ဝယ်ထားတဲ့ ပါမစ်မြေကွက်က ပါမစ်အမည်ပေါက်ထံကတစ်ဆင့်ဝယ်ထားတဲ့ ပါမစ်မြေကွက်မူရင်းစာရွက် ပျောက်သွားတာ။ အသစ်ပြန်လျှောက်လို့ရပါသလား သိပါရစေ။

ဝယ်ထားတဲ့ ပါမစ်မြေကွက်က ပါမစ်အမည်ပေါက်ထံကတစ်ဆင့်ဝယ်ထားတဲ့ ပါမစ်မြေကွက်မူရင်းစာရွက် ပျောက်သွားတာ။ အသစ်ပြန်လျှောက်လို့ရပါသလား သိပါရစေ။
ဓာတ်ပုံမြေချ ပါမစ်မြေကွက်တွေကိုထုတ်ပေးထားက ရန်ကုန်မြို့ရွာနှင့် အိုးအိမ် ဖွံ့ဖြိုးရေး ဦးစီးဌာန ထုတ်ပေးထားပါတယ်။ 
အိုးအိမ်မြေချပါမစ်ကို မူလ အမည်ပေါက်ရှိ၊ မရှိသိလိုတာပဲ ဖြစ်စေ၊ အတု နဲ့ အစစ် ခွဲခြားသိချင်လို့ပဲ ဖြစ်ဖြစ်၊ မြေချပါမစ် ပျောက်သွားလို့ဘယ်လို ဆောင်ရွက်ရမယ်ဆိုတာ သိလိုရင်ပဲဖြစ်စေရန်ကုုန်တိုင်း အိုးအိမ်ရုံးမှာပဲ သွားပြီးစုံစမ်းကြတယ်။ အဲဒီရုံးက သက်ဆိုင်ရာမြို့နယ် တာဝန်ခံက ရှင်းပြပေးပါတယ်။
အခုတော့ မြို့သစ် မြေကွက်ပါမစ်တွေကိုအိုးအိမ်ကနေ မြို့တော်စည်ပင်မြေယာဌာနကိုလွှဲပြောင်းလိုက်ပြီလို့ သိရတယ်။
ဒီတော့ အကောင်းဆုံး အကြံပြုချင်တာကတော့ ရန်ကုန်မြို့တော် စည်ပင်သာယာရေးကော်မတီ၊ မြို.ပြစီမံကိန်းနှင့် မြေစီမံခန့်ခွဲမှု ဌာနက လက်ခံဆောင်ရွက်ပေးနေတဲ့ လိုအပ်မယ့်အချက်အလက်တွေကိုပြောပြလိုက်မယ်။ 
ပထမဆုံး မြေချပါမစ်အမည်ပေါက်ကိုပြန်ရှာရမယ်။ တွေ့ခဲ့ရင်အမည်ပေါက်ကိုယ်တိုင် မြေချပါမစ်ပျောက်ဆုံးသွားကြောင်း မိမိမြေကွက်ရှိတဲ့ ရပ်ကွက်ရုံးက ရပ်ကွက်အုပ်ချုပ်ရေးမှူးထံမှာ ထောက်ခံချက် သွားယူရမယ်။ အဲဒီမြေချပါမစ် ပျောက်ဆုံးကြောင်း ထောက်ခံချက်ကို တင်ပြပြီး သက် ဆိုင်ရာ မြို့နယ်ရဲစခန်းက ထပ်ဆင့် ထောက်ခံချက် ယူရမယ်။အဲဒီထောက်ခံချက် (၂)ခုရရင် အိမ်အပြောင်းအရွှေ့ ပြုလုပ်စဉ် မြေချပါမစ်များ ပျောက်ဆုံးသွားကြောင်း ပါမစ် အမည်ပေါက် က တရားရုံးမှာ ကျမ်းကျိန်ရမယ်။ အဲဒီ (၃) မျိုး စုံရင်တော့အမည်ပေါက်ရဲ့ နိုင်ငံသား ကတ်ပြားမူရင်းနဲ့ မိတ္တူ (၁) စုံစီ ယူဆောင်ပြီး ရန်ကုန်မြို့တော်ခန်းမမှာ ရှိတဲ့ မြေယာဌာနမှာ လျှောက်လွှာဝယ်ပြီး ပါမစ်ပျောက်လို့ဂရန်အသစ် မြေဌားစာချုပ် ထုတ်ပေးပါရန် လျှောက်ထားရမယ်။ မြေယာဌာနက ညွှန်ပြတဲ့အတိုုင်း သတင်းစာမှာ ကန့်ကွက်ရန်ရှိ/မရှိ ကြော်ငြာရမယ်။လျှောက်ထားတဲ့ မြေကွက် ကွင်းဆင်း စစ်ဆေးလိမ့်မယ်။
အဲ…တစ်ခုတော့ ကြိုပြီးပြောထားရဦးမယ်။ ဂရန်သစ် မလျှောက်မီကတည်းက ကိုယ်ရထားတဲ့ မြေကွက်ထဲမှာ အိမ်ဆောက်ပြီး လျှောက်ထားသူ ကိုယ်တိုင် နေရမယ်။ မြေကွက်မှာလာပြီး ကွင်းဆင်း စစ်ဆေးတဲ့ မြေတိုင်း တာဝန်ခံနဲ့ မြေကွက်လျှောက်သူ ကိုယ်တိုုင် ကိုယ့်မြေကွက် ကိုယ့်အိမ်ရှေ့မှာ နှစ်ယောက်တွဲပြီး ရိုက်ထားတဲ့ဓာတ်ပုံကို မြေယာဌာနမှာ တင်ပြရမယ်။
အဲဒီလို အချက်အလက်တွေ စုံပြီးရင် မြေကွက်ရှိတဲ့အုုပ်ချုပ်ရေးမှူးရုုံးနဲ့ မြို့နယ်အုုပ်ချုပ်ရေးမှူးရုံး တိုု့မှာ ဂရန်သစ်လျှောက်ထားမှုနဲ့ ပတ်သက်လို့ ကန့်ကွက်နိုင်ကြောင်း ကြော်ငြာရသေးတယ်။ သတင်းစာနဲ့ အုုပ်ချုပ်ရေးမှူး ရုံးတွေမှာလည်း ကန့်ကွက်သူမရှိတော့ဘူး ဆိုရင်တော့ ဌာနက ဂရန် ထုတ်ပေးနိုင်ဖို့အတွက် အဆင့်ဆင့် ဆောက်ရွက်ပေးရတယ်။ ဂရန်အသစ် ထုတ်ဖို့ အကြောင်း ကြားလာရင် (ပေ ၄၀ x ပေ ၆၀) မြေကွက်ဖိုးငွေ ပေးသွင်းရတယ်။ ငွေသွင်းခွင့် ရရင်တော့ ဂရန် မြေငှါးစာချုပ်ကိုမကြာခင် သွားရောက် ထုတ်ယူလို့ရပါပြီ။
Photo credit ကူးယူဖော်ပြပါသည်။
Credit- ဥပဒေရေးရ