မိမိတစ်သက်တာနေထိုင်ဖို့အတွက် အိမ်တစ်လုံးဆောက်လုပ်တော့မယ်ဆိုရင် ဒီအချက်လေးတွေကိုတော့သိထားဖို့ လိုမယ်နော် ။

မိမိတစ်သက်တာ နေထိုင်ဖို့အတွက် အိမ်တစ်လုံး ဆောက်လုပ်တော့မယ်ဆိုရင် ဒီအချက်လေးတွေကိုတော့ သိထားဖို့ လိုမယ်နော် ။
လူရယ်လို့ဖြစ်လာရင် စား၊ ဝတ်၊ နေရေး ဆိုတာရှိကြပြီး မစားလို့မရသလို မဝတ်လို့လဲမရပြန်တဲ့အပြင် နေစရာမရှိရင်လည်းမဖြစ်ပြန်ပါဘူး ဒါကြောင့်မို့ နေထိုင်ဖို့အတွက် အိမ်ဆောက်တဲ့အချိန်မှာ ဆောင်ရန် ရှောင်ရန်များကို သိထားသင့်ပါတယ် ။
ခေတ်အဆက်အဆက် မြန်မာတို့ရဲ့ ထုံးတန်းစဉ်လာအရ အိမ်ဆောက်တဲ့အခါ နေ့ကောင်း ရက်ကောင်းကို အခုလိုပဲ ရွေးချယ်ပါတယ်ရှင့် ။ 
အိမ်ဆောက်ဖို့အတွက် ကောင်းတဲ့လတွေကတော့ 🏘🏘🏘
တန်ခူးလ ၊ ကဆုန်လ၊ ဝါခေါင်လ ၊ နတ်တော်လ ၊ပြာသိုလနဲ့ တန်ပေါင်းလ တို့ပဲ ဖြစ်ပါတယ်ရှင့် ။
🍀တန်ခူးလ။ ။ တန်ခူးလတွင် အိမ်ဆောက်လျှင် ဥစ္စာဓနကြွယ်ဝခြင်း၊ အိမ်တွင်နေထိုင်သူများ ချမ်းသာသုခနှင့်ပြည့်စုံပြီး လိုအင်ဆန္ဒပြည့်စုံခြင်း များရရှိစေပါတယ် ။
🍀ကဆုန်လ။ ။ ကဆုန်လတွင် အိမ်ဆောက်လျှင် တစ်ပါးသူ အကူအညီပေးခြင်း အိမ်ဆောက်ပြီးကာလတွင် စီးပွားရေးများတိုးတက်လာခြင်း ၊ စားနပ်ရိက္ခာပြည့်စုံခြင်းများ ရရှိစေပါတယ် ။
🍀ဝါခေါင်လ။ ။ ဝါခေါင်လတွင် အိမ်ဆောက်လျှင် ချမ်းသာခြင်း ကြွယ်ဝခြင်း၊ အိမ်တွင်နေထိုင်သူများ ကျန်းမာရေးကောင်းပြီး ဉာဏ်ပညာထက်မြတ်ခြင်း ၊ တစ်ပါးသူများ အားကိုးအားထားပြုခြင်းများကို ခံစားရနိုင်ပါတယ် ။
🍀နတ်တော်လ။ ။ နတ်တော်လတွင် အိမ်ဆောက်လျှင် နာမည်၊ဂုဏ်သတင်း ကျော်ဇောခြင်း ၊အလုပ်အကိုင်များ ပြုလုပ်ရာတွင် အထူးတိုးတက်မြန်ခြင်း တို့ကိုခံစားရစေပြီး ထိုအိမ်တွင် နေထိုင်သူအားလုံး ကျော်ဇော်ခြင်းကို ရရှိနိုင်စေပါတယ် ။
🍀ပြာသိုလ။ ။ ပြာသိုလတွင် အိမ်ဆောက်လျှင် တစ်ပါးသူများ ဝိုင်းဝန်းချီးမွန်းခြင်းခံရကာ ဥစ္စာဓနတိုးလာခြင်း ၊ ဆွေမျိုးမိတ်သင်္ဂဟများပေါများလာခြင်း၊ စားနပ်ရိက္ခာများ သိသိသာသာ ပေါများလာခြင်းကို ဖြစ်စေပါတယ် ။
🍀တန်ပေါင်းလ။ ။ တန်ပေါင်းလတွင် အိမ်ဆောက်လျှင် အိမ်ဆောက်သည့်နေမှစ၍ ဆွေမျိုးမိတ်ဆွေသင်္ဂဟများခြင်း၊ စီးပွားရေးတိုးတက်လာခြင်း၊ အိမ်တွင်နေထိုင်သူများ အရာရာအားလုံး ပြည့်စုံလာခြင်းတို့ကို ခံစားရစေသည် ။
🌀နေ့အလိုက် အိမ်ဆောက်ခြင်း အယူအဆများ🌀 
⏳တနင်္ဂနွေနေ့တွင် အိမ်ဆောက်လျှင်..စိတ်သောကများရတတ်၏ ။
⏳တနင်္လာနေ့တွင် အိမ်ဆောက်လျှင်...အလွန်စိတ်ချမ်းသာရ၏ ။
⏳အင်္ဂါနေ့တွင် အိမ်ဆောက်လျှင်...လာဘ်လာဘများစွာ ရတတ်၏။
⏳ဗုဒ္ဓဟူးနေ့တွင် အိမ်ဆောက်လျှင်...ဆင်းရဲများသော်လည်း ရံဖန်ရံခါ ငွေအလုံးရင်းဝင်တက်၏။
⏳ကြာသပတေးနေ့တွင် အိမ်ဆောက်လျှင်...ရောဂါကင်းစင်ခြင်းကိုရနိုင်၏။
⏳သောကြာနေ့တွင် အိမ်ဆောက်လျှင်...မကြာခန စိတ်ပူပန် ရတက်၏။
⏳စနေနေ့တွင် အိမ်ဆောက်လျှင် ...အထက်လူကြီး ညင်းပန်းခြင်းကို အထူးခံရတက်၏ ။
အမြိတ္တစုတ်ရက် ရွေးနည်း၊ ရှမ်းရက် ရွေးနည်း ၊ရက်ယုတ်မာ ရွေးနည်း၊ ပြဿဒါး ရွေးနည်း ရက်ရာဇာ ရွေးနည်း အစရှိသဖြင့် အမျိုးမျိုးထပ်မံရှိသေးသော်လည်း လူသုံးများတဲ့နည်းလေးကိုပဲ ပထမဆုံး ရွေးချယ် ဖော်ပြပေးလိုက်ပါတယ်ရှင့် ။ တစ်ခြားနည်းများ ကိုလည်း အခွင့်ရေးရတဲ့အခါ ဆက်လက်ဖော်ပြ ပေးသွားပါမယ်ရှင့် ။