စာချုပ်စာတမ်း ရေးသားရာတွင် ဆောင်ရန် ၊ ရှောင်ရန် အချက်များ

စာချုပ်ရေးပုံ ရေးနည်း

စာချုပ်စာတမ်း ရေးသားရာတွင် ဆောင်ရန် ၊ ရှောင်ရန် အချက်များ

   စာချုပ်စာတမ်း ရေးသားတဲ့နေရာမှာ ရှင်းလင်းပြေပြစ်တဲ့ စကားနဲ့ ရေးသားဖို့ လိုတယ် ။ ချုပ်ဆိုသူရဲ့  ကြံရွယ်ချက် သဘောထားကိုထင်ရှား သိသာအောင် ရေးရတယ် ။ တရားဥပဒေပါ ခဲရာခဲဆစ် စကားလုံးတွေကို ထည့်ရေးဖို့ မလိုပါ ။ လိုအပ်တဲ့ အချက်တွေကို စေ့စုံ ကုံလုံအောင် ထည့်သွင်း ရေးသားရတယ် ။ ဘာဖြစ်လို့လဲဆိုတော့ ပဋိညာဉ် တစ်စုံတစ်ရာကို လုပ်ရင် အဲ့ဒီစာချုပ်မှ တစ်ပါး အခြားသက်သေကို လက်ခံခွင့် မရလို့ဘဲ ။

   စာချုပ်မှာ ခု ၊ လ ၊ ရက်တို့ကို တိတိကျကျ သေသေချာချာ ရေးဖို့ လိုတယ် ။ အင်္ဂလိပ် သက္ကရာဇ်နဲ့ မြန်မာသက္ကရာဇ်တွေကို ပြိုင်တူ

 တွဲပြီး ရေးသားသင့်ပါတယ် ။

   ပစ္စည်းနဲ့ ပတ်သက်ပြီး အကြောင်းအရာ ရေးသားရင် ပစ္စည်းစာရင်းကို စာချုပ်နောက်ပိုင်းမှာ ပစ္စည်းဇယားအနေနဲ့ ပြည့်ပြည့်စုံစုံ ဖော်ပြ ရပါတယ်။

    ချုပ်ဆိုတဲ့ စာချုပ်ဟာ ဘယ်လို အမျိုးအစားဖြစ်တယ် ဆိုတာ အလွယ်တကူ သိနိုင်အောင် စာချုပ်ခေါင်းစဉ် ဖော်ပြရပါတယ် ။

စာချုပ်မှာ ပါဝင် လက်မှတ်ရေးထိုးသူရဲ့ အမည် ၊ နိုင်ငံသား မှတ်ပုံတင် အမှတ် ၊ နေရပ်လိပ်စာတွေ ရေးသား ရပါမယ် ။

    စာချုပ် ချုပ်ဆိုရာမှာ ပါဝင်ရမည့် ပုဂ္ဂိုလ်ဟာ အသက်အရွယ် မပြည့်သူ မဖြစ်ရပါဘူး ။ တကယ်လို့ အသက်အရွယ် မပြည့်သေးတဲ့သူဖြစ်နေရင် အုပ်ထိန်းသူက လက်မှတ်ရေးထိုး ရပါမည် ။ ဘာဖြစ်လို့လဲ ဆိုလျှင် အသက်မပြည့်သူက ပဋိညာဉ် ပြုပိုင်ခွင့် မရှိ၍ ဖြစ်သည်။စိတ်မနှံ့သူ ဖြစ်လျှင်လည်း ပဋိညာဉ် ပြုပိုင်ခွင့် မရှိ ။

     တချို့ ပုဂ္ဂိုလ်တွေဟာ စာချုပ် ချုပ်ဆိုရာမှာ ကိုယ်တိုင်ကိုယ်ကျ မပါဝင်ဘဲ ကိုယ်စားလှယ်နဲ့ ချုပ်ဆိုကြတာလည်း ရှိပါမည် ။

ဦးဘ၏ ကိုယ်စားလှယ်စာရသူ စသည်ဖြင့် လက်မှတ် ရေးထိုးနိုင်ပါတယ် ။ ဒါပေမယ့် လက်မှတ်ရေးထိုးတဲ့ ဦးမောင်မောင်ဟာ ဦးဘရဲ့ကိုယ်စားလှယ်စာရသူ ဖြစ်ရပါမည် ။

