မိမိသည် ခိုးမှု ၊ လုယက်မှု ၊ အလွဲသုံးစားမှု ၊ ယုံကြည်အပ်နှံရေးဖောက်ဖျက်မှု တစ်စုံတစ်ရာ မကျူးလွန်သော်လည်း ခိုးရာပါပစ္စည်း မိမိလက်ဝယ် တွေ့ရှိနေလျှင် သူခိုး သို့မဟုတ် ခိုးရာပါပစ္စည်း လက်ခံသူ မဖြစ်အောင် မည်သို့ ပြုလုပ်ရပါမည်နည်း?

20-Sep-22 အခြား
မိမိသည် ခိုးမှု ၊ လုယက်မှု ၊ အလွဲသုံးစားမှု ၊ ယုံကြည်အပ်နှံရေးဖောက်ဖျက်မှု တစ်စုံတစ်ရာ မကျူးလွန်သော်လည်း ခိုးရာပါပစ္စည်း မိမိလက်ဝယ် တွေ့ရှိနေလျှင် သူခိုး သို့မဟုတ် ခိုးရာပါပစ္စည်း လက်ခံသူ မဖြစ်အောင် မည်သို့ ပြုလုပ်ရပါမည်နည်း?

မိမိသည် ခိုးမှု ၊ လုယက်မှု ၊ အလွဲသုံးစားမှု ၊ ယုံကြည်အပ်နှံရေး ဖောက်ဖျက်မှု တစ်စုံတစ်ရာ မကျူးလွန်သော်လည်း ခိုးရာပါပစ္စည်း မိမိလက်ဝယ် တွေ့ရှိနေလျှင် သူခိုး သို့မဟုတ် ခိုးရာပါပစ္စည်း လက်ခံသူ မဖြစ်အောင် မည်သို့ ပြုလုပ်ရပါမည်နည်း?


ပထမဦးဆုံး ခိုးမှု ပုဒ်မ၏ အင်္ဂါရပ်ကို သိဖို့ ၊ ဒုတိယ ခိုးရာပါပစ္စည်းမှု ပုဒ်မ၏အင်္ဂါရပ်ကို သိဖို့ ၊ တတိယ သက်သေခံအက်ဥပဒေပြဌာန်းချက်ပါ ပုဒ်မ - ၁၁၄၏ ဥပမာ ( က ) တို့ကို သိဖို့ လိုအပ်ပါသည် ။
-ခိုးမှု၏အင်္ဂါရပ်မှာ မည်သူမဆို- - -
၁ ။  တစ်ဦးတစ်ယောက်၏ လက်ရှိ ရှိသော ရွှေ့ပြောင်းနိုင်သော ပစ္စည်းကို ၊
၂ ။  ထိုသူ မသိဘဲ ၊
၃ ။  မရိုးမဖြောင့်သော သဘောဖြင့် ၊
၄ ။  ယူဆောင်ခြင်း သို့မဟုတ် ယူရန် ကြံရွယ်၍ နေရာမှ ရွေ့စေခြင်း ပြုလျှင် ၊
       ခိုးမှု ( Thef  ) မြောက် ပါသည် ။ ( ပြစ်မှုဆိုင်ရာ ဥပဒေ ပုဒ်မ - ၃၇၈ )
      နေအိမ် ၊ ဥပစာ ၊ ပြင်ပတွင် ခိုးမှု ကျူးလွန်လျှင် ပြစ်မှုဆိုင်ရာ ဥပဒေပုဒ်မ - ၃၇၉အရ ပြစ်မှုထင်ရှား စီရင်နိုင်ပါသည် ။
      နေအိမ် ၊ ဥပစာ ၊ အတွင်းခိုးမှု ကျူးလွန်လျှင် ပြစ်မှုဆိုင်ရာ ဥပဒေပုဒ်မ - ၃၈၀ အရ ပြစ်မှုထင်ရှား စီရင်နိုင်ပါသည် ။


      သားသမီး ၊ အစေခံ ၊ အလုပ်သမား ၊ များက ခိုးမှုကျူးလွန်လျှင် ပြစ်မှုဆိုင်ရာ ဥပဒေပုဒ်မ - ၃၈၁ အရ ပြစ်မှုထင်ရှား စီရင်နိုင်ပါသည်။
      သေစေရန် ၊ နာကျင်စေရန် ၊ တားဆီးရန် ၊ ပြင်ဆင်၍ ခိုးမှုကျူးလွန်လျှင် ပြစ်မှုဆိုင်ရာ ဥပဒေပုဒ်မ - ၃၈၂ အရ ပြစ်မှုထင်ရှား စီရင်

နိင်ပါသည်။
       ပြစ်ဒဏ်များအနေဖြင့် ပုဒ်မ - ၃၇၉ အရ ပြစ်မှုကျူးလွန်လျှင် ထောင်ဒဏ် ( ၃ ) နှစ်အထိ ဖြစ်စေ ၊ ငွေဒဏ်ဖြစ်စေ ၊ ဒဏ် ( ၂ )ရပ် လုံးဖြစ်စေ ၊ ချမှတ်နိုင်သည် ။ ပုဒ်မ - ၃၈၀ ၊ ပုဒ်မ - ၃၈၁ အရ ပြစ်မှု ကျူးလွန်လျှင် ထောင်ဒဏ် ( ၇ ) နှစ်အထိ
အပြင်ငွေဒဏ် ၊ ဒဏ် ( ၂ ) ရပ်လုံး ချမှတ်နိုင်ပါသည် ။ ပုဒ်မ - ၃၈၂အရ ပြစ်မှုကျူးလွန်လျှင် ထောင်ဒဏ် ( ၁၀ ) အထိ အပြင် ငွေဒဏ် ၊ ဒဏ် ( ၂ ) ရပ်လုံး ချမှတ်နိုင်ပါသည်။


      အထက်ဖော်ပြပါ ခိုးမှုပုဒ်မ တစ်ခုခုကျူးလွန်၍ ရရှိလာသည့် ရွှေ့ပြောင်းနိုင်သော ပစ္စည်းသည် ခိုးရာပါပစ္စည်း ( Stolen property )

ဖြစ်ပါသည်။
ခိုးရာပါပစ္စည်းကို တစ်နည်းနည်းဖြင့် လက်ဝယ်ထားရှိသူသည် ခိုးရာပါ ပစ္စည်းလက်ခံသူ ( receiving stolen property ) ဖြစ်ပါသည်။
ခိုးရာပါပစ္စည်း၏ ပြစ်မှုအင်္ဂါရပ်မှာ - - - 
၁ ။ ခိုးမှု ။ ( Thef )
၂ ။ ခြောက်လှန့် တောင်းယူမှု ။ ( extortion )
၃ ။ ပြစ်မှုမကင်းသော အလွဲသုံးစားမှု ။ ( criminally misappropriated )
၄ ။ ယုံကြည် အပ်နှံရေး ဖောက်ဖျက်မှု ။  ( criminal breach of trust )
၅ ။ လုယက်မှု ။ ( robbery )
         အထက်ဖော်ပြပါ ပြစ်မှုတစ်ရပ်ကို မြန်မာနိင်ငံအတွင်း / အပြင် ကျူးလွန်၍ပစ္စည်းသည် လက်ဝယ်ရှိသူ၏ လက်ဝယ်သို့ ပြန်မရောက်မခြင်း " ခိုးရာပါပစ္စည်း " ဖြစ်နေပါသည် ။ လက်ဝယ်ရှိသူ၏ လက်ဝယ်သို့ ပစ္စည်းပြန်ရောက်လျှင်
ထိုပစ္စည်းသည် ခိုးရာပါပစ္စည်း အဖြစ်မှ ရပ်ဆဲပါသည် ။ ( ပြစ်မှုဆိုင်ရာ ဥပဒေပုဒ်မ - ၄၁၀ )


