ဘိုးဘွားပိုင် ဉယာဉ်ခြံ မြေ

ဘိုးဘွားပိုင် ဉယဉ်ခြံ မြေဆိုပီး အရောင်း တင်ထားပါတယ်၊ လေးထောင့်ကန် ဖက်မှာပါ၊ တရားဝင် ဝယ်ယူ ပိုင်ဆိုင်နိုင်ပါသလားခင်ဗျ၊ ၄၀x၆၀ ပေ အကွက်ပါ။ တရားဝင်ဝယ်ယူ ပိုင်ဆိုင် အိမ်ဆောက်လုပ်နေထိုင် နိုင်ရန် ဝန်ဆောင်မှု ပေးပါသလားခင်ဗျာ၊ ဘယ်လောက်ယူပါသလဲဆိုတာ လဲသိခြင်ပါတယ်။

ဥယျာဉ်ခြံမြေတွေက လယ်ယာမြေထဲမှာပါဝင်တယ်။ မြေစာရင်းဌာနမှာ ဥယျာဉ်ခြံမြေလို့ အမည်ပေါက်နေပေမယ့် လူနေရပ်ကွက်အတွင်း ရောက်နေတဲ့မြေကွက်တွေလည်း ရှိပါတယ်။

မြေစာရင်းဦးစီးဌာနမှာ ဥယျာဉ်ခြံမြေဖြစ်နေပေမယ့် မြေကွက်က မြို့နယ်စည်ပင်သာယာ နယ်နမိတ်အတွင်းမှာရှိပြီး ဝယ်ယူထားသူက အိမ်ခွန်စည်းကြပ်ခံထားရင် လယ်မြေအဖြစ်အကျုံးမဝင်ပဲ ရပ်ကွက်အတွင်းရှိဥယျာဉ်ခြံမြေတွေကို အရောင်းအဝယ်ပြုလုပ်နေကြခြင်း ဖြစ်ပါတယ်။

ဥယျာဉ်ခြံမြေ၊ ရွာမြေတွေကို ဂရန်အထိလျှောက်ထားလို့ရတာတွေရှိတယ်။ ဥယျာဉ်ခြံမြေတွေ စီမံချက်နဲ့ဂရန်လျှောက်ရန် ခွင့်ပြုထားတဲ့နေရာဆိုရင်တော့ ဂရန်လျှောက်လို့ရနိုင်ပါတယ်။

ဒါပေမယ့် ရောင်းချသူအမည်ပေါက်တိုက်ရိုက်ဖြစ်ပြီး စာရွက်စာတမ်း၊စစ်မှန်ဖို့ မြေနှင့်ပက်သက်ပြီး အချက်အလက်မှန်ကန်မှုရှိရန်လိုအပ်ပါတယ်။