စာချုပ်မှာ - နိဒါန်း

-  အဖိုးစားနား

-  ပိုင်းခြား ဝေငှခြင်း

-  စည်းမျည်းနဲ့ သတ်မှတ်ချက်

-  အကျိုးခံစားခွင့် ဆိုင်ရာ ဖော်ပြချက်

-  ဖော်ထုတ် ပြုလုပ်တဲ့ သဘောတူညီမှု နဲ့ တာဝန်ယူခြင်း

-  နိဂုံး

-  လက်မှတ်နဲ့ မှန်ကန်ကြောင်း လက်မှတ် ရေးထိုးခြင်း

-  ထပ်ဆင့် လက်မှတ်ရေးထိုးခြင်းနဲ့ နောက်ဆက်တွဲ စာချုပ်ဆိုတဲ့ အပိုင်းတွေ သူ့စာချုပ် အလိုက် ပါရှိရမည် ။

    စာချုပ်တွေကို ရေးထိုးရာမှာ ဖျက်ရာမပါအောင် ရေးရပါမယ် ။ အကယ်၍ ဖျက်ရာရှိခဲ့လျှင် ဖျက်ရာနေရာမှာ နှစ်ဦးနှစ်ဖက်                  လက်မှတ် ရေးထိုးရပါမယ် ။

   ငွေပမာဏကို ဂဏန်းနဲ့ ရေးရမယ့် အပြင် စာနဲ့လည်း ရေးရမည် ။ စာရေးရာမှာ နောက်ထပ် ဖြည့်စွက်ရေးတာမျိုး မရှိနိုင်အောင် 

   ကြားလပ် မရှိစေဘဲ မျဉ်းကြောင်း စိပ်စိပ် ရေးရပါမယ် ။

   တံဆိပ်ခေါင်း ပါတဲ့ စာချုပ်မှာ တစ်ချပ်တစ်ရွက်နဲ့ မလုံလောက်ရင် နောက်ထပ် စာချုပ်တစ်ရွက်မှာ ရေးပါမယ် ။ တစ်မျက်နှာနဲ့

   မလုံလောက်ရင်လည်း စာရွက်ကျောဘက်မှာ ရေးတာမျိုး မလုပ်သင့်ပါ ။ စာချုပ်ခေါင်းပါ တစ်ရွက်နဲ့ မလုံလောက်တဲ့ အတွက်              နောက်ထပ် စာချုပ်ခေါင်း မပါတဲ့ စာရွက်လွတ်မှာ ရေးတာမျိုး မလုပ်ရ ။ နောက်ထပ် စာချုပ်ခေါင်း တစ်ရွက်အပေါ်တွင်သာ ရေးသား    သင့်ပါသည် ။

    စာရွက်တိုင်းမှာ စာမျက်နှာ ဖော်ပြရပါမယ် ။ စာတစ်မျက်နှာ ကုန်ဆုံးရင် နောက်ထပ် စာမျက်နှာ ( သို့ ) လို့ စကား အဆုံးသတ် ရပါ မည်။ စာချုပ်မှာ လက်မှတ်ရေးထိုးခြင်းဟာ အရေးပါတဲ့ ကိစ္စ ဖြစ်ပါတယ် ။ လက်မှတ်တွေကို ချုပ်ဆိုသူတွေနဲ့ သက်သေအဖြစ် ပါဝင်သူ တွေ ကိုယ်တိုင် ရေးထိုးကြရမှာ ဖြစ်တယ် ။ စာမျက်နှာတိုင်းမှာ လက်မှတ် ရေးထိုးသင့်ပါတယ် ။

    စာချုပ် ချုပ်ဆိုရာမှာ သက်သေကို တကူးတက ခေါ်ယူရတယ် ။ ရေးချုပ် ဖတ်ပြနေတုန်းမှာ အမှတ်မထင် ရောက်လာတာမျိုးဟာ       သံသယ မကင်းစရာ ဖြစ်တက်ပါတယ် ။ ဒါကြောင့် တမင်ခေါ်ယူပြီး တိတိကျကျ သေသေချာချာ ပါဝင်ချုပ်ဆို ရပါမယ် ။ စာချုပ်ပါအချက်တွေကို သိရှိဖို့ လိုပါမယ် ။ စာချုပ်ကို သေသေချာချာ ဖတ်ကြည့်ခိုင်းပါ ။ စာချုပ်အတိုင်း ဟုတ် မဟုတ် မေးဖို့လည်း လိုအပ်ပါတယ် ။ ချုပ်ဆိုတဲ့ စာချုပ်မှာ တံဆိပ်ခေါင်း အလုံအလောက် ကပ်ဖို့ လိုပါတယ် ။

အားလုံးပဲ အဆင်ပြေနိူင်ကြပါစေလို့ ရည်ရွယ်ရင်း

အကိုး  ။   ။  ဆရာကြီး ဦးကျော်ဇေယျ၏ စာချုပ်အမျိုးမျိုး ချုပ်ဆိုနေကြသူများနှင့် သက်ဆိုင်သော ပြညွန်းချက်များ

Credit (  ဥပဒေရေးရာ )