       ခိုးရာပါပစ္စည်း လက်ခံမှုနှင့် ပတ်သက်၍ ပြစ်မှုဆိုင်ရာ ဥပဒေပုဒ်မ - ၄၁၁ ၊ ( ခိုးရာပါပစ္စည်းကို မရိုးမဖြောင့်သော သဘောဖြင့်လက်ခံခြင်း ) ကျူးလွန်သူကို ၊ ထောင်( ၃ )နှစ်အထိ ၊ ငွေဒဏ် ၊ ဒဏ်( ၂ ) ရပ်လုံး ။
ပုဒ်မ-၄၁၂ လုယက်မှု သို့မဟုတ် ဓားပြမှု ကျူးလွန်ရာမှ ရရှိလာသော တိုက်ရာပါပစ္စည်းများကို မရိုးမဖြောင့်သော သဘောဖြင့် လက်ခံ                    ခြင်း ဖြစ်သည် ။ ကျူးလွန်သူအား ထောင်ဒဏ် တစ်သက်တစ်ကျွန်း ( ယခု ထောင်ဒဏ် တစ်သက် ) ဖြစ်စေ ၊                                      ထောင်ဒဏ် ( ၁၀ ) နှစ် ဖြစ်စေ ၊ ချမှတ်ရမည့် အပြင် ငွေဒဏ်ပါ ချမှတ်နိုင်ပါသည် ။
ပုဒ်မ - ၄၁၃ သည် ခိုးရာပါပစ္စည်းကို အမြဲတမ်း ရောင်းဝယ် ဆက်ဆံမှု ဖြစ်ပါသည် ။ ကျူးလွန်သူကို ထောင်ဒဏ် တစ်သက် ၊                                  ထောင်ဒဏ် ( ၁၀ ) နှစ် အပြင် ငွေဒဏ်ပါ ချမှတ်နိုင်သည်။
ပုဒ်မ - ၄၁၄ သည် ခိုးရာပါပစ္စည်းအား ဝှက်သိမ်း ပေးထားမှု ဖြစ်ပါသည် ။ ကျူးလွန်သူကို ထောင်ဒဏ် ( ၃ ) နှစ် ၊ ငွေဒဏ် ၊ ဒဏ် ( ၂ )                       ရပ်လုံး ချမှတ်နိုင်ပါသည် ။


သက်သေခံ အက်ဥပဒေပုဒ်မ - ၁၁၄ ၏ ဥပမာ ( က ) အရ - 
         ပြစ်မှုဆိုင်ရာ ဥပဒေပုဒ်မ - ၄၁၀ပြဌာန်းချက်ပါ ပြစ်မှုတစ်ရပ်ရပ်ကို ကျူးလွန်၍ ရရှိလာသည့် ခိုးရာပါပစ္စည်းသည် မိမိ၏ လက်ဝယ်သို့ မည်သည့်နည်းဖြင့် လက်ဝယ်သို့ ရောက်ရှိနေရခြင်း ဖြစ်ကြောင်းကို ခိုင်လုံစွာ သက်သေထူ၍ တင်ပြနိုင်ခြင်း မရှိလျှင် တရားရုံးသည် သူခိုး သို့မဟုတ် ခိုးရာပါပစ္စည်း လက်ခံသူအဖြစ် မှတ်ယူနိင်ကြောင်း ဥပမာ ပြုထားသည်။
မိမိအနေဖြင့် သူခိုးအဖြစ် မှတ်ယူခြင်း မခံရစေရန် အတွက် ပထမဦးစွာ ခိုးရာပါပစ္စည်းအား မိမိထံသို့ ရောက်ရှိလာရသည့်အကြောင်းရင်းကို ခိုင်လုံစွာ သက်သေထူပြပေးပါ။

 

