#ပါမစ်မြေကို_ဝယ်ယူတော့မယ်ဆိုရင်▪▪▪❗

⚜⚜⚜⚜⚜
? ပါမစ်မြေကို လူအတော်များများကတော့ ကြိုက်ကြပါတယ်။
? ပါမစ်မြေဟာ အခွန်ဆောင်စရာလဲမလိုသလို ဂရံ တခါထဲဖောက်လို့ ရတဲ့အတွက်ကြောင့် ဖြစ်ပါတယ်။
သို့သော် ကိုယ်ဝယ်မဲ့ ပါမစ်မြေဟာ အဟောင်းလား အသစ်လား ဆိုတာတော့ ဂဃဏန သိဖို့တော့လိုပါမယ်။
? ၁၉၉၁ ခုနှစ် ကနေ ၁၉၉၈ ထိ ထုတ်ပေးထားတဲ့ပါမစ်မြေဟာ အဟောင်းဖြစ်ပြီး 
၂၀၁၅ မှ ၂၀၁၇ ထိ ထုတ်ပေးထားတဲ့ ပါမစ်​ တွေကတော့ အသစ်ဖြစ်ပါတယ် ။
? ဒီနေရာမှာ ပြောစရာရှိတာ သစ်သစ် ဟောင်းဟောင်း ပါမစ်မြေ က ပါမစ်မြေ ဘဲ ဆိုပြီး...သို့သော် 
မိမိ တို့ဝယ်ယူသင့်တဲ့ ပါမစ် ကတော့ဟောင်းလေ ကောင်းလေ ပါဘဲ။
 ဘာ့ကြောင့်လဲဆိုတော့ ပါမစ် အဟောင်းတွေကို အရောင်းအဝယ်လုပ်ကြတဲ့အခါ စည်ပင်သာယာရေးကော်မတီ (မြေယာဌာန) မှာ အမည်ပေါက်မှန်မမှန် အလွယ်တကူစစ်ဆေးနိုင်သော်လည်း ပါမစ် အသစ်တွေကတော့ အလွယ်တကူ မစစ်ဆေးနိုင်ပါ။ မြို့မြေစာရင်းမှာလဲ အမည်မရှိတာတွေ့နေရပါတယ်။
? ဂရံလျှောက်ထားရာမှာလဲ အခက်ခဲရှိနိုင်ပါတယ်။
 ​ပါမစ်မြေ ဆိုတာ အစိုးရမြေမှာ နေထိုင်ခွင့်ရ မြေသာ ဖြစ်ပါတယ်။ 
မြေနဲ့ စပ်လျဉ်းပြီးတော့ ဥပဒေအရ နေထိုင်ခွင့် သက်သက်သာ အခွင့်အရေး ရှိပါတယ်။
? ပါမစ်မြေဟာ ကာယကံရှင် အမည်ပေါက် ဂရန်မြေအဖြစ် မရောက်သေးသည့်  အစိုးရမြေ အမျိုးအစား တစ်ခုလို့ ဆိုနိုင် ပါတယ်။  ပါမစ် ရသူများကို  မြေစာရင်းဌာန၏ ၁-က ဦးပိုင်မှတ်ပုံစာရင်းမှာ Recognized Squatter အသိအမှတ်ပြု အစိုးရမြေ ကျူးကျော် လို့ မှတ်သားရပါတယ်။ 
? ပါမစ်မြေဟာ မြေငှားဂရန်မြေ တွေလို ပေါင်နှံခြင်း ရောင်းချခြင်း ပေးကမ်းခြင်း စတဲ့ လွှဲပြောင်းမှု မျိုး ပြုလုပ်ခွင့်မရှိပါဘူး။
? ပါမစ်မြေကို ၀ယ်ယူ လွှဲပြောင်း ဆောင်ရွက်မှုတွေမှာ လွှဲပြောင်း လက်ခံ သူတွေဟာ တရားဝင် အကျိုးခံစားခွင့် မရရှိနိုင်ဟု #စီရင်ထုံး များ ရှိနေပါတယ်။
?  ပါမစ်မြေကို မူလ ပါမစ်ရသူအမည်နဲ့ ဂရန်လျှောက်ခွင့် ရှိပါတယ်။ အဲလို ဥပဒေနဲ့အညီ မြေငှားဂရန် အမည်ပေါက်ပြီးမှသာ လွှဲပြောင်း ရောင်းချ ပေါင်နှံ အမွေဆက်ခံမှုများ ဆောင် ရွက်နိုင်ပြီး လက်ခံသူများအနေနဲ့ ဥပဒေနဲ့အညီ တရားဝင် အကျိုးခံစားခွင့်ရှိမှာ ဖြစ်ပါတယ်။
?  ပါမစ်မြေနဲ့ ပတ်သက်ပြီး ပိုင်ဆိုင်မှု အငြင်းပွားလာခဲ့လျှင် တရားရုံးက ပိုင်ဆိုင်ကြောင်း ဖြေရှင်း ဆုံးဖြတ် စီရင်ချက် ချမှတ်ခြင်း မရှိပါဘူး။ ပါမစ်မြေမှာ ပါမစ်ရရှိသူ၏ သားသမီးများအနေနဲ့ ဆက်လက်နေထိုင်ခွင့်တော့ ရရှိပြီး အမွေဆက်ခံ ပိုင်ဆိုင်ခွင့် တော့ မရပါဘူး။
#မူရင်းရေးသားသူအား_Crd_ပေးပါသည်