အခု Valentine နီးမှ ထွက်လာတာ လမ်းမခွဲကြေးစာချုပ်ဆိုပြီးတွေ့မိပါတယ်။ ဘယ်သူက ဘာရည်ရွယ်ချက်နဲ့ စတန့်ထွင်လိုက်လဲမသိပေမယ့်
အခု Valentine နီးမှ ထွက်လာတာ လမ်းမခွဲကြေးစာချုပ်ဆိုပြီးတွေ့မိပါတယ်။ ဘယ်သူက ဘာရည်ရွယ်ချက်နဲ့ စတန့်ထွင်လိုက်လဲမသိပေမယ့်
ဒီအကြောင်းအရာနဲ့ပတ်သက်တဲ့ ဥပဒေပုဒ်မ(၄၉၃)အကြောင်းကိုဖော်ပြပေးလိုက်ပါတယ်။
မိန်းကလေးတစ်ယောက်ကို ယောကျ်ားတစ်ယောက်က တရားဝင်လက်ထပ်ကြမယ်ဆိုပြီး သွေးဆောင်လှည့်ဖြားပြီးတော့ ကာမလိမ်လည်ရယူမှုအကြောင်းနဲ့ ပက်သက်ပြီး ပြောပြပေးသွားမှာဖြစ်ပါတယ်။
"တရားဝင်ထိမ်းမြားကြောင်းကို ယုံကြည်စေရန်ယောကျာ်းက မိန်းမကို သွေးဆောင်လှည့်ဖြား၍ကာမရယူမှု" (သို့) "ကာမလိမ်လည်မှု”
ရာဇသတ်ကြီးပုဒ်မ (၄၉၃)မှာ ဖော်ပြထားတာကတော့.....
"မည်သည့်ယောကျ်ားမဆို၊ မိမိနှင့် တရားဝင်ထိမ်းမြားခြင်းမပြုသော မိန်းမကို မိမိနှင့် တရားသဖြင့် ထိမ်းမြားကြောင်း လှည့်ဖြားယုံကြည်စေ၍ ထိုသို့ယုံကြည်စေသဖြင့် မိမိနှင့် ကာမစပ်ယှက်စေလျှင်၊ ထိုသူကို ဆယ်နှစ်ထိ ထောင်ဒဏ်တမျိုးမျိုး ချမှတ်ရမည့်ပြင် ငွေဒဏ်လည်း ချမှတ်နိုင်သည်။"
ဒါကိုသေချာရှင်းပြရမယ်ဆိုရင်.....
ဘယ်ယောကျာ်းမဆို မိန်းကလေးတစ်ယောက်ကို အစတည်းက ရည်ရွယ်ချက်ရှိရှိနဲ့ လိမ်ညာလှည့်ဖြား သွေးဆောင်စကားများပြောပြီး သူမ ယုံကြည်မှုကိုရအောင်လုပ်ပြီး မိန်းကလေးသဘောတူ တရားဝင်လက်ထပ်ယူမဲ့ ပုံစံပေါက်အောင်လုပ်ပြီး ကာမရယူမယ်ဆိုရင် ဒါဟာ လိမ်လည်သွေးဆောင်ပြီး ကာမရယူမှုမြောက်ပါတယ်။ ဒီတော့...မိန်းကလေးတစ်ဦးကို ယောကျာ်းတစ်ဦးက နည်းလမ်းတစ်မျိုးမျိုးသုံး၍ အတုအယောင်လိမ်လည်လက်ထပ်ပြီး ပေါင်းသင်းအိပ်စက်သွားတာဆိုရင် သူဟာရာဇဝတ်မှုကို ကျူးလွန်တာပဲဖြစ်ပါတယ်။
(ဥပမာ အသင့်ဝယ်လာတဲ့လက်ထပ်စာချုပ်ပေါ်မှာ ၂ယောက်ထဲ လက်မှတ်ထိုးပြီး
နင်နဲ့ငါ လင်မယားဖြစ်သွားပြီဆိုပြီး
လင်မယားအရာမမြောက်တာကို မြောက်သယောင် ခုတုံးလုပ်ပြီး ကာမဆက်ဆံတာကိုဆိုလိုတာပါ)
