ရေနစ်လို့ အားကိုးတစ်ကြီး လှမ်းဆွဲမိတဲ့ ကောက်ရိုးမျှင်လေးဟာ တကယ်တော့ မြွေဖြစ်နေတယ်”

ရေနစ်လို့ အားကိုးတစ်ကြီး လှမ်းဆွဲမိတဲ့ ကောက်ရိုးမျှင်လေးဟာ တကယ်တော့ မြွေဖြစ်နေတယ်”
အမှုသည်တွေ လာလာတိုင်ပင်ကြရင်း သူတို့ ချေးငွေလျှောက်မိထားကြောင်း မဆပ်နိုင်လို့ ခဏတောင်းပန်တာကို မရကြောင်း ဆဲဆိုခံရကြောင်း
စကားဆက်မိလို့ အတိုး မေးကြည့်မိတာ ။ ၁၅%တိုးတဲ့…..

အော် တစ်နှစ်ကိုလား တန်တာပေါ့ ပြောမိတာ မဟုတ်ဖူး ၁ လထဲ ပေးတာ ၁၅ ရာခိုင်နှုန်းတိုးတဲ့ ၁၅ ကျပ်တိုးပေါ့ ၁ လကို
ကြားကြားမိချင်း ခင်ဗျား ငွေချေးလုပ်ငန်းအတုနဲ့ တိုးပြီဆိုပြီး ပြောလိုက်တာ. မဟုတ်ဖူး အစိုးရလိုင်စင်ရ တကယ့်အစစ်တဲ့ ။  မယုံလို့ လုပ်ငန်းနာမည် မေးပြီး မြန်မာနိုင်ငံတော် ဗဟိုဘဏ် website ကနေ စစ်ကြည့်တာ တကယ့်အစစ်ကြီး ။ ဟာ အဲ့လိုဆို မဖြစ်ဖူး ကိုယ်တိုင် အခုပဲလျှောက်ကြည့်မယ် ဆိုပြီး စမ်းလုပ်ကြည့်မိတာ ဒီအဆင့်တွေ ဖြတ်ရတယ်။

          ကိုယ့်ဖုန်းနဲ့ သူတို့ application ကို download ဆွဲ ရတယ် ။ ကိုယ်ပိုင် အကောင့်တစ်ခု ဖွင့်ရတယ် ။ ကိုယ့်ဖုန်းကို code ပို့ပေးတယ် ။ ကိုယ့်ဖေ့ဘုတ် အကောင့်နဲ့ ချိတ်ဆက်ရတယ် ။ ကိုယ်ရေးအချက်အလက် ပြည့်စုံစွာ ရေးရတယ် ။ ရပ်ကွက် နေထိုင်ကြောင်း ထောက်ခံစာနဲ့ နောက်ဆုံး အိမ်ကဆောင်ခဲ့တဲ့ မီတာစာရွက် မူရင်းတွေ ဓာတ်ပုံရိုက် ပို့ရတယ် ။ ကိုယ့်ကို အာမခံပေးမယ့် သူ ၂ ဦးရဲ့ ကိုယ်ရေး အချက်အလက် ပို့ပေးရတယ် ။ နောက်ဆုံး “အဆင့်တိုးချေးငွေ” လျှောက်ထားနိုင်ကြောင်း application က ပြတယ် ။ 

ငွေကျပ် ၁ သိန်းကို အတိုး ၁၅ ရာခိုင်နှုန်းနဲ့ ၁ လတိတိ ချေးယူနိုင်ကြောင်း ပြတယ်။

         ချေးမယ်လုပ်တော့ ကျွန်တော် ဘယ်သူသည် ဘယ်လိပ်စာမှာ နေထိုင်ပြီး ယခုချေးငွေကို သေချာ ပြန်ဆပ်ပါမယ်ဆိုတဲ့ video ရိုက်ပို့ ပေးရတယ် ။ နောက်အောက်က စာချုပ်ကျလာတယ် ။ ဖုန်းကနေပဲ ထိုးမြဲလက်မှတ်နဲ့ အနီးစပ်ဆုံးတူအောင် ထိုးပေးရတယ် ။ ငွေလွှဲပေးရင် ဘယ်ဘဏ်အကောင့်ကို လွှဲရမလဲ ဖြည့်ခိုင်းတယ် လုပ်ငန်းစဉ် အောင်မြင်ကြောင်းနဲ့ ကိုယ့်ကို အာမခံပေးမယ့် သူ၂ ဦးရဲ့  ဖုန်းကို link တစ်ခု massage ပို့ပေးပြီး အဲ့ link ထဲကစာ ဖြည့်စွက်ပေးပြီးတာနဲ့ အတည်ပြုချက် စောင့်နိုင်ကြောင်း ပြတယ်။

