ဆရာကြီး ဦး မြစိန် ရေးသား သည့် မြန်မာ ဓလေ့ ထုံးတမ်း ဥပဒေ ( ၁၃ ) ကြိမ် မြောက် ပြင်ဆင် ဖြည့်စွက် ထုတ်ဝေခြင်း ) မှ မှီငြမ်း၍ ဖော်ပြ လိုက်ပါ သည်။

မြန်မာ ဗုဒ္ဓ ဘာသာဝင် လင်မယား များ ကွာရှင်းခြင်း အကြောင်း သိကောင်းစရာ

          ဆရာကြီး ဦးမြစိန် ရေးသား သည့် မြန်မာ ဓလေ့ ထုံးတမ်း ဥပဒေ ( ၁၃ ) ကြိမ် မြောက် ပြင်ဆင် ဖြည့်စွက် ထုတ်ဝေခြင်း )  မှ မှီငြမ်း၍ ဖော်ပြ လိုက်ပါသည် ။
မြန်မာ့ ဓလေ့ ထုံးတမ်း ဥပဒေအရ လင်ခန်း မယားခန်း ပြတ်စဲ ရန် အဓိက အကြောင်း ၃ မျိုးရှိ ပေသည် ။ 

၄င်း တို့မှာ -

     ၁။      နှစ်ဦး သဘောတူ ကွာရှင်းခြင်း
     ၂။      လင် ဖြစ်သူ ရဟန်း ပြုခြင်း
     ၃။      အိမ်ထောင်ရေး ပြစ်မှု့ ကြောင့် ကွာရှင်းခြင်း တို့ဖြစ် ပေသည်။ 
       အထက်ပါ အချက် များမှ အမှတ်စဉ် ၁ ။  နှစ်ဦး သဘောတူ ကွာရှင်းခြင်း အကြောင်းကို အောက်ပါ အတိုင်း ပြဌာန်း 
ဖွင့်ဆို ထားပါသည်။

      " မြန်မာ ဗုဒ္ဓ ဘာသာများ အဖို့ အကြင် လင်မယား အဖြစ် အိမ်ထောင်ပြု ခြင်းမှာ လောကီ လူမှု့ရေး ကိစ္စ သက်သက်မျှ 
ဖြစ်ပြီး မြန်မာ့ ရိုးရာ ယဉ်ကျေးမှု့ ဓလေ့ ထုံးတမ်းအရ တစ်ဦး နှင့် တစ်ဦး ပဋိညာဉ် ပြုလုပ် ထားသည့် ကိစ္စမျှ ဖြစ်ပေသည် ။ ထို့ကြောင့် လင်မယား နှစ်ဦး သဘော တူလျှင် ကွာရှင်းရန် အလွန်လွယ် ကူသည့် ကိစ္စဖြစ် ပေသည်။ 

     လင်မယား နှစ်ဦး သဘော တူညီလျှင် အချိန်မရွှေး ကွာရှင်း နိုင်သည် ။ နှစ်ဦး သဘောတူ ကွာရှင်း လျင် လင်မယားကွာ ရှင်းသည့် စာချုပ်ကို ရေးရမည် ဟူ၍ ဓလေ့ ထုံးတမ်း ဥပဒေတွင် သော်လည်းကောင်း ယခုခေတ် ဥပဒေများ တွင်သော် လည်းကောင်း ပြဌာန်းခြင်းမရှိပေ ။ လင်မယား နှစ်ဦး သဘော တူညီချက်အရ ကွာရှင်းလျှင် လင်ခန်း မယားခန်း လုံးဝ
ပြတ်စဲ သည် ။ " 

       ဟု  ဖွင့်ဆို ထားချက်အရ မြန်မာ ဗုဒ္ဓ ဘာသာဝင် အချင်းချင်း ကွာရှင်းရာတွင်  နှစ်ဦး သဘောတူလျင် အချိန်မရွှေး ကွာရှင်းနိုင်ပြီး  ထိုသို့ ကွာရှင်းမှု့သည် ဥပဒေအရ တည်မြဲ ခိုင်မာမှု့ ရှိသည့် အပြင် ကွာရှင်းသည့် ကိစ္စကို စာချုပ် ပင် ရေးစရာ မလိုသည်ကို တွေ့ရပါသည်။

