ရဟန်းသံဃာတို့အား အိမ်၊ မြေ စသည်တို့ကို ရေစက်သွန်းချ လှူဒါန်းခြင်းသည် အတည်မဖြစ်ပါ။
မြန်မာဗုဒ္ဓဘာသာများသည် တိုက်တာအိမ်ယာမြေအစရှိသည်တို့ုကို ဿသနာတော်အတွက် ရည်စူး၍ ပုဂ္ဂလိက ပစ္စည်းအဖြစ်သော်လည်းကောင်း ၊ သံဃိကပစ္စည်းအဖြစ်သော်လည်းကောင်း လှူဒါန်းလေ့ရှိကြသည်။
လှူဒါန်း ရာတွင် အချို့လည်းမှတ်ပုံတင်ရုံး၌ မှတ်ပုံမတင်ဘဲ ရေစက်သွန်းချ၍ လှူဒါန်းတတ်ကြသည်။ ဖျက်သိမ်းပြီးဖြစ် သော ၁၃၁၁ ခုနှစ် ၊ ဝိနိစ္ဆရဌာနနှင့်ဝိနိစ္ဆရခုံအက်ဥပဒေ ပုဒ်မ-၃၁ အရ မှတ်ပုံတင်အက်ဥပဒေတွင် မည်သို့ပင် ပါရှိစေကာမူ မရွှေ့မပြောင်းနိုင်သော ပစ္စည်းတစ်စုံတစ်ရာကို လှူဒါန်းသည့်အခါ သက်ဆိုင်ရာမြို့နယ် ဝိနိစ္ဆယ ဌာနတွင် လှူဒါန်းသည့် စာချုပ်ကို မှတ် ပုံတင်နိုင်ပေသည်။ ယင်းသို့ဝိနိစ္ဆယဌာန၌ မှတ်ပုံ တင်ရာတွင် စာချုပ် စာ တမ်း အတွက် ကျသင့်သော တံဆိပ်ခေါင်းခွန်နှင့် မှတ်ပုံတင်ခကြေးငွေ တစ်စုံ တစ်ရာကို ပေးဆောင်ရန်မလိုပါ ဟု ပြဋ္ဌာန်းခဲ့ဖူးသည်။
သို့ရာတွင် ၁၉၈၀ ပြည့်နှစ်၊ ပြည်သူ့လွှတ်တော် ဥပဒေအမှတ်-၃ ၊ ဝိနည်းဓမ္မ ကံ အဓိကရုဏ်းမှုခင်းများ ဖြေ ရှင်းရေးဆိုင်ရာလုပ်ထုံးလုပ် နည်းများ ( ပြင်ဆင်ဖြည့်စွက်ချက် ) အခန်း ၉၊ အပိုဒ် ၆၀ အရ ၊ ဿသနာမြေအပ ၌ရှိသော မရွှေ့မပြောင်းနိုင်သည့် ပစ္စည်းတစ်ရပ်ရပ်ကို လှူဒါန်းရာ၌ တည်ဆဲ ဥပဒေပြဋ္ဌာန်းချက်များနှင့် အညီ စာချုပ်စာတမ်းချုပ်ဆို၍ မှတ်ပုံတင်ရမည်ဟူ၍လည်းကောင်း၊ ယင်းသို့မှတ်ပုံတင်ထားမှ သာလျှင် ပိုင်ဆိုင် ခွင့်အငြင်းပွားလျှင်သံဃ ဝိနိစ္ဆယအဖွဲ့ဖြင့်စစ်ဆေးဆုံးဖြတ်ခွင့်ရှိသည်ဟူ၍လည်းကောင်း ပြဋ္ဌာန်းထားပါသည်။
ဝိနည်းဓမ္မကံ အဓိကရုဏ်မှုခင်းများဆိုင်ရာ လုပ်ထုံးလုပ်နည်းများ ( ပြင်ဆင်ဖြည့်စွက်ချက် ) အပိုဒ် ၆၀ တွင် အောက်ပါအတိုင်းပြဌာန်းထားသည် -
