မူးယစ်ဆေးဝါး ဥပဒေ ပုဒ်မ ၁၉(က) နဲ့ ပုဒ်မ (၂၁) အကြောင်း သိပါရစေ ။ မူးယစ်ဆေးဝါးဖမ်းရာမှာ လက်ဝယ် မရှိတဲ့အတွက် ထောင်ကျကိန်းရှိပါသလား ။ ====================

13-Aug-21
မူယစ်ဆေးဝါးဆိုရင်တော့ ၁၉၉၃ ခုနှစ် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေ အရ အရေးယူပါတယ်။ ဒီဥပဒေမှာ အခန်းပေါင်း( ၉ )ခန်းနဲ့ ပုဒ်မပေါင်း ( ၃၁ ) ခုပါရှိပါတယ်။ 
ပုဒ်မ ၁၉ ဆိုတာ ကတော့ မူးယစ်ဆေးဝါး သို့မဟုတ် စိတ်ကိုပြောင်းလဲစေ သောဆေးဝါးများကို ရောင်းချခြင်းနဲ့ သက်ဆိုင်တဲ့ အကြောင်းအရာများကို ပြဋ္ဌာန်းထားတာပါ။ ပုဒ်မ ၁၉ မှာ ပုဒ်မခွဲတွေအနေနဲ့ပုဒ်မခွဲ ( က ) ကနေ ( ဃ ) အထိ ပုဒ်မခွဲ ( ၄ ) ခုပါရှိပါသည်။ 
ပုဒ်မ ၁၉( က ) ဆိုတာကတော့ မူးယစ်ဆေးဝါး သို့မဟုတ် စိတ်ကိုပြောင်းလဲစေသော ဆေးဝါးကို ရောင်းချရန် အလို့ငှာ လက်ဝယ်ထားခြင်း၊ သယ်ဆောင်ခြင်း၊တဆင့်ပေးပို့ခြင်း၊ လွှဲပြောင်းခြင်းတို့ပါဝင်ပါတယ်။
ပုဒ်မ ၁၉ အောက်မှာရှိတဲ့ပုဒ်မခွဲတွေမှာ ပြဋ္ဌာန်းထားတာကို ဖောက်ဖျက်ရင်တော့ ကျူးလွန်သူကို ထောင်ဒဏ်အနည်းဆုံး ( ၁၀ ) နှစ်မှအများဆုံးနှစ်အကန့်အသတ်မရှိထောင်ဒဏ်ချမှတ်ရမည်လို့ပြဌာန်းထားပါတယ်။
ဘယ်ပမာဏ၊ ဘယ်အရေအတွက်ဆိုရင်တော့ ရောင်းချရန်အလို့ငှာ လက်ဝယ်ထားခြင်းဖြစ်တယ်လို့ သတ်မှတ်ထားတဲ့ အရေ အတွက်၊ပမာဏရှိပါတယ်။ စိတ်ကြွရူးသွပ်ဆေးပြားဆိုရင် အပြား ( ၃၀ ) နဲ့အထက် လက်ဝယ်တွေ့တယ် ဆို ရင်တော့ ရောင်းချရန်အလို့ငှာလက်ဝယ်ထားခြင်းဖြစ်ပါတယ်လို့ မှတ်ယူရပါမည်။ 
ပုဒ်မ ၂၁ ဆိုတာကတော့ မူးယစ်ဆေးဝါးနှင့်စိတ်ကို ပြောင်းလဲစေသော ဆေးဝါးများဆိုင်ရာဥပဒေမှာ ဖော်ပြပါရှိ တဲ့ပြစ်မှုတစ်ရပ်ရပ်ကို ကျုး လွန်ရန်အားထုတ်ခြင်း၊ ပူးပေါင်းကြံစည်ခြင်း၊ စည်းရုံးခြင်း၊ စီမံခန့်ခွဲခြင်း၊ ငွေကြေး ထောက်ပံ့ခြင်း၊ အားပေးခြင်း တို့ပြုရင် ထိုပြစ်မှုအတွက် ပြဋ္ဌာန်းထားတဲ့ပြစ်ဒဏ်ကိုချမှတ်ရမည်ဟု ပြဋ္ဌာန်းချက် ဖြစ်ပါတယ်။
ဥပမာအနေနဲ့ဆိုရင် ပုဒ်မ၁၉ ( က ) ၊၂၁ အမှုမှာ ပုဒ်မ၂၁ ကိုကျူးလွန်တယ်ဆိုရင် ပုဒ်မ ( ၁၉ ) ( က ) ပြစ်ဒဏ်ဖြစ်တဲ့ ထောင်ဒဏ်အနည်းဆုံး ( ၁၀ ) နှစ်မှ အများဆုံးနှစ်အကန့်အသတ်မရှိ ထောင်ဒဏ်ကို ကျ ခံရမည်ဖြစ်ပါတယ်။ 
လက်ဝယ်မှာမရှိသော မောင်လှကထောင်ကျကိန်းရှိပါသလားဆိုတဲ့အမေးနဲ့ပတ်သက်လို့ကတော့ ပုဒ်မ ၂၁နဲ့ စွပ်စွဲခံရသူအားလုံးရဲ့လက်ဝယ်မှာ သက်သေခံပစ္စည်းဖမ်းဆီးရမိတာ နည်းပါတယ်။ 
ဒီလိုလက်ဝယ်မှာ ပစ္စည်း မတွေ့ရပေမယ့် အားပေးကူညီပူးပေါင်းကြံစည်ကြောင်း ပြစ်မှုထင်ရှားပေါ်ပေါက်ရင်တော့ ပြစ်ဒဏ်ကျခံ ရနိုင် ပါတယ်။ ဒါပေမဲ့ မထင်ရှားဘဲ သံသယဖြစ်ဖွယ်သာ တွေ့ရရင်တော့ သံသယအကျိုးကို တရားခံကသာ ခံစား ခွင့်ရှိကြောင်း ဖြေကြားလိုက်ပါရစေ။
 

Related Posts

Download Yuzanar Land's Mobile Apps

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

Contact Us

Get latest properties in email!

Copyright © 2020 | All rights reserved by Yuzanar Land Real Estate