အသက်မပြည့်တဲ့မိန်းခလေးကိုခိုးမူအကြောင်းလေးသိချင်ပါတယ်။

13-Aug-21
အသက်မပြည့်တဲ့မိန်းခလေးကိုခိုးမူအကြောင်းလေးသိချင်ပါတယ်။
လူခိုးမှု
===========
ပုဒ်မ ၃၆၃ - မည်သူမဆို တစ်ဦးတစ်ယောက်သော သူအား ပြည်ထောင်စုသမ္မတ မြန်မာနိုင်ငံတော် မှ အပသို့ ဖြစ်စေ၊ ဥပဒေနှင့်အညီ အုပ်ထိန်းသူထံမှဖြစ်စေ ခိုးယူလျှင်ထိုသူကို ခုနှစ်နှစ်ထိ ထောင်ဒဏ် တစ်မျိုးမျိုး ချမှတ်ရမည့်ပြင် ငွေဒဏ်လည်း ချမှတ်နိုင်သည်။
မှတ်စု
====
ဤပုဒ်မမှာ ပုဒ်မ ၃၆၀ နှင့် ၃၆၁ တို့တွင် ပြဋ္ဌာန်းထားသည့် ပြစ်မှုများအတွက် ပြစ်ဒဏ်သတ်မှတ်ထားသော ပုဒ်မ ဖြစ်သည်။ 
ရာဇသတ်ကြီးဥပဒေပုဒ်မ ၃၆၃ အရ ပြစ်ဒဏ်ထိုက်သော လူခိုးမှုတွင် အုပ်ထိန်းသူထံမှ ခိုးယူသည့် မိန်းကလေး သည် အသက် ၁၆ နှစ်အောက် ဟုတ် မဟုတ်ဆိုသည့်အချက်မှာ အရေးကြီးသော အချက်ဖြစ်ပေသည်။ အသက် ၁၆ နှစ်အောက် မိန်ကလေးကို အဆိုပါ မိန်းကလေး၏ သဘောတူညီချက်ဖြင့် ခိုးယူခဲ့စေကာမှု အုပ် ထိန်းသူက သဘောမတူလျှင် ယင်းဥပဒေပုဒ်မ ၃၆၃ အရ အပြစ်ရှိသည်။ မိန်းကလေး၏ အသက် ၁၆ နှစ် ကျော်သည်ဟု သဘောရိုးဖြင့်ယုံကြည်ပြီးခိုးယူခဲ့စေကာမှု ထိုမိန်းကလေး၏ အသက်အမှန်မှာ ၁၆ နှစ်အောက် ဖြစ် ကြောင်း ပေါ်ပေါက်လျှင်လည်း တရားခံသည် ဖော်ပြပါ ယုံကြည်ချက်ကို အကာအကွယ်ယူနိုင်မည် မဟုတ်ပေ။ ထို့ကြောင့် မိန်းကလေး၏ အသက်သည် အချင်းဖြစ်ချိန်က ၁၆ နှစ်အောက်ဖြစ်ကြောင်း ထင် ရှား အောင် သက်သေပြ ရန်တာဝန်မှာ တရားလို၏ တာဝန်ဖြစ်သည်။ ( မောင်ခင်ဆက်နှင့် ပြည်ထောင်စု ၁၉၈၁ မ.တ.စ ၄)
အရွယ်မရောက်သေးသည့် မိန်းကလေးက တရားခံအိမ်သို့သွားရောက်ကာ ၎င်းအား ခေါ်သွားရန်ပြောသည်။ တရားခံက မခေါ်လျှင် မိန်းကလေးသည် အုပ်ထိန်းသူထံမှ အပြီးအပိုင်ထွက် သွားရန် ရည်ရွယ်ချက်မရှိ။ ထို အခြေ၌ မိန်းကလေးအားခေါ်သွားသည့်တရားခံသည် ထိုပြစ်မှုကို ကျူးလွန်ရာရောက်သည်။ ( အစိုးရနှင့် အက်စ်ဂါအလီ၊ အတွဲ-၁ ( ၁၉၀၇-၀၉) အထက်မြန်မာပြည်စီရင်ထုံး ၂၇ (ရာဇဝတ်ဆိုင်ရာ)။
အသက် ၁၃ နှစ်အရွယ် မရွှေလှိုင်က မိဘနှင့်အတူနေရာမှ တရားခံနှင့်ချစ်ကြိုက်ပြီးအိမ်မှအပြီးဆင်းကာ တရားခံနှင့်ချိန်း ပြီး ၎င်း၏ချစ်သူတရားခံနှင့် ခိုးရာလိုက်ပြေးမှုတွင် ၎င်း၏ဆန္ဒဖြင့် ခိုးရာလိုက်ပြေးခြင်းဖြစ်သော်လည်း မိဘအုပ် ထိုးသူက သဘောမတူလှင် ပုဒ်မ ၃၆၃ မြောက်သည်။ [ တေလှနှင့် အစိုးရ၊ အတွဲ-၁ ( ၁၉၀၇- ၀၉) အထက် မြန်မာပြည်စီရင်ထုံး ၁၁ ( ရာဇဝတ် ဆိုင်ရာ ) ]။