၆၀။ ဿသနာမြေအပ၌ရှိသော မရွှေ့မပြောင်းနိုင်သည့်ပစ္စည်းဘဏ္ဍာများကို ရဟန်း၊ သာမဏေ၊ ဂိုဏ်း၊ သံဃာ၊ စေတီ၊ ကျောင်း၊ ကျောင်း တိုက်၊ နဝကမ္မ၊ ဗုဒ္ဓဘာသာ၊ ဿသနာရေးဆိုင်ရာ အသင်းအဖွဲ့များအား လှူ ဒါန်းရာ၌ တည်ဆဲဥပဒေ ပြဋ္ဌာန်းချက်များနှင့်အညီ စာချုပ်စာတမ်း ချုပ်ဆို၍မှတ်ပုံတင်ခြင်း၊ ဦးပိုင်အမည် ပြောင်း တို့ကို ပြုလုပ်ဆောင်ရွက်ရမည်။ ယင်းသို့ဆောင်ရွက်ထားသည့် ဿသနာမြေအပရှိ မရွှေ့ မပြောင်းနိုင်သည့် ပစ္စည်း ဘဏ္ဍာများကိုသာ ပိုင်ဆိုင် ခွင့်အငြင်းပွားလျှင် သံဃဝိနိစ္ဆယအဖွဲ့ဖြင့် စစ်ဆေးဆုံး ဖြတ်ခွင့်ရှိသည်။
အထက်ပါပြဌာန်းချက်တွင် အကျုံးဝင်ရန်အလို့ငှာ၊ ဿသနာမြေအပရှိသော မရွှေ့မပြောင်းနိုင် သည့်ပစ္စည်းကိုလှူဒါန်းရာ၌ တည်ဆဲဥပဒေပြဌာန်းချက်များနှင့်အညီ စာချုပ်စာတမ်းချုပ်ဆို၍ မှတ်ပုံတင်ခြင်း၊ ဦးပိုင်အမည်ပြောင်းခြင်းတို့ကို ပြုလုပ်ရမည်ဖြစ်ပေသည်။
( ဦးဟန်းထွန်းပါ ၄ နှင့် ဦးစံမြပါ ၁၁၊၁၉၉၈ မတစ ၂၈၆ ) ။
( အညွှန်း- ဦးမြစိန်၊ တရားမလမ်းညွှန်းစီရင်ထုံးများ၊ စာ ၁၈၇ ) ။
Related Posts
ဂရန်သက်တမ်းတိုးလျှောက်ထားနည်း
ဂရန်သက်တမ်းတိုးလျှောက်ထားရန် အကြောင်းအမျိုးမျိုးရှိကြပါသည်၊ ၄င်းတို့မှာ- (၁) ဂရန်အမည်ပြောင်းလျှောက်ထားခြင်း၊ (၂) ဂရန်ဦးပိုင်ခွဲ ( ဂရန်မြေတစ်ခုကို အမည်မပြောင်းဘဲ ဂရန်တစ်ခု၊ နှစ်ခု၊ သုံးခု ထပ်မံခွဲစိတ်ရန် လျှောက်ထားခြင်း)(၃) ဂရန်သက်တမ်းတ...
စာချုပ်ရေးပုံရေးနည်း
စာချုပ်စာတမ်း ရေးသားတဲ့နေရာမှာ ရှင်းလင်းပြေပြစ်တဲ့စကားနဲ့ရေးသားဖို့လိုတယ်။ ချုပ်ဆိုသူတွေရဲ့ ကြံရွယ်ချက်သဘောထားကို ထင်ရှားသိသာစေအောင် ရေးသားရတယ်။ တရားဥပဒေပါ ခဲရာခဲဆစ်စကားလုံးတွေကို ထည့်ရေးဖို့ မလိုပါ။ လိုအပ်တဲ့အချက်တွေကို စေ့စုံကုံလုံအောင် ထည့်သွင်းရေ...
စာချုပ်ချုပ်မည်ဆိုလျှင် မှတ်ပုံတင်ကို မစိစစ်ခဲ့သည့် ကိစ္စ
စာချုပ်ချုပ်ရာတွင် လက်လွတ်စပယ် လုပ်ဆောင်နေကြသော လုပ် ဆောင်ချက်တစ်ခုမှာ စာချုပ်သူတို့၏ အမည် မှတ်ပုံတင်တို့ကို စာချုပ်ချုပ်သူများ ကိုယ်တိုင်က မစိစစ်ဘဲ ချုပ်ဆိုပေးလိုက်ကြသည့် ကိစ္စရပ်ပင် ဖြစ်သည်။စာချုပ်ချုပ်ပေးသူ၊ ရေးပေးသူများသည် စာချုပ်ချုပ်ဆိုသူများ၏...
www.yuzanarland.com ဟာ မိတ်ဆွေအတွက်ပါ။
