မေး။ အနောက်ပိုင်းတက္ကသိုလ်နားကလယ်မြေတွေကို သိန်း၄၀ ကျော်နဲ့ အရစ်ကျရောင်းနေပါတယ် အဲဒါအမှန်လား သိချင်ပါတယ်။ ဝယ်ပြီးရင်အိမ်ဆောက်နေလို့ကောရလား အမှန်ဆိုရင် ဘာတွေလိုအပ်လဲ ဘယ်သူ့ထောက်ခံချက် တွေလိုလဲသိချင်ပါတယ် ၊ အစိုးရကတကယ်ခွင့်ပြုထားတာလား

မေး။ အနောက်ပိုင်းတက္ကသိုလ်နားကလယ်မြေတွေကို သိန်း၄၀ ကျော်နဲ့ အရစ်ကျရောင်းနေပါတယ် အဲဒါအမှန်လား သိချင်ပါတယ်။ ဝယ်ပြီးရင်အိမ်ဆောက်နေလို့ကောရလား အမှန်ဆိုရင် ဘာတွေလိုအပ်လဲ ဘယ်သူ့ထောက်ခံချက် တွေလိုလဲသိချင်ပါတယ် ၊ အစိုးရကတကယ်ခွင့်ပြုထားတာလား။

ဖြေ။ အနောက်ပိုင်းတက္ကသိုလ်နားက လယ်မြေတွေကို အရစ်ကျရောင်းခြင်းတော့မှန်ကန်ပါတယ်။ မှန်ကန်မှုရှိ/မရှိ အိမ်ဆောက်နေလို့ရ/မရ ဆိုသည့်ကိစ္စကို အောက်ပါအချက်အလက်များကို စစ်ဆေးဖို့လိုအပ်ပါသည်။

လယ်ယာမြေနဲ့ပတ်သက်ပြီး ရှင်းပြရမည်ဆိုလျှင် လယ်ယာ မြေမှာ လယ်ခွန်၊ မြေခွန် ပုံစံ(၁၀)ဖြင့်် တရား၀င် မှတ်ပုံတင် အရောင်းအ၀ယ်လုပ်လို့မရပါဘူး။ အချို့နေရာများတွင် ကျေးရွာဥက္ကဌ၏ရှေ့တွင် ရောင်းသူ၊ ၀ယ်သူ၊ သက်သေ(၂)ဦးလက်မှတ်ထိုးရောင်းချပါသည်။ ကျေးရွာဥက္ကမှတဆင့် လယ်မြေစီမံခန့်ခွဲရေးနှင့် စာရင်းအင်းဦးစီးဌာန ကို တင်ပြပါသည်။ ထိုအခါ နောက်နှစ် လယ်ယာမြေအခွန်ကောက်ခံ တဲ့အချိန်တွင် ၀ယ်သူအမည်ဖြင့် လယ်ယာမြေ ပြေစာထွက်လာပါသည်။ ထိုကဲ့သို့ အရောင်းအ၀ယ်ပြုလုပ်ကြခြင်းရှိပါတယ်။

လယ်ခွန်၊ မြေခွန် ပုံစံ(၁၀)ရပြီးလျှင် လယ်မြေစီမံခန့်ခွဲရေးနှင့် စာရင်းအင်းဦးစီးဌာနတွင် လယ်ယာမြေ လုပ်ပိုင်ခွင့်လက်မှတ် ပုံစံ(၇)လျှောက်ထားရပါသည်။ ပုံစံ(၇)ရလျှင် လယ်ယာမြေလုပ်ခွင့်ရပါပြီး တနည်းအားဖြင့် တရား၀င်မှတ်ပုံတင်အရောင်းအ၀ယ်စာချုပ်ချုပ်ဆို၍ အရောင်းအ၀ယ် လုပ်လို့ရပြီဖြစ်ပါသည်။ ပုံစံ(၇)ရပြီး အချိန် နည်းနည်းကြာလျှင်တော့ အခြားနည်းသုံးစွဲခွင့် (လ/ယ ၃၀) လျှောက်ထားလို့ရပါသည်။ အခြားနည်းသုံးစွဲခွင့် ရရှိသည့်အခါ ကြိုက်သလို ရောင်းချခွင့်၊ အိမ်ဆောက်ခွင့်ရရှိသွားပြီဖြစ်ပါသည်။

တင်ပြရတဲ့အဆင့်တွေကတော့ ရပ်ကွက်/ကျေးရွာ၊ မြို့နယ် ၊ခရိုင်၊ တိုင်းနဲ့ဗဟိုလယ်ယာမြေစီမံခန့်ခွဲရေး အဖွဲ့ထံက ခွင့်ပြုချက်ရတဲ့အထိ တင်ပြရပါတယ်။ ဗဟိုရဲ့ခွင့်ပြုချက်အရ အခြားနည်းသုံးစွဲခွင့် ရပြီဆိုရင် နိုင်ငံတော်ကသတ်မှတ်နှုန်းထားအတိုင်း ငွေသွင်းရပါတယ်။ အခွန်ဆောင်စရာ မလိုပါ။ ထို့ကြောင့် လူကြီးမင်း ဝယ်ယူမည့် မြေကွက်သည့် အနည်းဆုံး ပုံစံ(၇)ရရှိမှ ၀ယ်ယူသင့်ကြောင်း ရှင်းလင်းအကြံပြု အပ်ပါသည်။

အခြား စိတ်ဝင်စားစရာ ဆောင်းပါးများ

• ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များမှာ-
• "ဥပဒေအကြောင်းနဲ့မဆိုင်သော်လည်း အိမ်ခြံမြေရောင်းဝယ်ရာတွင်
• ကွက်ရိုက်ရောင်းနေသောဥယျာဉ်ခြံမြေ
• တိုက်ခန်း၀ယ်လျှင် အခွန်ဆောင်ဖို့ လိုပါသလား
• +++သြရသ သားသမီး၏ ဇနီးခင်ပွန်းတို့နှင့် သက်ဆိုင်နေသည့် မြေနှင့်အိမ်ကို ၀ယ်မည်ဆိုလျှင်+++
• လယ်ယာမြေတွေကို...အကွက်ရိုက်ရောင်းသူဆီမှဝယ်မိတဲ့ပြဿနာ
• "SP အကြောင်းသိကောင်းစရာ"
• ဆရာရေ ဂရံမြေဝယ်ချင်လို့ ဘာတွေစစ်ရမလဲ?
• တိုက်ခန်းဝယ်တော့မယ်ဆိုရင် တောင်းယူရမည့် စာရွက်စာတမ်းများ
• တရားဝင်ပိုင်ဆိုင်မှု