မြေဌားဂရန် ဘယ်လိုလျှောက်ရပါသလဲ မေးမြန်းလာသူများအတွက်

မြေဌားဂရန် ဘယ်လိုလျှောက်ရပါသလဲ မေးမြန်းလာသူများအတွက် 
         နည်းဥပဒေ ၉ တွင် မြေငှားဂရန် ထုတ်ပေးခြင်း အတွက် မည်သူတို့အား ပေးအပ်ချထားရန် နှင့် ၊ မည်သူက မည်သို့ လုပ်ပိုင်ခွင့် ရှိခြင်း ကို အောက်ပါအတိုင်း ပြဌာန်းထားပါသည်
“၉ ။ ခရိုင်အုပ်ချုပ်ရေးမှူးသည် လူတစ်ဦး ၊ သို့မဟုတ် လူတစ်စုအား မြေငှား ပေးအပ်ချထားခြင်းကို အောက်ပါအတိုင်း ခွင့်ပြုခွင့်ရှိသည်-

� ( က ) တစ် ဧက အထိရှိသော မြေတစ်ကွက်ကို ယင်း၏ အခွင့်အာဏာ ဖြင့် ၊ 

� ( ခ ) မြေဧရိယာသည် တစ်ဧက ထက်ပို၍ ၊ ငါးဧကထက် မကျော်လွန်ပါက တိုင်းဒေသကြီး ၊ သို့မဟုတ် ပြည်နယ် အုပ်ချုပ်ရေးမှူး ထံ             ကြိုတင်၍ တင်ပြ ခွင့်ပြုရရှိမှုဖြင့် ၊

� ( ဂ ) အကယ်၍ မြေ ငါးဧကထက် ကျော်လွန်ပါက အထွေထွေ အုပ်ချုပ်ရေးဦးစီးဌာန ၊ ညွှန်ကြားရေးမှူးချုပ် ထံ ကြိုတင်၍ တင်ပြ                ခွင့်ပြုရရှိမှုဖြင့် ။

�        ထို့နောက် မြေငှားဂရန် အတွက် လျှောက်လွှာ နှင့် လျှောက်လွှာတွင် ဖေါ်ပြရမည့်အချက်များတို့ အပြင် ၊ လုပ်ငန်းဆောင်ရွက်               မည့် အစီအစဉ်ကို ပူးတွဲလျှောက်ထားရန် လိုအပ်ကြောင်း နည်းဥပဒေ ၁၁ တွင် အောက်ပါအတိုင်း ပြဌာန်းထားပါသည်-
            “၁၁ ။ လူနေထိုင်ရန် ၊ သို့မဟုတ် စက်မှုလက်မှုလုပ်ငန်း လုပ်ကိုင်ရန်အတွက် အဆောက်အဦး ဆောက်လုပ်ရန်အလို့ငှာ အစိုးရ                က စီမံချထားနိုင်သည့် မြေတစ်ကွက်ကို မြေငှားပေးအပ် ချထားမှု ရယူလိုသူသည် ၊ ထိုမြေ တည်ရှိရာအရပ် ခရိုင်အုပ်ချုပ်ရေး               မှူး ၊ သို့မဟုတ် မြို့နယ် အုပ်ချုပ်ရေးမှူးထံ စာဖြင့်ရေးသား၍ လျှောက်ထားနိုင်သည် ။ 

ယင်းသို့သော လျှောက်လွှာတွင် အောက်ပါအချက်များ ပါရှိစေရမည် -
� ( က ) လျှောက်ထားသူ၏ အမည် ၊ နေရပ် နှင့် အလုပ်အကိုင် ၊ 

� ( ခ ) လျှောက်ထားသည့် မြေတည်ရှိရာ ရပ်ကွက် အမည် ၊ လမ်း နှင့် တည်နေရာ ဖေါ်ပြချက် ၊

� ( ဂ ) ထိုမြေကွက်၏ နယ်နိမိတ် အနားလေးဘက် အလားအလာများ ၊

� ( ဃ ) ဆောက်လုပ်မည့် အိမ်၏ ခန့်မှန်းချေ အရွယ်အစား နှင့် အိမ်ဆောက်လုပ်ရာတွင် အသုံးပြုမည့် ပစ္စည်းများ ၊

