အဆက်မိ ပါတယ် ။

အကျိုးဆောင် က အိမ် ခြံ မြေ အရောင်းလေး တွေကို စိတ်ရှည် လက်ရှည် ပြပေး ပါတယ် ။

ဒါနဲ့ ကျွန်မက အရမ်းကို သဘောကျတဲ့ အိမ်လေး တွေ့လိုက် ပါတယ် ။

ခက်တာက အိမ်က လမ်းဦး တိုက် ဖြစ် နေတာ ပါပဲ ။

        အကျိုးဆောင် ကတော့ လှေဦး တိုက်ဆို တာက စီးပွားရေး အမြင် ဆိုရင် စျေးကွက် ကို မြင်ရ လွယ်ကူ တာကြောင့် စီးပွားဖြစ်ထွန်းမဲ့ အကွက် ဆိုပြီး တော့လည်း ပြောပါ တယ် ။

ကျွန်မ က ကုန်စုံ ဆိုင်လေး ဖွင့်ပြီး အေးဆေး နေချင်တဲ့ သူပါ ။

ထိမယ် ခိုက်တတ် တယ်ဆို ပြီး ပြောတဲ့ သူတွေ စကားကြောင့် ကျွန်မက ကျွန်မ လေးစား အားကျ ရတဲ့

ဆရာကြီး ဆီ ဖုန်းဆက် ပြီး မေးလိုက် ပါတယ် ။

“ တီ..…”

“ဟလို  ဆရာကြီး ရှင့် ”

“ အေး ပြော ”

               “ ကျွန်မ အခု ကလော မှာ အိမ်လေး ဝယ်တာလေ ကျွန်မ ဝယ်မယ့် အိမ်က လမ်းဦး တိုက်ဖြစ် နေလို့ လမ်းဦး တိုက် ဝယ်ရင် ဘာဖြစ်တတ် တာလဲ ဆရာကြီး ”

“  လမ်းဦး တိုက် ၊ လှေဦး တိုက် ဆိုတာက အင်း သားတွေ ၊  အင်း လူမျိုးတွေ ကနေပြီး စတင် သုံးစွဲလာ ကြတာ ။ တကယ် တော့ အင်း ထဲရှိ လှေ တစ်စီးက မျက်နှာ ချင်းဆိုင်ကို လှော်ခတ် လာပြီး ဘေးဘက် ကို ကွေ့လိုက် တဲ့အခါ သွားချင် ရာသို့ အလွယ် တကူ မရောက် ရှိဘဲနဲ့ အရှိန် လွန်ပြီး မျက်နှာချင်း ဆိုင်ရှိ အိမ်ကို တိုက်မိ သွားတာမျိုး ၊ ချိတ်မိ သွားတာ မျိုး ဖြစ်သွား တာကြောင့် လှေဦး တိုက်မှာ မနေကောင်း ဘူးဆိုပြီး ဖြစ်လာ ခြင်းပင် ဖြစ်ပါတယ် ။

          နေရာ ဒေသကို လိုက်ပြီးတော့ လှေဦးတိုက် ၊ လှည်း ဦးတိုက် ဆိုပြီး ခေါ်ဆို ကြတာ ဖြစ်ပါတယ် ။

ယုတ္တိ ရှိရှိ စဉ်းစား ကြည့်ရင် တော့ စျေးဆိုင် ဖွင့်ချင် တာမျိုး ဆိုရင် လမ်းဦး တိုက်က လမ်းသုံး လမ်းဂွ ဆုံနေရာမို့

စျေးကွက် မြင်ကွင်း အတွက် အကောင်းဆုံး နေရာပဲ ဖြစ်တယ် ။

           လမ်းဦး တိုက်မှာ နေပြီး စီးပွား ဖြစ်ထွန်း  နေကြတဲ့ သူတွေလည်း တစ်ပုံကြီး  တွေ့ဖူး  ပါတယ် ။

တစ်ချို့ တွေ ကတော့ လမ်းဦးတိုက် အိမ်က ခိုက်တယ် ၊ အဲဒီ အိမ်မှာ နေရင် စီးပွား တိုးတက် မှု့မရှိဘူး ၊ အိမ်ထောင်ရေး ၊ မိသားစု အဆင် မပြေ မှု့တွေ ဖြစ် တတ်တယ် ဆိုပြီး ပြောကြ တာတော့ ရှိပေမယ့် မြန့်မာ့ ရိုးရာ ထုံးတမ်း အစဉ်အလာ နည်းတွေ မှာတော့ လမ်းဦးတိုက် လိုမျိုး တွေမှာ စီးပွားရေး လုပ်ရင် ကောင်းတယ် ၊  အောင် မြင်မယ် လို့လည်း ပြောထား ပါတယ် ။

အဲဒီတော့ " စျေးသုံး ကိုလည်း မကြွယ်နဲ့ ရှေးထုံး ကိုလည်း မပယ်နဲ့ "တဲ့

လမ်း ဦးတိုက် လိုမျိုးမှာ ရှိတဲ့ အိမ် ခြံ မြေ တွေကို ဝယ်ချင် တယ်ဆို ရင်ကိုယ့် ဘာသာ ကိုယ် ယုတ္တိရှိရှိ စဉ်းစားပြီး ဝယ်ယူ လို့ရ ပါတယ်။

“ဟုတ်ကဲ့ ကျေးဇူးပါ ဆရာကြီး ရှင့် ”