ရာဇသတ်ကြီး ဥပဒေပုဒ် ၃၆၃ နှင့်ပတ်သက်ပြီး မိန်းကလေးတစ်ဦးသည် အသက် ၁၆ နှစ် အပြည့်သေးပါဟူ သော သက်သေခံအထောက်အထားပြသရန် တာဝန်မှာ တရားလိုအပေါ်တွင် ရှိသည်။ အကယ်၍ မိန်းကလေး ၏အသက်သည် ၁၆ နှစ်ပြည့်ပြီးလည်းဖြစ်နိုင်သည်။ ၁၆ နှစ် မပြည့်သေးလည်းဖြစ်နိုင်သည်ဟု အမှုတွဲတွင် ပေါ် လွင်လျှင် အသက်နှင့် ပတ်သက်သော ဒွိဟသံသယအကျိုးခံစားခွင့်ကို တရားခံသာလျှင် ခံစားခွင့်ရှိသည်။ ( ပြည်ထောင်စုနှင့် မောင်တူး ၊ ၁၉၇၉၊ မ. တ. စ ၈၇) 
အိမ်ထောင်ရှိတရားခံက အုပ်ထိန်းသူရှိသည့် ၁၃ နှစ် ၄ လအရွယ် မိန်းကလေးနှင့်ချစ်ကြိုက်ပြီး ၂ ရက်မျှ ကာမ ဆက်ဆံနေသည်ကို ဖခင်က တွေ့ရှိ၍ ခိုးပြေးမှုတွင် မိန်းကလေး၏ လွတ်လပ်သည့် ဆန္ဒဖြင့်ခိုး ပြေးခြင်းဖြစ် သဖြင့် ၃၆၆ မမြောက်ဘဲ ပုဒ်မ ၃၆၃ သာလျှင်မြောက်သည်။ ( အစိုးရနှင့် မောင်ငယ် ၊ အတွဲ- ၁ ( ၁၉၀၄- ၁၉၀၆) အထက်မြန်မာပြည်စီရင်ထုံး ၁၇ ( ရာဇဝတ်ဆိုင်ရာ)။
ပညာသင်ကြားနေစဉ် အချိန်တွင် ငယ်ရွယ်သည့် ကျောင်းသူကျောင်းသားများသည် ဆရာမိဘတို့၏ နောက် ကွယ်တွင် သမီးရည်းစားထားခြင်း ချိန်းဆိုတွေ့ဆံခြင်း စသည့် အပြုအမှုများမှာ ၎င်းတို့၏ ပညာရေးကိုသာမက ကိုယ်ကျင့်တရားနှင့် ကျောင်းစည်းကမ်းများကိုပါ ထိခိုက်နိုင်သည့် ကိစ္စဖြစ်၍ ထိုကဲ့သို့ ပြုမှုသည့် ကျောင်းသား များအား အသိပညာပေးသည့်အနေဖြင့်၎င်း ၊ အခြားကျောင်းသူ ကျောင်းသားများ အဖို့စံနမှုနာဖြစ်စေရန် ရည် ရွယ်ချက်ဖြင့် ၎င်း၊ သင့်လျော်သည့် အပြစ်ဒဏ်များ ချမှတ်ပေးရန် တရားရုံးများ အနေဖြင့် တာဝန်ရှိပေသည်။ အယူခံတရားလိုတို့သည့် ငယ်ရွယ်သည့် ကျောင်းသားများဖြစ်ကြပြီး မိမိတို့ ကျုးလွန်ခဲ့သော ပြစ်မှုများအတွက် လေးလကျော်ကျော် အကျဉ်းခံရပြီးဖြစ်ရာ ၎င်းတို့အဖို့ လုံလောက်သော သင်္ခဏ်းစာရရှိပြီးဖြစ်သည်ဟု ယူဆ သည်။ [ မောင်ဟန်ညွှန်ပါ -၂ နှင့် ပြည်ထောင်စု ၊ ၁၉၆၆ မ.တ. စ(တရားရုံးချုပ်) ၁၅၀၂ ]
ပထမအကြိမ်ကျူးလွန်ခြင်း ရက်စက်ဟော့ရမ်း ကြမ်းတမ်းမှု မပါဝင်ခြင်း စသည့်အချက်များသည် ပြစ်မှုဆိုင်ရာ ကျင့်ထုံး ဥပဒေ ပုဒ်မ ၅၆၂(၁) အရ ခံဝန်ချုပ်ဖြင့် အစမ်းပြုလုပ်လွှတ်ထားရန် သင့် မသင့် စဉ်းစားရာတွင် ထည့် သွင်း စဉ်းစားထိုက်သော အချက်များဖြစ်သည် မှန်၏။ သို့ရာတွင် ယခုအမှုတွင် အလေးအနက်ထား၍ စဉ်စား သင့် သောအခြားအချက်များလည်းရှိနေပေသည်။ ဆင်ခြင်တုံတရားမရှိသေးသည့် ငယ်ရွယ်သူ မိန်းကလေး တစ်ဦး၏ ဘဝလုံခြုံမှု ထိခိုက်ပျက်ပြားစေခြင်းသည် လူမှုရေးအရ မလိုအလားအပ်သည့် အကြောင်းတရပ်ဖြစ် ပေသည်။ ထိုကဲ့သို့သော ပြစ်မှုမျိုးကို နောက်ထပ်၍ လက်ရဲဇက်ရဲ မကျူးလွန်စေရန် ဥပဒေနှင့်အညီ နမှုနာပြ ပြစ်ဒဏ်စီရင်ထိုက်သည်။ ရာဇဝတ်ကျင့်ထုံးဥပဒေပုဒ်မ ၅၆၂(၁) အရ ခံဝန်ချုပ်ဖြင့် အစမ်း ပြုလုပ်လွှတ်ထားရန် ထားခြင်းမှာ သက်ညှာလွန်းရာရောက်သည်။ သို့ဖြစ်၍ တရားခံအားပြစ်မှုဆိုင်ရာ ဥပဒေပုဒ်မ ၂၆၂ အရ ထောင်ဒဏ် ၁ နှစ်နှင့် ၆ လ ကျခံစေရန် ပြစ်ဒဏ်ပြင်ဆင်ချမှတ်သည်။ [ ဒေါ်ခင်ညွန်နှင့် ပြည်ထောင်စု ( ဦးသောင်းရှိန်) ၊ ၁၉၇၅ မ. တ. စ ၉ ]
အသက် ၁၅ နှစ် ၃ လသာရှိသာ မြန်မာဗုဒ္ဓဘာသာဝန်မိန်းကလေး ၎င်း၏ ဆန္ဒဖြင့် တရားခံနှင့် ခိုးရာလိုက်ပြေး ပြီး ဇနီးအဖြစ် ပေါင်းသင်းဖြစ်ပါသည်ဟု ထွက်ဆိုသော်လည်း မြန်မာဗုဒ္ဓဘာသာ ဓလေ့ထုံးတမ်းဥပဒေအရ အရွယ်မရောက်သေးသူသည် မိဘ၏ သဘောတူညီချက်မရှိ ထိမ်းမြားလက်ထပ်ခြင်း မပြုနိုင်သဖြင့် ထိုသို့ လင် မယားအဖြစ်ပေါင်းသင်းခြင်းမှာ မတရားကာမစပ်ယှက်ရန် အကြံဖြင့်သွေးဆောင်ပေါင်းသင်းရာ ရောက်သဖြင့် ပုဒ်မ ၃၆၃ ဖြင့် ပထမတန်းအာဏာရ တရားသူကြီးက စစ်ဆေးမည့်အစား စက်ရှင်တရားရုံးသို့မဟုတ် ခရိုင် တရားရုံးက စစ်ဆေးစီရင်သင့်သည်။ ( အစိုးရနှင့် မောင်ဖိုးစော၊ အတွဲ-၁ ၁၈၉၇- ၁၉၀၁ အထက်မြန်မာပြည် စီရင်ထုံး ၃၂၈) 
တရားစွဲဆိုရန် နေရာ။ လူခိုးမှုကို ခိုးယူခြင်းခံရသည့် နယ်မြေ၊ ခိုးယူသွားသည့် နယ်မြေ၊ ဝှက်သိမ်း ရာနယ်မြေရှိစီရင်ပိုင်ခွင့်ရှိသည့် တရားရုံးတွင် တရားစွဲဆိုနိုင်သည်။ ( ရာဇဝတ်ကျင့်ထုံး ဥပဒေ ပုဒ်မ ၁၈၁(၄) )
ရာဇဝတ်ကျင့်ထုံးဇယား ၂။ ရဲအရေးပိုင်သည့် ပထမဦးစွာ ဝရမ်းထုတ်ရမည်။ အာမခံပေးရမည်။ ကျေ အေးခွင့်မရှိ။ ခရိုင်တရားရုံးကဖြစ်စေ၊ ပထမတန်းအာဏာရ တရားသူကြီး သို့မဟုတ် ဒုတိယတန်းအာဏာရ တရား သူကြီးကဖြစ်စေ စစ်ဆေးစီရင်နိုင်သည်။ 
[ စာညွှန်း- ဦးတင်ဝင်းအောင်(LL.B, D.S.W, D.B.L) တရားလွှတ်တော်ရှေ့နေ၊ မြန်မာအမျိုးသမီးများနှင့် သက်ဆိုင်သည့်ဥပဒေ ကောက်နုတ်ချက်များ၊ ပထမအကြိမ်( ၂၀၁၉)၊ စာ ၃၅၊ ၃၆၊ ၃၇ ]။ #DVBlawlab #DVBtvnews

Related Posts

Download Yuzanar Land's Mobile Apps

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Get latest properties in email!

Copyright © 2020 | All rights reserved by Yuzanar Land Real Estate