� ( င ) မြေငှားပေးအပ်ချထားမှုကို ရယူလိုခြင်း၏ ရည်ရွယ်ချက် ၊ အဆောက်အဦး ဆောက်ရန် ၊ လူနေထိုင်ရန် ၊ သို့မဟုတ် စက်မှု                  လက်မှုလုပ်ငန်းလုပ်ရန် အစရှိသည်ဖြင့် ၊

� ( စ ) ထို့အပြင် ယခုလျှောက်ထားသည့် မြေကို တိုင်းတာသတ်မှတ်ခြင်း မပြုရသေးကြောင်း ဝန်ခံချက် ၊

�        အကယ်၍ အစိုးရက ထိုမြေကွက်ကို တိုင်းတာပြီး ဖြစ်လျှင် ၊ အစိုးရ မြေပုံမှ ကူးယူထားသည့် မြေပုံကို ပူးတွဲ တင်ပြရမည်။
           အဆောက်အဦးပုံစံ နှင့် တန်ဖိုး တွက်ချက်မှုများ ၊ ထို့အပြင် အဆောက်အဦး ဆောက်လုပ်မည့် နေရာကို ဖေါ်ပြသည့် မြေပုံ ၊ တို့            ကို ခရိုင်အုပ်ချုပ်ရေးမှူးက မြေငှား ပေးအပ် ချထားရာတွင် အထူး စည်းကမ်းချက်များ အဖြစ် ထည့်သွင်းရန် အလိုမရှိလျှင် ၊                   ပူးတွဲ တင်ပြရန် မလိုပါ။”
            ယင်းသို့ မြေငှားဂရန် လျှောက်ထားရာတွင် အဆောက်အဦး ပုံစံ နှင့် ဆောက်လုပ်မည့် ပစ္စည်းဖေါ်ပြချက်သည် လွန်စွာ                         အရေးကြီး ပါသည် ။ အဘယ့်ကြောင့်ဆိုသော် တာရှည်ခံသည့် အဆောက်အဦးဆောက်လုပ်ရန် ရည်ရွယ်ချက်ရှိသူကိုသာ နှစ်               ၉၀ မြေငှားဂရန် ထုတ်ပေးမည်ဖြစ်ကြောင်း  နည်းဥပဒေ ၇ ပါ အောက်ပါ ပြဌာန်းချက်ကို သတိပြုရန် လိုအပ်ပါသည်- 

“ ၇ ။ ခိုင်ခန့်၍ တာရှည်ခံသည့် အဆောက်အဦးကို ဆောက်လုပ်ရန် ရည်ရွယ်သည့် လျှောက်ထားသူအား မြေငှားပေးအပ် ချထားမှုသည်        နှစ်ပေါင်း ၃၀ ထက် လျှော့နည်းသည့် အတွက် သာမန်အားဖြင့် မြေငှား ပေးအပ်ချထားခြင်း မပြုရ ။ ယင်းသို့သော ကိစ္စရပ်များ             အားလုံးတွင် မူလပေးအပ် ချထားမှု သက်တမ်း ကုန်ဆုံးသည့်နေ့ ၊ သို့မဟုတ် တည်ဆဲဖြစ်သော ဘဏ္ဍာတော်မင်းကြီး၏ အမိန့်နှင့်          အကျုံးဝင်သော ကိစ္စရပ်များ စတင်သည့်နေ့ တစ်ရပ်ရပ်မှ နှစ်ပေါင်း ၉၀ ကာလ တိုင်အောင် မြေငှား ပေးအပ်ချထားခြင်းကို                  သက်တမ်း တိုးမြင့် လဲလှယ်ခွင့် ရှိသည်။”
       အထူး ဂရန် လျှောက်လျှင်လည်း အထက်ပါ နည်းအတိုင်း ဆောင်ရွက်ရမည် ဖြစ်ပါတယ်။ 
       အထူး ဂရန် ပေးရာမှာ မြေဧရိယာဟာ ( ၁၀၀၀၀ ) စတုရန်းပေထက် မကျယ်စေရပါ ။ ( ၁၂၀၀ ) စတုရန်းပေထက် မကျဉ်းရပါ။             ( ၁၂၀၀ ) စတုရန်းပေထက် ကျဉ်းသော်လည်း အမှန်တကယ် အိမ်ရှိပြီး နေထိုင်နေပါက ခြွင်းချက်ဖြင့် ခွင့်ပြုပေးနိုင်ပေမယ့်                   ( ၁၀၀၀၀ ) စတုရန်းပေထက် လုံးဝကျယ်လို့ မရပါဘူး။

