တိုက်ခန်းကို ဝယ်ယူရန်အတွက်စရန်ပေးစာချုပ်ချုပ်ဆိုစဉ်ကတည်းက ငွေအကျေပေးချေခြင်းမပြုမီ အိမ်ငှားကို ဖယ်ပေးရန် ရောင်းသူထံမှ ကတိတောင်းခံရန်လိုအပ်မည်ဖြစ်သည်။
တိုက်ခန်းကို ဝယ်ယူရန်အတွက်စရန်ပေးစာချုပ်ချုပ်ဆိုစဉ်ကတည်းက ငွေအကျေပေးချေခြင်းမပြုမီ အိမ်ငှားကို ဖယ်ပေးရန် ရောင်းသူထံမှ ကတိတောင်းခံရန်လိုအပ်မည်ဖြစ်သည်။ ထိုသို့ ကတိပေးထားပါလျှက် အိမ်ငှားက မဖယ်ပေးဘူးဆိုလျှင် အဆိုပါအိမ်ငှားကို ဖယ်ရှားရန် တာဝန်သည် ရောင်းသူ၏တာဝန်သာဖြစ်ပြီး အကယ်၍ ၎င်းမှ သတ်မှတ်အချိန်ကာလအတွင်း ဆောင်ရွက်နိုင်ခြင်းမရှိပါက ရောင်းသူ၏ ပျက်ကွက်မှုသာ ဖြစ်ပြီး စရန်ငွေပြန်ပေးရန်တာဝန်ရှိပေသည်။
သို့သော် စရန်ပေးစာချုပ်တွင် ငွေအကျေပေးချေပြီး လက်ရောက်လွှဲပြောင်းပေအပ်သည့်အခါ အိမ်ငှားပါဝင်ပြီး လက်ရောက်လွှဲအပ်မည်ဟုပေါ်ပေါက်နေလျှင် မူလရောင်းသူက အိမ်ငှားကို နှင်ပေးရန် တာဝန်မရှိတော့ လက်ရှိဝယ်ယူထားသူတွင်တာဝန်ရှိမည်ဖြစ်သည်။
ထိုအခါ ဝယ်ယူထားသည့် တိုက်ခန်းမှ အိမ်ငှားကို ဖယ်ရှားရန်အတွက် ရှေးဦးစွာ ပစ္စည်းလွှဲပြောင်းရေး အက်ဥပဒေပုဒ်မ-၁၀၆ နှင့်အညီ အငှားချထားခြင်းကို ရပ်စဲကြောင်း နို့တစ်စာပေးရပါမည်။
ထို့အပြင် ဝယ်ယူသူကလည်း သူအမှန်တစ်ကယ်နေဖို့ ဝယ်ယူခြင်းဖြစ်သည့်အတွက်ကြောင့် နေဖို့အတွက်ကို အဆိုပါတိုက်ခန်းကို ပြန်လည်လက်ရောက်ရယူရပါမည်ဖြစ်ကြောင်း ၁၉၆၀ ပြည်နှစ်၊ မြို့ပြဆိုင်ရာငှားရမ်းခကြီးကြပ်ရေးအက်ဥပဒေ ပုဒ်မ ၁၂ (၁) ( စ ) နှင့်အညီ အိမ်ငှားနှင်လိုမှုတရားစွဲဆိုပြီး အဆိုပါဝယ်ယူထားသည့်တိုက်ခန်းကို လက်ရောက် ပြန်လည်ရယူရမည်ဖြစ်ပါသည်။
ထို့ကြောင့် အိမ်ငှားရှိသောတိုက်ခန်းကို ဝယ်ယူသည့်အခါ အရောင်းအဝယ်စရန်စာချုပ်တွင် အသေအချာထည့်သွင်းချုပ်ဆိုရန် အရေးကြီးပေသည်။
ကူးယူဖော်ပြပါသည်။
Related Posts
အိမ်ငှားအဖြစ်မှ အခမဲ့ခွင့်ပြုချက်အရ နေထိုင်သူအဖြစ်ပြောင်းလဲသွားခြင်း
အိမ်ငှားအဖြစ်မှ အခမဲ့ခွင့်ပြုချက်အရ နေထိုင်သူအဖြစ်ပြောင်းလဲသွားခြင်း============================ ဦးချစ်တီးနှင့်ဒေါ်အေးရီ (သေသူ ဦးအုန်းဖေ တရားဝင်ဝင်ကိုယ်စားလှယ်) ၁၉၇၇ ခုနှစ် တရားမ ပထမ အယူခံမှု အမှတ် - ၂၁ မန္တလေး အမှုတွင် ဦးချစ်တီး သည် ဦးအုန...
အိမ်ရှင်အိမ်ငှား ကိစ္စသိမှတ်ဖွယ်ရာ
- မြို့ပြဒေသ ( Uban Area ) နှင့်သက်ဆိုင်သော နေရာဒေသမှ အိမ်ငှား၊ မြေငှား ကိစ္စရပ်တို့မှာ ၁၉၆၀- ပြည်နှစ့် ငှားရမ်းခကြီးကြပ်ရေးအက် ဥပဒေနှင့် အကျုံးဝင်သက်ဆိုင်ပါသည်။ မြို့ပြဒေသနှင့် အကျုံးမဝင်သော ဒေသတွင်ငှားရမ်းခြင်းဖြစ်ပါက ပစ္စည်းလွှဲပြောင်းခြင်း ဥပဒေနှ...
နိုင်ငံခြားသားကို တိုက်ခန်း ၊ မြေ စသည့် မရွှေ့မပြောင်း နိုင်သောပစ္စည်း ငှားရမ်းခြင်းကို တရားဝင် ဖြစ်အောင် ဆောင်ရွက်ခြင်း
၁၉၈၇ ခုနှစ် ၊ မရွှေ့မပြောင်း နိုင်သော ပစ္စည်း လွှဲပြောင်းခြင်းကို ကန့်သတ်သည့် ဥပဒေ ပုဒ်မ - ၅အရ မည်သူမဆို မရွှေ့မပြောင်း နိုင်သည့် ပစ္စည်းကို တစ်ကြိမ်လျှင် တစ်နှစ်ထက်ပို၍ နိုင်ငံခြားသား ( သို့မဟုတ် ) နိုင်ငံခြားသားပိုင် ကုမ္ပဏီအား...
www.yuzanarland.com ဟာ မိတ်ဆွေအတွက်ပါ။
