လယ်ယာမြေ ကို အခြားနည်း အသုံးပြုရန် လျှောက်ထားခြင်း

16-Nov-21 အခြား
လယ်ယာမြေ ကို အခြားနည်း အသုံးပြုရန် လျှောက်ထားခြင်း

လယ်ယာမြေ ကို အခြားနည်း အသုံးပြုရန် လျှောက်ထားခြင်း

-----------------------------------------------------
 

လယ်ယာမြေ ကို အခြားနည်း အသုံးပြုလိုသူများအတွက် 
သက်ဆိုင်ရာ လယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာနတွင် 

မြေစာရင်း ပုံစံ (၁၀၅) ၊ (၁၀၆) ရေးကူး၍ 
လယ်ယာမြေ ဥပဒေပုဒ်မ ၂၉ /၃၀(က) / ၃၀(ခ) အရ 
လုပ်ငန်းစာတွဲ ဖွင့်လှစ် တည်ဆောက်ရပါမည်။ 

 သို့သော် မြို့နယ် ၊ ခရိုင် ၊ တိုင်းဒေသကြီး ၊ ပြည်နယ်၏ 
အဆင့်ဆင့် ထောက်ခံမှု အရ 

လယ်မြေ ဖြစ်ပါက ဗဟိုလယ်ယာ မြေစီမံခန့်ခွဲမှုအဖွဲ့ ၊ 

အခြား လယ်ယာမြေ ဖြစ်ပါက နေပြည်တော်ကောင်စီ 
သို့မဟုတ် ၊ တိုင်းဒေသကြီး ၊ ပြည်နယ်အစိုးရအဖွဲ့၏ 
ခွင့်ပြုချက်ကို ရယူရန် လိုအပ်ပါသည်။

လယ်ယာမြေ ဥပဒေပုဒ်မ -၂၉ / ၃၀ (က) / ၃၀(ခ) အရ 
လုပ်ငန်းစာတွဲ ဖွင့်လှစ်သည့် အခါတွင်မူ 
လျှောက်ထားသူများ အနေဖြင့် 
အောက်ပါ စာရွက် စာတမ်း ၊ အထောက်အထားများအား 
ပြည့်စုံစွာ ပူးတွဲတင်ပြရန် လိုအပ်မည် ဖြစ်ပါသည်။

(က) လယ်ယာမြေကို အခြားနည်း အသုံးပြုခွင့်ပြုရန် လျှောက်လွှာပုံစံ - ၁၄၊

(ခ) မြေစာရင်း ပုံစံ (၁၀၅) ၊ (၁၀၆)

(ဂ) ပတ်ဝန်းကျင်ပြ မြေပုံ၊

(ဃ) မြေတည်ရှိရာ အခြေပြ

မြေပုံ (Location Map) ၊

(င) ဆိုက်ပလင် (Site Plan) ၊ 
(စ) ဓာတ်ပုံမှတ်တမ်းများ၊

(ဆ) လယ်ယာမြေ လုပ်ပိုင် ခွင့်ပြု လက်မှတ် (ပုံစံ-၇) မိတ္တူ ၊

(ဇ) ရပ်ကွက် ၊ ကျေးရွာ အုပ်စု လယ်ယာမြေ စီမံခန့်ခွဲမှု အဖွဲ့၏ ထောက်ခံချက် ၊

(ဈ) လျှောက်ထားသူ၏ ဝန်ခံချက် ၊

(ည) ဘေးပတ်ဝန်းကျင် လယ်သမားနှစ်ဦး၏ ထွက်ဆိုချက် ၊

(ဋ) လျှောက်ထားသူ၏ မှတ်ပုံတင် (မိတ္တူ) ၊

လယ်ယာမြေကို အခြားနည်းအသုံးပြုရန် လျှောက်ထားသည့်
ကိစ္စရပ်များအနက် လယ်မြေကို အခြားနည်း အသုံးပြုရန် 
ခွင့်ပြုမိန့် ပုံစံ (၁၅) ကို ရရှိရေး အတွက် 
ဗဟို လယ်ယာမြေ စီမံခန့်ခွဲမှု အဖွဲ့ အထိ 
လုပ်ငန်းစာတွဲ ပေးပို့ တင်ပြ ကြရပြီး လယ်မြေ မဟုတ်သော အခြား 
လယ်ယာမြေ ကို အခြားနည်း အသုံးပြုရန် 
ခွင့်ပြုမိန့် ပုံစံ (၁၅-က) ကိုသာ နေပြည်တော် ကောင်စီသို့ 
တိုင်းဒေသကြီး၊ ပြည်နယ် အစိုးရအဖွဲ့များက ထုတ်ပေးပိုင်ခွင့် ရှိသည်။ 

ယခုအခါ တချို့သောတိုင်း ဒေသကြီး အစိုးရအဖွဲ့ 
(ဥပမာ- ရန်ကုန်တိုင်းဒေသကြီး) များက လယ်မြေ ကို 
အခြားနည်း အသုံးပြုခွင့် လျှောက်ထားမှုကို 
တားမြစ် ပိတ်ပင်လိုက်သည်ဟု ကြားသိရပါသည်။

 အချုပ်ဆိုသော် လယ်ယာမြေ ကို အခြားနည်းအသုံးပြုခွင့် 
လျှောက်ထားလိုသော လူပုဂ္ဂိုလ် (သို့) အဖွဲ့အစည်းများ အနေနှင့် 
လယ်မြေ ဖြစ်စေ ၊ လယ်မြေ မဟုတ်သော အခြား လယ်ယာမြေ ကိုဖြစ်စေ ၊ 
သက်ဆိုင်ရာ မြို့နယ်လယ်ယာမြေ စီမံခန့်ခွဲရေးနှင့် စာရင်းအင်း ဦးစီးဌာနရုံးများတွင် 
မြေစာရင်း ပုံစံ (၁၀၅) ၊ (၁၀၆) လုပ်ငန်းစာတွဲနှင့် အတူ 
ပူးတွဲ လျှောက်ထားနိုင်ကြောင်း တင်ပြလိုက်ရပါတော့သည်။

 

အောက်တွင် လယ်ယာမြေအားအခြားနည်းအသုံးပြုခွင့်လျှောက်လွှာအားပူးတွဲတင်ပြလိုက်ပါတယ်)

Crd: ဥပဒေရေးရာ

Related Posts

GP/SP နှင့် ပတ်သက်၍ သိထားသင့်သည့် အချက်များ

GP/SP နှင့် ပတ်သက်၍ သိထားသင့်သည့် အချက်များ

၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...

“အိမ်သုံးလျှပ်စစ်မီတာလျှောက်ထားပုံ”

“အိမ်သုံးလျှပ်စစ်မီတာလျှောက်ထားပုံ”

မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...

Download Yuzanar Land's Mobile Apps

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

Contact Us

Get latest properties in email!

Copyright © 2020 | All rights reserved by Yuzanar Land Real Estate