အိမ်ခြံမြေဝယ်ရာတွင် အရောင်းမှန်၊အဝယ်မှန်ပြီးခိုင်မာသော စာချုပ်စာတမ်းဖြစ်စေဖို့
13-Aug-21
အိမ်ခြံမြေ အရောင်း၊အဝယ်ပြုလုပ်ကြမိ လုပ်ငန်းရှင်မိတ်ဆွေများ အရောင်းမှား၊ အဝယ်မှား နှင့် မခိုင်မာသည့် စာချုပ်စာတမ်းများ မဖြစ်စေရန် နှင့်
အရောင်းမှန်၊ အဝယ်မှန်ပြီး ခိုင်မာအားကောင်းသော စာချုပ်စာတမ်း ဖြစ်စေရန် ---
ငွေမလွန်ခင် ကြိုတင်သိရှိပြင်ဆင်ထားရမည့် အရေးကြီး အချက်အလက်များ---
၁။ မိမိဝယ်ယူမိ အိမ်ခြံမြေ၏ မြေရာဇဝင်ကို မြို့နယ်မြေစာရင်းရုံးတွင်
မြေရာဇဝင်နှင့် မြေအမျိုးအစားကို
တရားဝင်မေးမြန်နိုင်ပါသည်
-( မြို့မြေ၊ဂရမ်မြေ ဟုတ်၊မဟုတ်)
-(ရောင်းသူအမည်ပေါက် ဟုတ်၊မဟုတ်)
-(ကိုယ်စားလှယ်လွှဲထားခြင်း ရှိ၊မရှိ)
-ဝရမ်းကပ်ထားခြင်းရှိ၊မရှိ
-ကန့်ကွက်လွှာတင်ထားခြင်း ရှိ၊မရှိ
စသည့် အရူပ်အရှင်း ရှိမရှိ နှင့် လက်ရှိရောင်းမည့်သူ ရောင်းပိုင်ခွင့် ရှိ၊မရှိကို
ကနဦး အနေဖြင့် ငွေမလွန်ခင် အရင်စစ်ဆေးကြပါ။
၂။ မြေရာဇဝင်၏ အရူပ်အရှင်း နှင့် ပိုင်ရေးဆိုင်ခွင့်အရ မည်သို့ ရောင်းဝယ်လျင် ဥပဒေအရ အကျုံးဝင်မည်----
မလွဲသာ၊မရှောင်သာ တစ်ဖက်ဖက်မှ ဖောက်ပြန်ခဲ့သည်ရှိသော နစ်နာသူမှ နစ်နာသည့် အခကြေးငွေ ကို ပြန်လည်ရရှိရန် နှင့် အမူအခင်းဖြစ်လာပါက
သက်သေခံစာရွက်စာတမ်းတစ်ခုအနေဖြင့် ရုံးတော်သို့ တင်ပြခွင့်၊ တင်သွင်းခွင့် ရရှိစေရန်-
အသက်ရှိသည့် ပျက်ပြယ်မူမရှိသည့် ခိုင်မာအားကောင်းသည့် စာချုပ်စာတမ်းတစ်ခု ဖြစ်စေရန် - ရေးသားနိုင်သူများမှာ ဥပဒေအကျိုးဆောင်ရှေ့နေများသာ စွမ်းနိုင်သည့် ကိစ္စ ဖြစ်သည်ကို နားလည်းထားရပါမည်။
( "အတွေ့အကြုံရှိသော"
မိမိချုပ်ဆိုပေးသည့် စာချုပ်ပါ စကားရပ်များကို အဘယ်ကြောင့်ထိုသို့ရေးသားချုပ်ဆိုပေးရသည်ကို ၊ အသေးစိတ်ရှင်းလင်းပြောပြ ပေးနိုင်သော သူ)
၃။ မိမိအရောင်းအဝယ်ပြုလုပ်မိမြေအမျိုးအစားပေါ်မူတည်၍
ရပ်ကျေးအုပ်လက်မှတ် ပါရန်လို နှင့် ပါရန် မလို ကို
ကနဦ သိထားသင့်ပေသည်။
(အမည်မပေါက်သေး သည့် မြို့မြေ ဖြစ်ပါက ရပ်ကျေးအုပ်များ နှင့် ချုပ်ပါ)
ဂရမ်အမည်ပေါက်ထားသည့် မြေဖြစ်ပါက
မလိုအပ်ပါ။
တစ်ခုသိထားရမည်မှာ
မြေနှင့်ပတ်သက်လာလျှင်
မြေစာရင်းဦးစီးဌာန သည်သာ 100%
အဓိက ခရာဖြစ်သည်ကို
သဘောပေါက်ထာကြရပါမည်။
မည်သည့်မြေ အမျိုးအစားပင်ဖြစ်နေစေကာမူ
မြေစာရင်းဦးစီးဌာန မှ ကန့်ကွက်ထားပါက ရောင်းဝယ်ခွင့် မရှိပါ။
(တည်ဆဲဥပဒေများအရအရေးယူခြင်း ခံရမည်)
ထို့အတွက်ကြောင့်
ရပ်ကျေးရုံးရှိ ရပ်ကျေးအုပ်ချုပ်ရေးမှူများ၏ လက်မှတ်ထိုးခြင်း၊
လက်မှတ်မထိုးခြင်း မှာ
မြေယာ အရောင်း၊အဝယ်ပိုင်ဆိုင်မူ အတွက် 100% အထောင့်အပံ့
မဖြစ်နိုင်ပါ။
သို့သော်
ရပ်ကျေးအုပ် အနေဖြင့်
"မောင်ဖြူ"- မှ - "မောင်မဲ" သို့
ကျွန်ုပ်၏ ရှေ့မှောက်တွင်
အောက်ပါအသိသက်သေများ ရှေ့၌
အမှန်တကယ် ငွေပေး၊ငွေယူ၍ အရောင်းအဝယ် ပြုလုပ်သွားသည်မှာ မှန်ကန်ကြောင်းသာ ---- သက်သေထွက်ဆိုပေးနိုင်ရန် - သက်သေတစ်ဦးအနေဖြင့်တော့ အားကိုးနိုင်သည်။
***အရေးကြီးသည် မှာ
အမှန်တကယ် ရောင်းဝယ်၍ ရ၊မရ ကို မြို့နယ်မြေစာရင်းရုံးတွင် အတည်ပြုပြီး-
ခိုင်မာအားကောင်းသည့်၊ အသက်ရှိနေသည့် စာချုပ်၊ စာတမ်း တစ်စောင် ဖြစ်ဖို့ရန် မှာ ပို၍ အရေးကြီးလှပါသည်။
ခိုင်မာအားကောင်းသည့်
စာချုပ်စာတမ်းမဖြစ်ဘဲ၊
ပျက်ပြယ်ပြီးတာ စာချုပ်စာတမ်းဖြစ်နေပါက
ရပ်ကျေးအုပ် သည်လည်း
ကယ်နိုင်မည်မဟုတ်ပါ။