အရွယ်မရောက်သေးသော ကျား/မိန်းကလေး နှင့်စိတ်ပေါ့သွပ်သူများကို အုပ်ထိန်းသူမသိအောင် ခိုးယူလျှင် ပြစ်ဒဏ် ခိုးယူလာ၍ အိမ်ရှင်မှလက်ခံလျှင်လည်း ပြစ်ဒဏ်ခံရပါမယ်။

         အရွယ်မရောက်သေးသော ကျား / မိန်းကလေး နှင့် စိတ်ပေါ့သွပ်သူများကို အုပ်ထိန်းသူ မသိအောင် ခိုးယူလျှင် ပြစ်ဒဏ်

 ခိုးယူလာ၍ အိမ်ရှင်မှ လက်ခံလျှင်လည်း ပြစ်ဒဏ် ခံရပါမယ်။  အာမခံ မရပါ ။
  ယောင်္ကျားလေးများ နှင့် မိဘများ သိထားသင့်သော ရာဇသတ်ကြီးပုဒ်မ - ၃၆၃ လူခိုးမှု အကြောင်း

ပုဒ်မ - ၃၅၉ ။       ။ လူခိုးမှု ဆိုသည်မှာ ပြည်ထောင်စု သမ္မတမြန်မာနိုင်ငံတော်မှ အပသို့ လူကို ခိုးယူမှု နှင့် အုပ်ထိန်းသူထံမှ လူကို 

                             ခိုးယူမှု ဟူ၍ နှစ်မျိုး ရှိသည်။
ပုဒ်မ - ၃၆၁ ။       ။ မည်သူမဆို ဥပဒေနှင့် အညီ အုပ်ထိန်းသူ၏ ထိန်းသိမ်းခြင်းမှ အသက် ( ၁၄ ) နှစ် အောက် ယောင်္ကျားလေးကို ဖြစ်                               စေ ၊ အသက် ( ၁၈ ) နှစ်အောက် မိန်းကလေးကို ဖြစ်စေ ၊ စိတ်ပေါ့သွပ်သူကို ဖြစ်စေ ထိုအုပ်ထိန်းသူက
                            သဘောမတူဘဲ ဆောင်ယူလျှင် ၊ သို့တည်းမဟုတ် ဖြားယောင်းခြင်းအားဖြင့် ထွက်သွားစေလျှင် ထိုအရွယ်မရောက်                             သေးသူကို သို့တည်းမဟုတ် ထိုစိတ်ပေါ့သွပ်သူကို ဥပဒေနှင့်အညီ အုပ်ထိန်းသူထံမှ ခိုးသည် မည်၏ ။
ပုဒ်မ - ၃၆၃ ။      ။  မည်သူမဆို တစ်ဦးတစ်ယောက်သော သူအား ပြည်ထောင်စုသမ္မတ မြန်မာနိုင်ငံတော် ဥပဒေနှင့်အညီ အုပ်ထိန်းသူ                               ထံမှ ဖြစ်စေ ခိုးယူလျှင် ထိုသူကို ၇နှစ်ထိ ထောင်ဒဏ် တစ်မျိုးမျိုးဖြစ်စေ ချမှတ် ရမည့်အပြင် ငွေဒဏ်လည်း ချမှတ်                             နိုင်သည်။

             ယခင်က ခိုးယူခံရသူ မိန်းကလေး၏ အသက်မှာ ( ၁၆ )နှစ် ပြဌာန်း ထားခဲ့သော်လည်း ( ၇ - ၁ - ၂၀၁၆ )တွင် ပြဌာန်းလိုက်သည့်ရာဇသတ်ကြီးကို ပြင်ဆင်သည့် ဥပဒေ ( အမှတ် ၆ / ၂၀၁၆ ) အရ ခိုးယူခံရသူ မိန်းကလေးမှာ အသက်( ၁၈ ) နှစ် သို့ ပြောင်းလဲသွားပါသည်။
              လူခိုးမှုတွင် တရားရုံးက စဉ်းစားရသည့် အချက်မှာ-

၁ ။  ခိုး‌ပြေးခံ မိန်းကလေး၏ အသက်မှာ ၁၈နှစ် ပြည့် / မပြည့် ။  
၂ ။ ခိုး‌ပြေးစဉ်က အုပ်ထိန်းသူ သဘောတူညီခဲ့ခြင်း ရှိ / မရှိ တို့ ဖြစ်ပါသည်

