*** ဘဏ်ချေး ငွေ လျှောက်ထား ဖို့ ဘာတွေ ပြင်ဆင် ထားရမလဲ ***

*** ဘဏ် ချေးငွေ လျှောက်ထား ဖို့ ဘာတွေ ပြင်ဆင် ထားရမလဲ ***
        •  ဘဏ် ချေးငွေ လျှောက်ထား မယ်ဆိုရင် ယေဘုယျ အားဖြင့် အပေါင် ပစ္စည်း  ( ဝါ )  အာမခံ ပစ္စည်း တင်ပြ ရပါမယ် ။ တနည်းအားဖြင့် မရွှေ့ မပြောင်း နိုင်သော အာမခံ ပစ္စည်း ပိုင်ဆိုင်မှု စာချုပ်များ ၊ အထောက်အထား  များကို တင်ပြရ ပြီး ငွေချေး ယူမည့် သူ၏ အမည်ပေါက် မြေ နှင့် အဆောက်အအုံများ ဖြစ်ရ ပါမယ် ။

       • မြေ ပိုင်ဆိုင်မှု အတွက် အောက်ပါ စာချုပ် နှင့် အထောက်အထား ( မူရင်း ) များ လက်၀ယ် ရှိရန် လိုအပ် ပါတယ် -
( က ) မြေငှား ဂရန်စာချုပ်
( ခ ) မှတ်ပုံတင်ပြီး မြေ နှင့် အဆောက်အအုံ အရောင်း အ၀ယ် စာချုပ်
( သို့ ) မှတ်ပုံတင်ပြီး အမွေ ဆက်ခံ ပိုင်ဆိုင်ကြောင်း ကြေညာလွှာ
( သို့ ) မှတ်ပုံတင်ပြီး မေတ္တာဖြင့် အပိုင် ပေးကမ်းခြင်း စာချုပ်
( သို့ ) မှတ်ပုံတင်ပြီး ပိုင်ဆိုင်မှုကို စွန့်လွှတ် / လက်ခံခြင်း စာချုပ် စသည် ----

       • " ဘဏ်မှ ငွေချေးရန် " အကြောင်း ပြချက်ဖြင့် လက်ရှိ ကာလ အတွက် သက်ဆိုင်ရာ မြေယာဌာန ( သို့မဟုတ် )  မြေစာရင်း ရုံးမှထုတ်ပေးသည့် မြေပုံ မြေရာဇ၀င် မှတ်တမ်းကို တင်ပြ ရမည် ဖြစ်ပြီး ပိုင်ဆိုင်မှု လက်၀ယ် ရှိကြောင်း နှင့် အရှုပ်အရှင်း ကင်းရှင်းကြောင်း ဘဏ်ဥပဒေ အကျိုးဆောင် ၏ စိစစ် တင်ပြချက် လို အပ်ပါမယ် ။***

အိမ်ခြံ မြေ နှင့် အခြားအရေးကြီး စာချုပ်များ
        • အကယ်၍ သက်ရှိ ထင်ရှား မိဘများ အမည်ပေါက် ပိုင်ဆိုင်သည့် မြေ နှင့် အဆောက်အအုံများ ဖြစ်ပါက ငွေချေး ယူမည့် သား ၊ သမီးအား မှတ်ပုံတင် ကိုယ်စားလှယ် လွှဲစာ နှင့် အတူ ငွေချေး ယူမည့် သူ၏ ကျမ်းကျိန်လွှာ တို့ကို ဘဏ်သို့ တင်ပြ ရပါမည် ။ ထို့အပြင် အဆိုပါ မိဘများ၏ အမွေ ဆက်ခံခွင့် အကျုံး၀င်သော ကျန်သားသမီးများ ( ရှိပါက ) ၏ သဘောတူညီကြောင်း ကတိပြု လွှာများ တင်ပြရပါမယ်။

         • ငွေချေး ယူမည့် သူ၏ ကိုယ်ရေး အချက်အလက်များ ဖြစ်သော နိုင်ငံသား စိ စစ်ရေးကတ်ပြား နှင့် အိမ်ထောင်စုစာရင်း တို့ကိုလည်း တင်ပြရ ပါမယ် ။ ရပ် ကွက် / ကျေးရွာတွင် အမှန်တကယ် နေထိုင်သူ ဖြစ်ကြောင်း ရပ်ကွက် /  ကျေးရွာ အုပ်စု အုပ်ချုပ်ရေးမှူး၏ ထောက်ခံချက် ကိုလည်း ဖြည့်စွက် တင်ပြရပါမယ် ။

        • ဘဏ်ချေး ငွေရယူပီး ပါကလဲ   ပြန်လည် ပေးဆက် နိုင်မည့် အလားအလာ  ရှိ  / မရှိ ကိုလဲ ငွေချေး ယူမည့် သူ၏ စီးပွားရေး         လုပ်ငန်းဆိုင်ရာ အထောက် အထားများ ၊ ငွေကြေး စာရင်းအင်း နဲ့ လုပ်ငန်း ဆောင်ရွက်မှု မှတ်တမ်း တင်ပြရပါမယ် ။ ကုမ္ပဏီ လုပ်ငန်းဖြစ်ပါက ကုမ္ပဏီ မှတ်ပုံတင်  Form-E , Form-6 , Form-26 တို့ကို တင်ပြ ရပါမယ် ။ သက်တမ်းရှိ လုပ်ငန်း လိုင်စင် နဲ့အတူ အခွန်ထမ်ဆောင် ပြီးသည့် ပြေစာ မှတ်တမ်း ( ၃ )လစာ ဘဏ္ဍရေးစာရင်း စာရွက် စာတမ်း များကိုလည်း တင်ပြ ရပါမယ် ။

      • အာမခံ ပစ္စည်းများ ၏ ဓါတ်ပုံများ နှင့် စီးပွားရေး လုပ်ငန်း၏ ဓါတ်ပုံများ ပူးတွဲ တင်ပြ ရပါမည် ဖြစ်ကြောင်း ကြိုတင် စီစဉ်ထားနိုင်ပါရန် တိုက်တွန်း အပ်ပါတယ်

#Crd to owner