    ထို့ပြင် အဆိုပါ ဥပဒေ စာမျက်နှာ ၁၃၈ တွင်  " နှစ်ဦး သဘောတူ ကွာရှင်း လျင် တရားရုံး၏ အမိန့် ဒီကရီ မပါဘဲ လင်ခန်း မယားခန်း လုံးဝ ပြတ်စဲသည် ဆိုသည့် အချက် ကိုလည်း စီရင် ထုံးများတွင် တညီတညွတ် တည်းတွေ့  ရသည် " ဟု ပြဌာန်း ဖွင့်ဆို ချက်အရ ကွာရှင်း ရာတွင် တရားရုံးတွင်  ပြုလုပ်သည့် ကွာရှင်း စာချုပ် သော်လည်းကောင်း တရားရုံးတွင် တရားစွဲ ဆိုပြီး တရားရုံးက ချမှတ်သည့် ကွာလိုမှု့ အမိန့် ဒီကရီ သော်လည်းကောင်း မလိုအပ်သည် ကို တွေ့ရပါ သည် ။ 

     ကွာရှင်း ကြရာတွင် စာချုပ် ပြုလုပ် နေကြခြင်း နှင့် ပတ်သက်၍ စာမျက်နှာ ၁၃၉ တွင် 
" အမှန်စင်စစ် မှာ နှစ်ဦး သဘောတူ ကျေကျေနပ်နပ် ကွာရှင်းလိုလျင် စာချုပ်စာတမ်း ပြုလုပ် ရန်လည်း မလို ။ ရပ်ရွှာ လူကြီးများကိုအသိ သက်သေ ပြုရန် မလိုအပ် ဟုလည်းကောင်း

     လင်မယား  ကွာရှင်းရာတွင် စာချုပ်စာတမ်း မပြုလုပ် လျှင် ဖြစ်သော်လည်း စာချုပ် ပြုလုပ် ထားပါက နောင် အရှုပ်အထွေး ပေါ်ပေါက် ပါလျှင် အခိုင်လုံ ဆုံးသော သက်သေခံ အထောက်အထားဖြစ်နိုင်ပေသည် ဟုလည်းကောင်း ဖွင့်ဆိုချက်အရ လင်မယား ကွာရှင်းရာတွင် စာချုပ်ပြုလုပ် ရန်မလိုသည်ကို တွေ့မြင်ရပြီး စာချုပ် ပြုလုပ် ရခြင်းမှာလည်း ဥပဒေအရ မဖြစ် မနေပြုလုပ် ရမည် ဖြစ်သောကြောင့် ပြုလုပ် ခြင်းမဟုတ်ဘဲ နောင် အရှုပ်အထွေး ပေါ်ပေါက် လာလျှင် အထောက် အထားအနေဖြင့် အသုံး ပြုရန် အတွက် ပြုလုပ်နေကြ  ခြင်းသာ ဖြစ်သည်ကို တွေ့ရပါသည် ။

     ထို့ကြောင့် နိဂုံး ချုပ်အနေနဲ့ ဆိုရလျင် လင်မယား ကွာရှင်း ရာတွင် နှစ်ဦး သဘောတူလျင် မည်သည့် စာချုပ် စာတမ်း ( တရားရုံး တွင် ချုပ်ဆိုသည့် ကွာရှင်း စာချုပ်  ။ တရားရုံး မဟုတ်သည့် ပြင်ပတွင် ချုပ်ဆိုသော စာချုပ် ) မျှ မလိုသကဲ့သို့   တရားရုံးတွင် တရားစွဲ ဆိုပြီး အမိန့် ဒီကရီရမှ ကွာရှင်းမှု့  ဥပဒေအရ တရားဝင် မည် မဟုတ်ကြောင်း ကို တင်ပြလို ပါသည် ။ 

       သို့ဖြစ် ၍ ပြင်ပတွင် နှစ်ဦး သဘောတူ  ကွာရှင်း စာချုပ်၌  လက်မှတ်ရေး ထိုးကွာရှင်း ထားပြီး ဖြစ်ပါက အဆိုပါ စာချုပ်မှာ  တရားရုံးတွင် ကွာရှင်းသည့် စာချုပ် မဟုတ်၍  တရားမဝင်ဟု ဆိုကာ ကွာရှင်း ထားသူ အား ဂုဏ်သိက္ခာ ကျအောင်  ပြုမှုဆောင် ရွက်ပါက တည်ဆဲ ဥပဒေများအရ အရေးယူ ခံရနိုင် သည်ကို အများသူငှာ သတိပြုနိုင် စေရန်အတွက် တင်ပြလိုက် ပါသည် ။ကွာရှင်းစာချုပ်မှာကွာလိုသူ လင်မယား မျက်နှာ ချင်းဆိုင် လက်မှတ် ထိုးဖို့..မလိုပါဘူး ။ ပဋိညာဥ် ပုဒ်မ ၁၄ လွတ်လပ် သဘော တူညီချက် ဆိုရာမှာမျက်နှာ ချင်းဆိုင် လက်မှတ် ထိုးရမယ် လို့မပါကြောင်း ဖော်ပြ ပေးလိုက် ပါတယ်။ 

ကူးယူ ဖော်ပြ ပါသည်။