အိမ် ခြံ မြေ ဝယ်ယူရာတွင် သတိထားသင့်သည့် အချက်

အိမ် ခြံ မြေ အရောင်းအဝယ် ကိစ္စများတွင် အရောင်းအဝယ် ပြုလုပ်မည့် မြေကွက်သည် ရောင်းသူ အမည်ပေါက် ဖြစ်စေ

အမည် မပေါက်သည် ဖြစ်စေ ၊ ဂရန် ရှိသည် ဖြစ်စေ ၊ ဂရန် မရှိသည် ဖြစ်စေ ၊ မြေအမျိုးအစားသည် လယ်မြေ ၊ ယာမြေ ၊ ရွာမြေ ၊ဥယျာဉ်ခြံမြေ ၊ စသည့် မည်သည့် မြေအမျိုးအစားပင် ဖြစ်စေ အရောင်းအဝယ် ပြုလုပ်သော မြေသည် ရောင်းသူ၏ လက်ဝယ်တွင် ရှိ

မရှိ ဆိုသည့် ကိစ္စသည် အလွန်အရေးကြီးပါသည် ။

အရောင်းအဝယ် ပြုလုပ်မည့် မြေတွင် တခြားသူ ဝင်ရောက်နေထိုင်ပြီး ရောင်းသူ လက်ဝယ်တွင် မရှိလျှင် -

( ၁ ) အခြားသူ တစ်ဦးအား ရောင်းချထားပြီး ဖြစ်နိုင်သည် ။

( ၂ ) ပေါင်နှံထားခြင်း ဖြစ်နိုင်ပါသည် ။

( ၃ ) အခြားသူ တစ်ဦးက ကျူး၍ ဝင်ရောက်နေထိုင်ခြင်း ဖြစ်နိုင်ပါသည် ။

( ၄ ) အမွေဆိုင်ကွက် ဖြစ်၍ အခြား အမွေဆိုင် တစ်ဦးဦးက နေထိုင်ခြင်း ဖြစ်နိုင်သည် ။

( ၅ ) လင်မယားပိုင် ဖြစ်ပြီး လင် ( သို့ ) မယားက နေထိုင်ခြင်း ဖြစ်နိုင်သည် ။

( ၆ ) အခြားသူနှင့် အတူ ပူးတွဲ ပိုင်ဆိုင်သောမြေ ဖြစ်နိုင်သည် ။

စသည့် အခြားဖြစ်နိုင်သည့် အကြောင်းကိစ္စ များစွာ ရှိသည် ။

ထို့ကြောင့် အရောင်းအဝယ် ပြုလုပ်မည့်မြေသည် ရောင်းသူ၏ လက်ဝယ်တွင် ရှိ မရှိ သေချာအောင် အရင် စုံစမ်းရမည် ဖြစ်ပါသည်။

Credit ( ဥပဒေရေးရာ )