မိမိလက်ဝယ်သို့ လာရောက် ပေးသူ / ရောင်းသူ၏
         အမည် ၊ နေရပ် လိပ်စာ အမှန် ၊ လိုအပ်ပါက မှတ်ပုံတင်မိတ္တူ ၊ စာချုပ်စာတမ်း ၊ တယ်လီဖုန်း ဓါတ်ပုံမှတ်တမ်းများဖြင့် တင်ပြသက်သေ ထူနိုင်လျှင် သူခိုးအဖြစ်တော့ မှတ်ယူ၍ မရနိင်တော့ပါ ။ ခိုးရာပါပစ္စည်း လက်ခံမှု မမြောက်ရန် အတွက် ပစ္စည်းသည် ခိုးရပါ

ပစ္စည်းမှန်း မသိ၍ သဘောရိုးဖြင့် လက်ချင်း ၊ ဝယ်ယူထားခြင်း ဖြစ်ကြောင်း ၊ ကာလပေါက်စျေး အတိုင်း ဝယ်ယူကြောင်း ၊ သူခိုးစျေး

ဖြင့် ဝယ်ယူခြင်း မဟုတ်ကြောင်း ၊ သက်သေထူ၍ ပစ္စည်းကို တာဝန်ရှိရဲအား ရှာဖွေပုံစံဖြင့် သက်သေများ ရှေ့ပေးအပ်နိုင်မှသာလျှင်ခိုးရာပါပစ္စည်း လက်ခံမှုမှ လွတ်၍ သက်သေ ဖြစ်လာမည် ဖြစ်ပါသည် ။


မှတ်ချက် ။ ယနေ့ ယခုအခါ အရောင်းအဝယ် လောကတွင် ရောင်းမှား ဝယ်မှားမှု ဟုပြောနေကြသည့် ခိုးရာပါ ပစ္စည်းလက်ခံမှုများ ၊                       ဖြစ်၍ ပစ္စည်းများ ဆုံးရှုံးနစ်နာမှုများကြောင့် အထောက်အထား ၊ သက်သေများ ၊ မှတ်တမ်းဓာတ်ပုံများ အမည် အမှန် ၊                         နေရပ်လိပ်စာ အမှန် ၊ တို့ အရ ယူထားကြပါ ။


အထူး မှတ်ရန် ။ ပြစ်မှုဆိုင်ရာ ဥပဒေ လိမ်လည်မှု ပုဒ်မ - ၄၁၇ ၊ ပုဒ်မ - ၄၂၀ ၊ မှ လိမ်လည်ရယူသည့် ပစ္စည်း ၊ ငွေသည် ခိုးရာပါပစ္စည်း                           မဟုတ်ပါ။


ပစ္စည်း မပေးအပ်နိုင်၍ အစားထိုး ပစ္စည်း ၊ ငွေအပ်ပေးခြင်းသည် ခိုးရာပါ ပစ္စည်းပေးအပ်ခြင်း မဟုတ်ပါ ။ သက်သေခံပစ္စည်း အဖြစ်   မှတ်ယူ၍ မရပါ ။ ရှာဖွေပုံစံ ပျက်ပြယ်စေပါသည် ။
တရားခံအမှုမှ လွတ်မြောက်လျှင် ပစ္စည်းအပ်ပေးသူအား တရားရုံးက ပြန်ပေးသည့် စီရင်ထုံး မြောက်များစွာ ထုံးဖွဲ့ထားပါသည် ။
 ကူးယူ ဖော်ပြပါသည်။
#Crd to owner

 

Credit ( ဥပဒေ ရေးရာ )

Related Posts

GP/SP နှင့် ပတ်သက်၍ သိထားသင့်သည့် အချက်များ

GP/SP နှင့် ပတ်သက်၍ သိထားသင့်သည့် အချက်များ

၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...

“အိမ်သုံးလျှပ်စစ်မီတာလျှောက်ထားပုံ”

“အိမ်သုံးလျှပ်စစ်မီတာလျှောက်ထားပုံ”

မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...

Download Yuzanar Land's Mobile Apps

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Get latest properties in email!