ပိုင်ဆိုင်မှု မှန်သမျှ သမီး အမည်ပေါက်နဲ့ လုပ်ထားပါတယ် သမီးလေး ဆုံးပါးသွားတော့ သားမက်ဖြစ်သူက သူ့အိမ်ပိုင်ဆိုပြီး ခြိမ်းခြောက်မူ ဒီကိစ္စမှာ ဥပဒေအရ ဘယ်လို အကာအကွယ် ပေးနိုင်မလဲ
ကျွန်တော့မှာ သားသမီး ၆ ယောက်ရှိပါတယ် ။
သမီးလေးက တစ်ယောက်ထဲပဲ ပါလို့ ပိုင်ဆိုင်မှု မှန်သမျှ
သမီး အမည်ပေါက်နဲ့ လုပ်ထားပါတယ် ။
သမီးက အိမ်ထောင်ကျပြီး မြေးတစ်ယောက် ကျန်ခဲ့ပါတယ် ။
ကံအား လျှော်စွာ သမီးလေးဆုံးပါး သွားခဲ့ရပါတယ် ။
အခုတော့ သားမက်ဖြစ်သူက သူ့အိမ်ပိုင်ဆိုပြီး
ခြိမ်းခြောက်မှု တွေရှိလာပါတယ် ။
ကျန်တဲ့ သားသမီးတွေ အတွက်လည်း
အမွေဆက်ခံ ပိုင်ခွင့်ကို စီစဉ်ပေး ချင်ပါတယ် ။
ဒါကြောင့် ဒီကိစ္စမှာ ဥပဒေအရ
ဘယ်လို အကာအကွယ် ပေးနိုင်မလဲဆိုတာ သိချင်ပါတယ် ။
=======================
အဓိကတော့ အငယ်ဆုံး သမီးလေးကို ချစ်မြတ်နိုးပြီးတော့
သူ့နာမည်နဲ့ ပစ္စည်းတွေ ထားခဲ့တယ် ။
သမီးကလည်း ဆုံး သွားတဲ့အချိ န်။
ဒီနေရာမှာ ဥပဒေအရ ကြည့်မယ်ဆိုရင်
မြန်မာ့ ဓလေ့ ထုံးတမ်းဥပဒေ ရှိပါတယ် ။
တခြားနိုင်ငံ တကာဥပဒေမှာလည်း ရှိပါတယ် ။
ဒါက ပစ္စည်းပိုင်ရှင်ဖြစ်တဲ့ပုဂ္ဂိုလ်က ၊
ပစ္စည်းပိုင်ရှင် အစစ်အမှန်က တခြားတစ်ယောက်ကိုပေါ့
နာမည်ခံ ပြီးတော့ အမည်ခံသက်သက်နဲ့ ဆောင်ရွက်ထား ခဲ့တဲ့ကိစ္စ
ဘီနာမီ လို့လဲ ခေါ်ပါတယ် ။
အမည်ခံ ခိုင်းထားတာ တကယ့်ပိုင်ရှင်ကတော့ မူလပိုင်ရှင်ရဲ့ အစစ်အမှန် ။
ဒီကိစ္စကို ကြည့်မယ် ဆိုရင်တော့ ဖခင်ဖြစ်တဲ့သူက
ကိုယ်တိုင် ရှိနေသေးတဲ့ အခါကျတော့ သမီးဟာ
ဘီနာမီ အမည်ခံသက်သက်ပဲ ထားခဲ့တာ ။
ဒီပစ္စည်းတွေဟာ ငါ့ပစ္စည်းတွေပဲ ဖြစ်တယ်ဆိုတာ ပြောလို့ ရပါတယ် ။
တကယ် ဆိုလို့ရှိရင်တော့ သမီးသေသွားပြီး လို့ဆိုရင်
သမီးက မြန်မာ့ ဓလေ့ ထုံးတမ်း ဥပဒေမှာ သွေးနဲ့သွားတာ ။
သွေးနဲ့ သွားတာလို့ ဖြစ်တဲ့အတွက်တော့ သမီးသေသွားတဲ့အခါ
သမီးရဲ့ ပစ္စည်းဆိုရင်တော့ လင်သေ မယားပေါ့ ၊ မယား သေလင်ရတယ် ။
အခုပစ္စည်းက သမီးရဲ့ပစ္စည်း မဟုတ်တဲ့ အခါကျတော့
ဒီပစ္စည်းက အမွေအရ ဖခင်အရင် သမီးကသေသွားတော့
အမွေက သူ့အနေနဲ့ အမွေကန်း သွားတာပေါ့ ။
အမွေကန်း သွားတယ် ဆိုပေမဲ့ သွေးက
ဘယ်မှာ သွားရှိလဲဆိုတော့ မြေးမှာ သွားရှိတယ် ။
မြေးမှာ သွားရှိတော့ ခုနကခင်ပွန်းမှာ မရှိဘူး ။
ဘီနာမီနဲ့ လုပ်ထားတဲ့ ပစ္စည်းက ခင်ပွန်းမှာမရှိဘူး ။
မြေးကတော့ ဦးလေးတွေနဲ့ ပြိုင်ပြီးတော့ ခွဲရမှာပေါ့ ။
