တလင် တမယား စနစ် ကျင့်သုံးခြင်း ဆိုင်ရာ ဥပဒေကို ၃၁ - ၈ - ၂၀၁၅ ရက်နေ့ ရက်စွဲနဲ့ အတည်ပြု ပြဌာန်း လိုက်ခဲ့ ပြီဖြစ် ပါတယ် ။ အဲဒီနေ့ မတိုင်ခင်က အိမ်ထောင်ရှိ သူများက ယောက်ျား တယောက်ထက် ပိုယူခြင်း ၊ မိန်းမတယောက် ထက် ပိုယူခြင်း တွေဟာ ဒီဥပဒေနဲ့ အကျုံးမဝင်ပါ ။

              တလင် တမယား စနစ် ကျင့်သုံးခြင်း ဆိုင်ရာ ဥပဒေကို  ၃၁ - ၈ - ၂၀၁၅ ရက်နေ့ ရက်စွဲနဲ့ အတည်ပြု ပြဌာန်း လိုက်ခဲ့ပြီ ဖြစ်ပါတယ်။ အဲဒီ နေ့မတိုင်ခင်က အိမ်ထောင်ရှိ သူများက ယောက်ျား တယောက်ထက် ပိုယူခြင်း ၊ မိန်းမ တယောက်ထက် ပိုယူခြင်း တွေဟာ ဒီ ဥပဒေနဲ့ အကျုံး မဝင်ပါ ။ အဲဒီနေ့ ကစပြီး နောက်ပိုင်းမှာ အိမ်ထောင်ရှိသူ မည်သူမဆို ၊ မည်သည့် ဘာသာဝင်မဆို ၊ မည်သည့် လူမျိုးမဆို ( မြန်မာ နိုင်ငံသား ၊ ဧည့်နိုင်ငံသား နှင့် နိုင်ငံသား ပြုခွင့် ရထားသူ အားလုံး ) နောက်ထပ် အိမ်ထောင် ထပ်ပြုခွင့် မရှိတော့ပါ ။ ထပ်ပြုလျှင် ထောင်ဒဏ် ၇ နှစ်နှစ်အထိ ချနိုင်သလို ၊ ငွေဒဏ်လည်း ချမှတ် နိုင်ပါတယ် ။ ဒီဥပဒေနဲ့ ပတ်သက်ပြီး ဆွေးနွေး ငြင်းခုန်မှု များစွာ ရှိခဲ့ ပါတယ် ။ ထောက်ခံ သူတွေရှိ သလို ၊ ကန့်ကွက်သူ တွေလည်း ရှိပါတယ် ။ စိတ်ဝင်စားစရာ ဥပဒေတခု ဖြစ်တဲ့ အပြင် အိမ်ထောင်ရှိတဲ့လူတိုင်းနဲ့ ဆိုင်တာမို့ လေ့လာဖတ်ရှု သင့်တဲ့ ဥပဒေလည်း ဖြစ်ပါတယ် ။

၁ ။ အိမ် ထောင်ရှိသူ ( ယောက်ျား ၊  မိန်းမ ) မည်သူမဆို တရားဝင်ရော တရားမဝင်ရော နောက်ထပ် အိမ်ထောင် ပြုခွင့်မရှိ ။
( ယခင်က မိန်းမ တွေဟာ အိမ်ထောင်ရှိ လျက်နဲ့ လင်ပြိုင် အဖြစ် နောက် အိမ်ထောင် ထပ်ပြုလို့ မရပါ ။ ယောက်ျား တွေကတော့ မယားပြိုင် အဖြစ် နောက် အိမ်ထောင်ကို တရားဝင် ရော တရားမဝင် ရော ထပ်ပြု ခွင့်ရှိ ပါတယ် ။)

၂ ။ နောက် အိမ်ထောင် ထပ်ပြုသူကို ထောင်ဒဏ် ၇ နှစ်အထိ ချမှတ် နိုင်ပါတယ် ။
( ယခင်က ယောက်ျား တယောက် နောက် အိမ်ထောင် ထပ်ပြုလျှင် အရေးယူ လို့မရပါ ။  မိန်းမ တယောက် နောက် အိမ်ထောင် ထပ်ပြုလျှင်လည်း အရေးယူ လို့မရပါ ။ အဲဒီ မိန်းမရဲ့ နောက် ယောက်ျား ကိုသာ မယားခိုးမှုနဲ့ အရေးယူ လို့ရ ပါတယ် ။)

၃ ။ နောက် အိမ်ထောင် ထပ်ပြုသူကို ကျန်တစ်ဦးမှ ကွာရှင်း ခွင့်တောင်း နိုင်ပါတယ် ။
( ယခင်က ယောက်ျား နောက်မိန်းမ ယူခြင်းကို မိန်းမက ကွာရှင်းခွင့် တောင်းလို့ မရပါ ။ မိန်းမက နောက် ယောက်ျားယူ လျှင်တော့ ယောက်ျားက ကြီးစွာသော ရက်စက်မှု အဖြစ် ကွာရှင်းခွင့် တောင်းလို့ ရပါတယ် ။)

