စရံပေးစာချုပ်ထဲမှာ ကိုယ်လိုချင်တဲ့ အခွင့်အရေးတွေ၊ ​တောင်းဆိုချင်တဲ့စာရွက်စာတမ်းတွေကို ထည့်မချုပ်ခဲ့ရင် ဝယ်ယူသူအနေနဲ့ နစ်နာနိုင်ပါကြောင်

စရံပေးစာချုပ်ထဲမှာ ကိုယ်လိုချင်တဲ့ အခွင့်အရေးတွေ၊ ​တောင်းဆိုချင်တဲ့စာရွက်စာတမ်းတွေကို ထည့်မချုပ်ခဲ့ရင် ဝယ်ယူသူအနေနဲ့ နစ်နာနိုင်ပါကြောင်း------/

စရန်ပေးစာချုပ်ချုပ်ဆိုရာတွင် သတိပြုရမည့်အချက်များနှင့် စရန်ပေးစာချုပ်သည် မည်မျှအရေးပါ‌ကြောင်းသိကောင်းစရာ။

+++++++++++++++++++++++++

အရောင်းအ၀ယ်ပြုလုပ်ကြရာတွင် စရန်ပေးစာချုပ် သည် မည်မျအရေးပါသည်ကိုသတိပြုမိသူနည်းပါသည်။ အတော်များများက အိမ်ခြံ မြေဖြစ်စေ ၊တိုက်ခန်းဖြစ်စေ ၀ယ်ယူရန်ဆောင်ရွက်သည့်အခါတွင် ၀ယ်ယူလိုသည့် အိမ်ခြံမြေ ၊ တိုက်ခန်းကို ကြည့်သည်။ သဘောကျလျင် ရောင်းသူနှင့် ဈေး စကားပြောသည်။ ထို့နောက် အလွယ်၀ယ်၍ရသည့် မိတ္တူဆိုင်မှ စရန်ပေးစာချုပ်ကို ၀ယ်၍ ချုပ်သည်။ အချို့ဆိုလျင် စာချုပ်ပင်မချုပ်ပဲ နှုတ်ကတိသက်သက် ဖြင့် အလွတ်ပေးလိုက်သည်လည်းရှိသည်။

အိမ်ခြံမြေ၊ တိုက်ခန်း ၀ယ်ယူရာတွင် ဆောင်ရွက်ရသည့် နည်းလမ်းအမှန်မှာ မြေ သို့မဟုတ် တိုက်ခန်းကို ဦးစွာ ကြည့်ရှု့စစ်ဆေးရသည်။ ထို့နောက် မြေ ၊တိုက်ခန်းနှင့် သက်ဆိုင်သော စာချုပ်စာတမ်းများကို စစ်ဆေးရသည်။ (အချို့ရောင်းသူများက စရန်ငွေ မပေးလျင် စာရွက်စာတမ်းကြည့်ခွင့်မပေးဟု သိရသည်။ ထိုသို့ဆိုလျင် မ၀ယ်သင့်ဟု အကြံပြုပါသည်။) ရောင်းသူဘက်မှ ဆောင်ရွက်ပေးရမည့်အချက်များကို တောင်းဆိုရသည်။ အာမခံချက်ယူရသည်။ ထို့နောက်တွင်မှ ဈေးစကားပြောရသည်။ ဈေးစကား ပြောပြီးလျင် စရန်ပေးစာချုပ်ချုပ်ရသည်။

စရန်ပေးစာချုပ်၏အရေးပါပုံက ဤတွင်စပါသည်။ မိတ္တူဆိုင်များတွင် အလွယ်၀ယ်၍ရသော စာချုပ်တွင် ရောင်းသူ၊ ၀ယ်သူ ၊အရောင်းအ၀ယ်ပြုသည့် ပစ္စည်းနှင့် အရောင်းအ၀ယ်ပြုသည့်ငွေ ၊ ရောင်းသူက အရောင်း အ၀ယ်ပြုသည့် ပစ္စည်းကို ရောင်းချ၊ပေါင်နှံ ပေးကမ်း ထားခြင်းမရှိကြောင်း အာမခံချက်စသည်တို့သာ ပါရှိ သည်။

သတင်းစာတွင်ကြေညာပြီးနောက် ကန့်ကွက်သူရှိပါက စရန်ငွေကို မည်သို့မည်ပုံ ပြန်ပေးရမည်ဆိုသည့်အချက် မပါ။ ထို့အတွက် သတင်းစာကြေညာထည့်ပြီး ကန့် ကွက်သူပေါ်လာသည့်အခါ စရန်ငွေပြန်ပေးရန်ကိစ္စနင့် ပတ်သက်၍ စာချုပ်တွင်မပါသည့်အတွက် ဖြေရှင်း သည့်အခါ ပြသနာရှိမည်မှာ မလွဲဧကန်ပင်ဖြစ်သည်။

ထို့ပြင် အချို့စာချုပ်များသည် တံဆိပ်ခေါင်း ၃၀၀ တန် ဖြစ်ရမည့်အစား ၁၀၀ တန် ၂၀၀ တန်စသည်တို့ဖြစ်နေ တတ်သည်။ ထိုအခါ အရောင်းအ၀ယ်ကိစ္စတွင် ပြသနာ တက်၍ တရားရုံးရောက်သည့်အခါ တံဆိပ်ခေါင်းမပြည့် စုံသဖြင့် သက်သေခံအဖြစ်အသုံးပြု၍မရသည့် အတွက် ၀ယ်သူတွင် နစ်နာမည်မှာလည်း မလွဲဧကန်ဖြစ်သည်။

ထို့ပြင် အချို့စာချုပ်များတွင် အရောင်းအ၀ယ်ပြုလုပ်သည့် ပစ္စည်းကို ( ဥပမာ တိုက်ခန်းဆိုပါစို့။ ခေါင်းရင်း ခန်း ၊ ခြေရင်းခန်း ) တိကျစွာမဖော်ပြထားသည့် အတွက် နောင်ပြသနာဖြစ်လာလျင် ဖြေရှင်းသည့်အခါ အခက်အခဲကြုံရမည်ဖြစ်သည်။

ဤသည်မှာ အလွယ်တကူ၀ယ်၍ ရသောစရန်ပေး စာချုပ်၏ အားနည်းချက်များနှင့် စရန်ပေးစာချုပ်၏ အရေးပါသည့် အချက်အချို့သာဖြစ်ပါသေးသည်။ စရန်ပေးစာချုပ် မခိုင်မာ၍ ဆုံးရှူံးရသည့် သာဓကများစွာ ရှိပါ‌သေးသည်။

သို့ဖြစ်၍ အကြံပြုလိုသည်မှာ မြေဖြစ်စေ ၊ တိုက်ခန်း ဖြစ်စေ ၀ယ်ယူသည့်အခါတွင် မိမိဘာသာ စရန်ပေး စာချုပ်ကို ချုပ်ဆိုမည်ဆိုပါက ပြီးပြည့်စုံအောင် စိစစ်၍ ချုပ်ဆိုသင့်ကြောင်း နှင့် နည်းလမ်းအမှန်မှာ နားလည်တတ်ကျွမ်းသူ ရှေ့နေရှေ့ရပ်များ ငှားရမ်းချုပ်ဆိုသင့်ပါကြောင်း အကြံပြုပါသည်။

မူရင်းရေးသားသူအားcrdပေးပါသည်။