အမွေမမှီ မြေးပေါ့ ။ အမွေ မမှီမြေး ဆိုရင်တော့
သူ့က မိမိရဲ့ မိခင်ရဲ့ ဝေစုရဲ့ ၄ပုံ၁ပုံ ရနိုင်တာပေါ့ ။
ဒီကိစ္စကို ကြည့်လိုက်မယ် ဆိုရင်တော့ ပစ္စည်းပိုင်ရှင်
ကိုယ်တိုင် ရှိနေသေးတဲ့ အတွက်တော့ အမွေပုံပစ္စည်းလို့
တော့ပြောလို့ မရသေးဘူး ။ သို့သော် တကယ်လို့
အမှုရင်ဆိုင်မယ် ဆိုခဲ့လို့ဆိုရင်တော့ ဘီနာမီ အမည်ခံဖြစ်ကြောင်း
မွက်ဟ ကြေငြာပေး စေလိုမှု ဆိုတာလေးတစ်ခု လုပ်လို့ရပါတယ် ။
မိသားစု စီမံခန့်ခွဲမှု စာချုပ် သဘော တူညီချက်အရပေါ့နော်။
မင်းက ဘာယူ ။ မင်းကဘာယူ ဆိုတာမျိုးပေါ့ ။
အမွေဆိုင်ထဲမှာ မပါတဲ့ သမီးရဲ့ ခင်ပွန်းကိုလဲ မိသားစု သဘောအရ
ကျန်တဲ့ မိသားစုတွေ သဘောတူတယ် ဆိုရင်တော့
သူ့ကိုလဲ ပေးလို့ရပါ တယ် ။ မြန်မြန်လေး စောစောစီးစီး ပေါ့နော် ။
နောက်ဆိုရင်တော့ ကာယကံရှင် ကိုယ်တိုင် မရှိတဲ့အခါကျရင်
ပိုပြီးတော့ ရှုပ်ထွေး သွားမှာ ဖြစ်တဲ့အတွက်တော့
ပထမဆုံး မိသားစု စီမံခန့်ခွဲမှု နဲ့ ကြိုးစားစေ ချင်ပါတယ် ။
အဲဒါမှ မရဘူးဆိုရင်တော့ ဘီနာမီ ဖြစ်ကြောင်း
မွက်ဟ ကြေညာပေး စေလိုမှုနဲ့ သွားသင့် ပါတယ် ။
#DVBlawlab #DVBtvnews
#အမွေဆက်ခံရေး
#ဘီနာမီ
#မိသားစုစီမံမှု
#Crd to owner
Related Posts
နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင်ခွင့် ရှိပါသလား
'နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင် ခွင့် ရှိပါသေးသလား''ဟု မိတ်ဆွေ တစ်ဦးက စာရေးသူထံ လာရောက် ဆွေးနွေးပါသည်။''ဘယ်လိုအခြေအနေမျိုးဖြစ် လို့လဲ၊ ပထမ အိမ်ထောင်နဲ့ လက်ထက် ပွားပစ္စည်းဆိုရင်တော့ ပထမဇနီး ခင်ပွန်းနဲ့ ထက်ဝက်စီအမွေဝေစုရခွင့် ရှိပါ...
အမွေရှင်က သူတစိမ်းအားအမွေပစ္စည်းအားလုံးကိုပေးကမ်းခြင်း
မြန်မာဓလေ့ထုံးတမ်းဥပဒေ- ပဋိညာဉ်ဥပဒေပုဒ်မ ၂၃ ပါ “ ဥပဒေ ” ဆိုသောစကားရပ်- မြန်မာနိုင်ငံတရား ဥပဒေများ ဆိုင်ရာဥပဒေပုဒ်မ ၁၃ (၁) - မြန်မာဗုဒ္ဓဘာသာဝင်များအကြား အငြင်းပွားနေသော အမွေဆက်ခံသည့် ကိစ္စနှင့်စပ်လျဉ်းသည့်ဓမ္မသတ်ပါ ပြဋ္ဌာန်းချက်များသည် ဥပဒေဖြစ်သည့်အလျ...
မိဘအမွေ မဆက်ခံနိုင်သည့်သားသမီးများ
မြန်မာဓလေ့ထုံးတမ်းဥပဒေတွင် မိဘသည် သားသမီးများအားအမွေမှ မပယ်ထုတ်နိုင်ပေ\သို့ရာတွင်အောက်ပါ အကြောင်းသုံးရပ်ကြောင့်သားသမီးများသည် မိဘအမွေ ဆက်ခံနိုင်ခွင့်ဆုံးရှုံးခြင်းခံရပေသည်သူတစ်ပါးအား မွေးစားရန်ပေးအပ်ခံရခြင်းမိဘများကွာရှင်းပြတ်စဲကြပြီးနောက် သားသမီးဖြစ...