၄ ။ နောက် အိမ်ထောင် ထပ်ပြုသူဟာ နှစ်ဦးဆိုင် လက်ထပ်ပွား အမွေ အားလုံးကို စွန့်လွှတ် ရပါမယ် ။
( ယခင်က အမွေ စွန့်လွှတ် ရန် မလိုပါ ။)

၅ ။ နောက် အိမ်ထောင်ကို အမွေ ပေးခွင့် မရှိပါ ။
( ယခင်က ယောက်ျား သေလျှင် ကျန်ရစ်သော မိန်းမများက အမွေကို ညီတူ မျှတူ ခွဲဝေယူ ရပါတယ် ။ မိန်းမများ နောက် ယောက်ျားယူခြင်းဟာ ယခင် ကတည်းက တရားဝင် မဟုတ်တာမို့ အမွေ ဆက်ခံ ခွင့်မရှိပါ ။)

၆ ။ နောက် အိမ်ထောင် ထံမှ အမွေ ယူခွင့် မရှိပါ ။ 
( ယခင်က နောက် မိန်းမသေလျှင် ယောက်ျားက ၎င်း မိန်းမရဲ့ အမွေကို ဆက်ခံခွင့် ရှိပါတယ် ။  မိန်းမများ နောက် ယောက်ျား ယူခြင်းဟာ ယခင်ကတည်းက တရားဝင် မဟုတ်တာမို့ အမွေဆက်ခံ ခွင့်မရှိပါ ။)

၇ ။ ကလေးများ အမွေဆက်ခံခွင့်ရှိပါတယ်။
( ယခင် ကလည်း ရှိပါတယ် ။)

၈ ။ အိမ်ထောင် ရှိတာကို ထုတ် မပြောဘဲ နောက် အိမ်ထောင် ထပ်ပြုလျှင် ထောင်ဒဏ် ၁၀နှစ် အထိ ချနိုင်ပါတယ် ။ ငွေဒဏ် လည်း ချနိုင်ပါ တယ် ။
( ယခင် ကလည်း ကာမကို လိမ်လည် ယူမှုနဲ့ တရားစွဲ ထောင်ချ လို့ရပါတယ် ။)

၉ ။ အိမ်ထောင် ရှိတယ် ဆိုတာကို ဥပဒေအရ ၊ ကိုးကွယ်ရာ ဘာသာအရ ၊ ဓလေ့ ထုံးတမ်းအရ သတ်မှတ် တယ်လို့ ဆိုပါတယ် ။
( တရားရုံးမှာ လက်မှတ် ထိုးထား တာခြင်း ၊ ကိုးကွယ်ရာ ဘုရားကျောင်း ၊ ဗလီတို့တွင် လက်ထပ် ထားခြင်း ၊ ဗုဒ္ဓဘာသာ မြန်မာ လူမျိုးများဆိုလျှင် ဘေးအိမ်များ အပေါင်း အသင်း မိတ်ဆွေများမှ လင်မယားအရာ ရောက်နေပြီဟု အသိအမှတ်ပြု ထားခြင်းတွေ ရှိနေလျှင် အိမ်ထောင် ရှိသူလို့ သတ်မှတ်မှာ ဖြစ်ပါတယ် ။)

ဒီ ဥပဒေကြောင့် အိမ်ထောင် ရှိသော မိန်းမ ( အရပ်ခေါ်  မယားကြီး ) ရရှိနိုင်မယ့် အကျိုး ကျေးဇူးများ ကတော့ –

၁ ။ နောက် မိန်းမ ယူသော ယောက်ျားကို တိုင်ပြီး ထောင်ချလို့ ရပါတယ် ။
၂ ။  နောက် မိန်းမ ယူသော ယောက်ျားကို ကွာရှင်း ခွင့်တောင်း လို့ရ ပါတယ် ။
၃ ။ ပိုင်ဆိုင်မှု တွေကို တစ်ဦးတည်း ရပါမယ် ။ ( နောက် မိန်းမမှာ သားသမီး ရှိလျှင်တော့ ခွဲဝေ ပေးရမယ် ထင်ပါတယ် ။ ဒီကိစ္စ သိပ်မသေချာပါ ။)

ဒီ ဥပဒေကြောင့် အိမ်ထောင် ရှိသော ယောက်ျား ( အရပ်ခေါ်  လင်ကြီး ) ရရှိနိုင်မယ့် အကျိုး ကျေးဇူး ကတော့ –

၁ ။ ယခင်က မိန်းမ၏ နောက်ယောက်ျား ( အရပ်ခေါ်  လင်ငယ် ) ကို ထောင်ချလို့ ရရာကနေ အခုအခါမှာ လင်ငယ်ရော မိန်းမကိုပါ ထောင်ချလို့ ရလာ ပါတယ် ။
၂ ။ ကွာရှင်း ခွင့်က အရင်ကလည်း ရပါတယ် ။ အခုလည်း ရပါတယ် ။
၃ ။  ပိုင်ဆိုင်မှု များကို တစ်ဦးတည်း ရပါမယ် ။ ( အရင်က ကွာရှင်း ချိန်တွင် မိန်းမကို တစ်ဝက်ခွဲ ပေးကြ လေ့ရှိ ပါတယ် ။)