ဒီလိုမျိုးလက်ထပ်ထိမ်းမြားခြင်းကို ခုတုံးလုပ်၍ ယောကျာ်းတစ်ဦးက မိန်းမတစ်ဦးကို သွေးဆောင်လှည့်ဖြား၍ ကာမရယူမယ်ဆိုရင်တော့ ရာဇသတ်ကြီးပုဒ်မ (၄၉၃) အရ ဒီလူကို ဆယ်နှစ်ထိထောင်ဒဏ်ရော ငွေဒဏ်သတ်မှတ်၍ရော ပြစ်ဒဏ်ပေးလို့ရတာပဲဖြစ်ပါတယ်။
ဒီပြစ်မှုဟာ ယောကျ်ားနဲ့မိန်းကလေးကြားကပတ်သက်မှုဖြစ်ပြီး မျက်မြင်သက်သေလည်း နည်းပါးနိုင်တာကြောင့် မိန်းကလေးများ အထူးသတိထားဖို့လိုအပ်ပါတယ်။
ဒီလိုကာမလိမ်လည်မှုကို တိုင်တန်းမယ်ဆိုရင်လည်း နစ်နာသူမိန်းကလေးက တိုင်တန်းမှသာ တရားရုံးက အရေးယူဆောင်ရွက်ပေးမှာဖြစ်ပါတယ်။
အကယ်၍ ကာယကံရှင်မိန်းကလေးက စိတ်ပေါ့သွပ်သူ၊ ငယ်ရွယ်တဲ့သူ၊ မသန်စွမ်းသူ၊ နာမကျန်းသူဖြစ်နေရင်တော့ တခြားသူက တရားရုံးရဲ့ ခွင့်ပြုချက်နဲ့ ကိုယ်စား တိုင်ကြားပေးနိုင်ပါတယ်
Credit - ဥပဒေရေးရာ
Related Posts
"ကာမကိုလိမ်လည်ရယူမှု"
ကိုဖြူ ။ ။ “ရာဇသတ်ကြီးကိုပြင်ဆင်သည့်ဥပဒေ”မှာ ပုဒ်မ -၄၁၇တစ်ခုတည်းကိုပဲ ပြစ်ဒဏ် (၁)နှစ်က(၃)နှစ်တိုးမြှင့်လိုက်တာတွေ့ရတယ်။ ဘာမှုလဲ ဆရာ။ ဘာကြောင့်ပြစ်ဒဏ်တိုးရတာလဲ။ယူတီကေ ။ ။ ကိုဖြူမေးတဲ့ပုဒ်မ (၄၁၇) က လိမ်လည်မှုအတွက်ပြစ်ဒဏ်ဖြစ်တယ်။ ပုဒ်မ ၅၁၁ပါတဲ့ရာဇသတ်ကြီ...
လင် နှင့် မယား ကွာရှင်းခြင်း
ကွာရှင်းပြတ်ဆဲခြင်းမှာ-မြန်မာ ဗုဒ္ဓဘာသာများကွာရှင်းပြတ်ဆဲခြင်း၊ အစ္စလာမ်ဘာသာများကွာရှင်းပြတ်ဆဲခြင်း၊ ဟိန္ဒူဘာသာများ ကွာရှင်းပြတ်ဆဲခြင်း၊ ခရစ်ယာန်ဘာသာများကွာရှင်းပြတ်ဆဲခြင်း တို့ဟာ တစ်ခုနဲ့တစ်ခု မတူညီကြပါဘူး . . .- ဗုဒ္ဓဘာသာများကွာရှင်းခြင်းဗုဒ္ဓ...
မြန်မာ့ဓလေ့ထုံးတမ်း ဥပဒေပါ တရားဝင်ကွာရှင်းမှု
ဒီလိုကွာရှင်းမှုဟာ တရားဝင်ကွာရှင်းမှု ကွာရှင်း မှုဖြစ်လို့ နှစ်ဦးသဘောတူရင်လုံ လောက်ပြီလို့ ဆိုကြပါတယ် ။ ဒါပေမဲ့ တစ်လင်တစ်မယားဥပဒေ ပေါ် လာပြီး နောက်ပိုင်းမှာ ဒီလိုကွာရှင်ပြီးမှာ တစ်ယောက်ယောက်က နောက်အိမ်ထောင်ပြုရင် နောက်တစ်ယောက် က အမှုဖွင့် အာမခံတ...
www.yuzanarland.com ဟာ မိတ်ဆွေအတွက်ပါ။