      မိန်းမ ခိုးပြေးခဲ့ရင်လည်း လူခိုးမှု မြောက်နိုင်ပါသည်
( က ) မိန်းကလေးက ခိုးပြေး ခိုင်း၍ ခိုးပြေးကြောင်း
( ခ ) ခိုးပြေးဖို့ မိန်းကလေးက သဘောတူညီခဲ့ကြောင်း
( ဂ ) မိန်းကလေးက ၎င်းအသက် ၁၈နှစ် ပြည့် ပြီးပါပြီဟု လိမ်လည်ပြောဆို၍ အသက်ပြည့်ပြီဟု ယူဆသောကြောင့် ခိုးပြေးကြောင်း
( ဃ ) မိန်းကလေးမှာ အသက်၁၈နှစ် ပြည့်ပြီဟု ယုံကြည်ခဲ့ကြောင်း
                 ဒါကြောင့် သမီးရည်းစား ချိန်းတွေ့ရင်း အိမ်မပြန်ရဲလို့ ၊ အိမ်က ရည်းစားထားတာကို သိသွားလို့ ၊ အိမ်က ရည်းစားထားတာကို ရိုက်လို့ ၊ အိမ်က သဘောမတူလို့ ခိုးပြေးပါဟု မိန်းခလေးကပြောလို့ ခိုးပါသည်လို့ ထုချေ မရနိုင်ပါ

   မုဒိမ်းမှုပါ တွဲလာနိုင်သည့် အကြောင်း

           ၂၀၁၆မှာ ပြင်လိုက်တဲ့ ရာဇသတ်ကြီးကို ပြင်ဆင်သည့် ဥပဒေအရ ပုဒ်မ ၃၇၅ ၏ ပဉ္စမပိုဒ်အရ အသက် ( ၁၆ ) နှစ် အောက်မိန်းကလေးက သဘောတူ၍ လင်မယားကဲ့သို့ အတူတူ နေမိခဲ့စေကာမူ မုဒိမ်းမှု မြောက်ပါတယ် ။ ဒါကြောင့် အသက် ၁၆နှစ်အောက် မိန်းကလေးကို ခိုးပြေးမိလို့ လင်မယားလို အတူနေမိရင် လူခိုးမှု - ၃၆၃ အပြင် မုဒိမ်းမှု - ၃၇၆ ပါ ပူးတွဲ တရားအစွဲခံရမှာပါ
၃၆၃ နဲ့ အစွဲခံရရင် အာမခံ ရပါတယ် ။ ကျေအေးခွင့် မရတဲ့ပုဒ်မမို့ တစ်ဖက်မိဘက အမှုဖွင့်ပီးမှ ပြန်ပိတ်မယ် လို့လည်း မရတော့ပါဘူး။ ရုံးတော်က ရုတ်သိမ်းခွင့် ကျလာဖို့လည်း မလွယ်ပါ ။
          ခိုးပြေးလာတာကို ကူညီပြီး လက်ခံ ထိန်းသိမ်းထားတဲ့ သူများလည်း သတိထားကြပါ ။ ပုဒ်မ ၃၆၈ အရ ပြစ်မှု မြောက်ပါတယ်။အာမခံ မရပါ ။

         မိန်းခလေး အသက် အထောက်အထား ခိုင်လုံအောင် မတင်ပြနိုင် အသက်ပြည့် မပြည့် မထင်ရှားလို့  သံသယအကျိုးကို အစွပ်စွဲခံရသူ ခံစားခဲ့ရတဲ့ စီရင်ထုံးများမှာ-

- ပြည်ထောင်စု နှင့် မောင်မိုး ( ခ ) မောင်သိန်း ၊ ၁၉၆၆ ၊ မတစ ၊ စာ - ၁၂၁၄
- မောင်ကျော်ဆွေ နှင့် ပြည်ထောင်စု ၊ ၁၉၆၆ ၊ မတစ ၊ စာ - ၄၀၈
- ပြည်ထောင်စု နှင့် မောင်တူး ၊ ၁၉၇၉ ၊ မတစ ၊ စာ - ၈၇
- မောင်ခင်ဆက် နှင့် ပြည်ထောင်စု ၊ ၁၉၈၁ ၊ မစတ ၊ စာ - ၄
- ပြည်ထောင်စု နှင့် မောင်ခင်ဇော်ဝင်း ၊ ၁၉၉၆ ၊ မတစ ၊ စာ - ၁၀၁
     ပုဒ်မ ၃၆၃ နှင့် စပ်ဆိုင်သော စီရင်ထုံးများမှာ -
- မောင်ဟန်ညွန့် ပါ -၂ နှင့် ပြည်ထောင်စု ၊ ၁၉၆၆ ၊ စတစ ၊ စာ - ၁၅၀၂
- ဒေါ်ခင်ညွန့်  နှင့် ပြည်ထောင်စု ၊ ၁၉၇၅ ၊ မတစ ၊ စာ - ၉
- ပြည်ထောင်စု နှင့် မောင်အေးကို ၊ ၁၉၈၂ ၊ မတစ ၊ စာ - ၅၁
- ပြည်ထောင်စု နှင့် တန်ဘီ ( ခ ) ဝင်းနိုင် ၊ ၁၉၉၆ ၊ မတစ ၊ စာ - ၁၁၉

Credit....ရှာဖွေပြုစုသူ ဆရာအား ဂုဏ်ပြုရင်း သူ့ရည်ရွယ်ချက်အတိုင်း ဥပဒေ ပညာဖြန့်ဝေပါသည်။