      လူနေရပ်ကွက်များ အတွင်း နောင်တချိန် ကစားကွင်း ၊ ပန်းခြံ ၊ ဓမ္မာရုံ ၊ စျေး ၊ Recreation Center တည်ဆောက်ရန် ချန်ထားတဲ့     မြေကွက်လွတ်များ မဖြစ်ရပါ ။ Public Utilities များ ထည့်သွင်း မြှုပ်နှံရန် ချန်လှပ်ထားတဲ့ မြေများ မဖြစ်ရပါ။ ပြင်ဆင် ထိန်းသိမ်းရန်အတွက် ကမ်းဖူးမြေ ၊ ဆိပ်ကမ်းမြေ ၊ မြစ်ကမ်းဘေး လူအများ စိတ်ကြည်လင်စွာ ခံစားနိုင်ရန် ချန်လှပ်ထားတဲ့ Free Space များ မဖြစ်ရပါ ။

       အချို့က ဒဂုံမြို့သစ် ၊ ရွှေပြည်သာ ၊ လှိုင်သာယာ ၊ ရွှေပေါက်ကံ မြို့သစ်များ အတွင်း လူနေ ရပ်ကွက်ပေါ်မှာ ကျန်ရှိနေတဲ့ ( ၂ ) ဧက ( ၃ ) ဧက မှ ( ၇ ) ဧက ( ၈ ) ဧက အထိ မြေကွက်လွတ် အကျန်တွေကို မူလပိုင်ရှင် လယ်သမားထံ ကနေ ဝယ်ယူပြီး ၄င်းမြေကွက်ကြီးကို အထူးဂရန်ပေးပါ ဆိုပြီး လျှောက်ထားလာတာတွေ ရှိလာပါတယ်။

      ဒါ့အပြင် မြစ်ကြောင်း ထိန်းသိမ်းရေးအတွက် အကွက်မရိုက်ဘဲ ချန်ထားတဲ့ ကမ်းနဖူး မြေ ၊ ဆိပ်ကမ်း မြေတွေကို အထူးဂရန်လျှောက်ကြတာတွေ ရှိပါတယ် ။ တချို့က တောင်ဥက္ကလာ ၊ မြောက်ဥက္ကလာ ၊ သာကေတ ရပ်ကွက်မှာ Free Space အဖြစ် ထားရှိတဲ့ မြေကွက်တွေကို အထူးဂရန် လာရောက် လျှောက်ထားကြသူတွေလည်း ရှိပါတယ်။
       ဒါပေမဲ့ လူနေရပ်ကွက်တွေမှာ ဂရန်မြေမူရင်းရှိ ပေ ( ၆၀ ×  ၈၀ ) မြေကွက်ဖြစ်ပေမဲ့ အစွန်ဆုံးအိမ်တွေဟာ ဘေးမြေပိုတွေကို ထည့်သွင်း အသုံးပြုထားကြတာ တွေလည်း ရှိပါတယ်။ ၄င်းအခြေအနေမျိုးကိုလည်း ဆက်စပ်မြေပိုကို အထူးဂရန် လျှောက်ထားခွင့်ပြုပြီး အထူးဂရန် လျှောက်ထား ပေးတာမျိုးလည်း ရှိပါတယ်။

#Crd to owner
 Credit ( ဥပဒေရေးရာ )