      အချက်အလက် အကုန် အမှန်ဖြည့်တာ
ဒါလဲ အတိုးကို ၁၅% နှုန်းပဲ ။ ပေးချေးတာလဲ ၁ လပဲ ။ ဘာမှ တိုးလို့ မရဘူး။ 
သူတို့ သတ်မှတ် ပေးထားပြီးသား ။ တကယ်ပါ…..တော်တော် စိတ်မကောင်းဘူး ။  ပိုက်ဆံ ၁ သိန်းဆိုတာ တကယ် အခက်အခဲဖြစ်တဲ့ အခြေခံပြည်သူတွေသာ ချေးယူမှာပါ ။ အဲ့လိုပြည်သူတွေဆီက အဲ့လောက် ရာခိုင်နှုန်းအတိုးကို နိုင်ငံတော်အစိုးရရဲ့ တရားဝင်လိုင်စင်ရ ငွေချေးလုပ်ငန်းက ရယူနေတယ် ဆိုတော့ တကယ် ကြောက်လန့်မိခဲ့ ရတယ် ။

          သူတို့ ချေးပေးတာ လူ ၂ သိန်းကျော်ပြီလို့ သူတို့ ပေ့မှာ ရေးထားတယ် ။ အားပါးပါး လပိုင်းလေးနဲ့ အတိုးနဲ့တင် မနည်းပါလား ။ စီးပွားရေးလုပ်ငန်း လုပ်နေတာ အမြတ်မယူလို့ ဘာယူရမလဲတော့ မပြောပါနဲ့ အသေးစား ငွေရေးကြေးရေးလုပ်ငန်းတွေကို နိုင်ငံတော်က တရားဝင်လိုင်စင်နဲ့ လုပ်ကိုင်ခွင့်ပေးခဲ့တာက ပြည်သူလူထုရဲ့  လူမှု့စီးပွားဘဝတွေ ဖွံ့ဖြိုးတိုးတက်ဖို့ တစ်ဖက်တစ်လမ်းက အထောက်အကူ ပြုနိုင်အောင် အတိုးနှုန်း သက်သက်သာသာနဲ့ ကာလရှည်လေး အဆင်ပြေကြရအောင်ပါ ။

         ရပ်ကွက်ထဲ နေ့ပြန်တိုးတွေ ၊ ၁၀တိုး ၂၀တိုးတွေ ယူပြီး အဆင်မပြေတဲ့ လူတွေဆီက ဂုတ်သွေးစုပ် အမြတ်ထုတ်နေတဲ့ လူတန်းစား တစ်ရပ်ရဲ့ ယုတ်မာမှု့တွေကို ကြောက်လို့ နိုင်ငံတော်က တစ်ဖက်တစ်လှမ်းက ပြည်သူတွေ အဆင်ပြေကြပါစေ ဆိုတဲ့ စိတ်လေးနဲ့ ငွေချေးလုပ်ငန်းတွေကို တရားဝင် ကူညီခိုင်းတာပါ ။ တရားဝင်လိုင်စင်ရ ဆိုပြီး မနှိပ်စက်ကြပါနဲ့

        အဲ့လို စည်းကမ်းဖောက် အမြတ်ကြီးစားနေကြတဲ့ ငွေရေးကြေးရေးလုပ်ငန်း ဘယ်နှစ်ခုများ နိုင်ငံတော်အစိုးရရဲ့ တည်ဆဲဥပဒေတွေ ၊ အမိန့် ညွှန်ကြားချက်တွေကို မထီမဲ့မြင် လုပ်ပြီးနေကြပြီလဲ ။  တစ်ဆင့်တိုးတိုင်း အတိုးလျော့လာမယ် လို့တော့ မတ်လုံး မပေးထားပါနဲ့။ နောက်တစ်ဆင့် ၁သိန်းခွဲတို့  ၂သိန်းတို့ ဆိုတာလဲ ၁၃-၁၄ ရာခိုင်နှုန်းတွေပါပဲ ။ ဒါတောင် ဝန်ဆောင်ကြေးလိုလို ဘာလိုလို လွှဲမယ့်ငွေထဲက ၁%ကနေ ၅%ထိ နှုတ်မယ့် ငွေမပါသေးဖူး။

        ချေးလို့ ပြန်မဆပ်နိုင်ရင် ၁ရက်ကျော်ရင် ၁၅၀၀၀ ကျပ် နောက်ထပ် ၃ရက်ကျော်ရင် နောက် ၁၅၀၀၀ကျပ် အော် ပြည်သူတွေလဲ….. ငွေလေး ၁သိန်း ၂သိန်းက သာမာန်ပြည်သူလေးတွေသာ ချေးကြမှာပါ ။ တော်ရုံလူ မချေးကြလောက်ဘူး ။ 
သင့်တင့်မျှတတဲ့ အတိုးလေး ယူပြီးပဲ ချေးပေးသင့်တာပါ ။ အဲ့လိုလူမျိုးတွေဆီကတော့ အတိုးကြီး မစားသင့်ပါဘူး ။ 
“ ရေနစ်လို့ အားကိုးတကြီး ဆွဲမိတဲ့ မြက်ပင်လေးတွေဟာ တကယ်တော့ မြွေ ဖြစ်နေတတ်တယ် ။ 
 အခြေခံ ပြည်သူတွေရဲ့ ဘဝများစွာကို ဝိုင်းပြီး ကယ်တင်ဖို့ ကူညီပေးကြပါ အကြွေးနွံ ထောင်ချောက်တွေများ တကယ် ကြောက်ဖို့ ကောင်းပါတယ် ။   သက်ဆိုင်ရာ လူကြီးတွေ သိနိုင်ကြပါစေ ။

#Crd to owner

Credit (  ဥပဒေရေးရာ )