ဒီ ဥပဒေကြောင့် နောက် မိန်းမ ( အရပ်ခေါ်  မယားငယ် ၊ ဥပဒေ အခေါ် မယားပြိုင် ) ရရှိနိုင်မယ့် အကျိုး ကျေးဇူး ကတော့ –

၁ ။ အရင်က ယောက်ျားကို လက်ထပ် ယူပေးဖို့ တောင်းဆို ခွင့်မရှိပါ ။ အခုတော့ ထောင်ကျအောင် တိုင်လိုက် ရမလားဟု ခြိမ်းခြောက်ပြီး မယားကြီးကို ကွာခိုင်း လျက် လက်ထပ် ပေးဖို့ တောင်းဆိုခွင့် ရှိလာ ပါတယ် ။
၂ ။ အရင်က ယောက်ျားက ကြည်ဖြူမှ လိုချင်တာ ရပါတယ် ။
အခု တော့ ထောင်မကျ ချင်လျှင် စိန်နားကပ် ၊ ကား ၊ တိုက်ခန်း  စသဖြင့် ပေးပါဟု ခြိမ်းခြောက်ပြီး တောင်းလို့ ရလာ ပါတယ် ။
၃ ။ အရင်က မယားကြီးကို မတွေ့အောင် ရှောင်နေ ရပါတယ် ။ အခုတော့ မယားကြီး ဆီကို ရောက်လာပြီး ရှင့်ယောက်ျား ထောင်ကျပြီး ရှင်တို့ဘဝ မပျက် ချင်လျှင် ကျမ တောင်းဆို တာတွေ ပေးပါဟု တောင်းဆိုခွင့် ရှိလာ ပါတယ် ။
၄ ။ အိမ်ထောင် ရှိသော ယောက်ျား တစ်ယောက်ကို ယူမိသဖြင့် ယခင် ကလည်း အရေးယူ မခံရပါ ။ အခုလည်း အရေးယူ မခံရပါ ။
၅ ။ အမွေခံ စားခွင့်တော့ ဆုံးရှုံး ပါမယ် ။

ဒီ ဥပဒေကြောင့် နောက် ယောက်ျား ( အရပ်ခေါ်  လင်ငယ် ) ရရှိနိုင်မယ့် အကျိုးကျေးဇူး –

၁ ။ အရင် ကလည်း ဘာမှမရှိပါ ။ အခုလည်း ဘာမှမရှိပါ ။ ယခင် ကလိုပဲ မယားခိုး မှုနဲ့ ထောင်ကျမှာ ဖြစ်ပါတယ် ။
အိမ်ထောင်ရေး ကိစ္စဆိုတာ အင်မတန်ကို ရှုပ်ထွေးသော ကိစ္စဖြစ် ပါတယ် ။ ယဉ်ကျေးမှု အရ မြန်မာ နိုင်ငံတွင် နောက် လင်ယူသော မိန်းမ နည်းပါး သော်လည်း နောက် မိန်းမယူသော ယောက်ျားများ အတော်လေး များပြား လှပါတယ် ။ စကတည်းက မယား အများယူသော စနစ် ( Polygamy ) ကို ကျင့်သုံး ခဲ့သော နိုင်ငံဖြစ် လို့ပါ ။ အခုလို ဥပဒေ ထုတ်ပြီး တလင် တမယား ( Monogamy ) အဖြစ် ပြင်လိုက်တဲ့ အချိန်မှာ လိုက်နာသူ များရှိ နိုင်သလို မလိုက်နာမယ့် သူများလည်း ရှိလာ ပါလိမ့် မယ် ။ ဥပဒေဟာ ဥပဒေ ဖြစ်တဲ့ အတွက် ဘယ်သူ့ အထက်မှာမှ ရှိမနေ သင့်ပါ ။ ကျောသား ရင်သား မခွဲခြားဘဲ အားလုံးကို ဥပဒေ ပြဌာန်း ချက်အတိုင်း အရေးယူ ရမှာဖြစ်ပါတယ် ။ ဥပဒေတွင် အပြစ်ဒဏ်ကို ထောင်ဒဏ် ( သို့မဟုတ် ) ငွေဒဏ်လို့ ပြဌာန်း ထားတာ မဟုတ်ပါဘူး ။ ထောင်ဒဏ် အပြင် ငွေဒဏ်ပါ ချနိုင် တယ်ဆို တဲ့အတွက် ထောင်ဒဏ် ကတော့ မဖြစ်မနေ ခံယူကြ ရမှာ ဖြစ်ပါတယ် ။

ကူးယူ ဖော်ပြ ပါသည်။

#Crd to owner