Advertise here!

“လူပျိုကြီး အပျိုကြီးတို့ကွယ်လွန်ပါက ၄င်းတို့ကျန်ရစ်သော အမွေပစ္စည်းတို့ကို မည်သူရမည်နည်း”

13-Aug-21
“လူပျိုကြီး အပျိုကြီးတို့ကွယ်လွန်ပါက ၄င်းတို့ကျန်ရစ်သော အမွေပစ္စည်းတို့ကို မည်သူရမည်နည်း”
# အပျိုကြီး၊ လူပျိုကြီးတို့ ကွယ်လွန်ပါက ၄င်းတို့၏ အမွေကို မည်သူတို့ရမည်နည်းဟု မကြာခဏမေးလေ့ရှိကြသည်။ 
ဥပမာ - အတူနေသူ မိခင်ဖြစ်သူ သို့မဟုတ် ဖခင်ဖြစ်သူက ရမလား ဒါမှမဟုတ် တစ်ခြားကွယ်လွန်သွားသူ အပျိုကြီး လူပျိုကြီး တို့၏ ညီအကိုမောင်နှမများက ရမလား စသည်ဖြင့် မေးမြန်းကြခြင်းဖြစ်သည်။
# အဆိုပါ အကြောင်းကို ဖြေဆိုနိုင်ရန် အတွက် မနှင်းဘွင့် နှင့် ဦးရွှေဂုဏ် ( ၈၊ အလ်ဘီအာ၊ ၁ ပီစီ) အမှုတွင် အမွေခံ အစီအစဉ်တို့ကို ဆုံးဖြတ်ပေးခဲ့သည်။ 
အမှုအကြောင်းအရာမှာ ဦးရွှေဂုဏ်နှင့် မနှင်းဘွင့်တို့သည် သားအဖဖြစ်သည်။ ဦးရွှေဂုဏ် သည် ပထမမယားနှင့် သမီးဖြစ်သူ မနှင်းဘွင့် အပါအဝင် သမီး သုံးယောက်ကို မွေးဖွားခဲ့သည်။ 
ပထမမယားသေဆုံးပြီး နောက် ဦးရွှေဂုဏ်သည် ဒုတိယမယားယူသည်။ 
အစပထမပိုင်းတွင် မနှင်းဘွင့် အပါအဝင်သမီးသုံးယောက်နှင့် ဖခင်ဦးရွှေဂုဏ်၊ မိထွေးဖြစ်သူတို့ အတူနေထို်ခဲ့ကြသည်။ 
နောက်ပိုင်းတွင် မိထွေးဖြစ်သူနှင့် သမီး(၃) ယောက် မသင့်မြတ်သောကြောင့် ညီအမ (၃) ယောက်တို့သည် အိမ်ဝယ်ယူ၍ ဖခင်ဖြစ်သူ နှင့် အိမ်ခွဲကာ နေထိုင်ကြသည်။ 
ထိုသို့ အိမ်ခွဲနေကြရာမှ ညီအမ နှစ်ယောက် သည် ရှေ့ဆင့် နောက်ဆင့်ဆိုသလို ပျက်စီးကွယ်လွန်သွားကြရာ မနှင်းဘွင့် ထံ၌ သေသူ အမနှစ်ယောက်တို့၏ ပစ္စည်းများ ကျန်ရစ်သည်။ 
အဆို ပါပစ္စည်းများကို ရလိုကြောင်းဖြင့် ဦးရွှေဂုဏ်က သမီးဖြစ်သူ မနှင်းဘွင့် အပေါ်တွင် တရားစွဲသည်။ 
အဆိုပါအမှုတွင် ကွယ်လွန်သူ၏ မိဘနှင့် ညီအကိုမောင်နှမများယှဉ်၍ အမွေလုမည်ဆိုပါက ညီအကိုမောင်နှမများသာ အမွေရမည်ဟု ဆုံးဖြတ်ပေးခဲ့သည်။ 
ဆိုလိုသည်မှာ သားသမီး၊ မြေး၊မြစ် စသော အဆက်အနွယ်များ မကျန်ရစ်လျှင် သေသူတစ်ယောက်၏ ပစ္စည်းကို ၄င်း၏ မိဘများထက် ညီအကိုမောင်နှမများက အမွေဆက်ခံခွင့်ရှိသည်ဟု ဆုံးဖြတ်ပေးခဲ့ခြင်း ဖြစ်သည်။ 
# “မိဘများနှင့် အတူနေခြင်း မနေခြင်း”
မနှင်းဘွင့် နှင့် ဦးရွှေဂုဏ် အမှုတွင် ညီအမများသည် မိဘများနှင့် ခွဲ၍ သီးခြားနေထိုင်ကြသည်။ 
အကယ်၍ သေသူ၏ ညီအကို မောင်နှမများသည် မိဘများနှင့် အတူနေထိုင်လျှင်ရော အမွေကို မည်သူရမည်နည်း ဆိုသည်ကို မောင်ကွန်းနှင့် မချီ ၉၊ ရန်ကုန် ၂၁၇ စုံညီခုံရုံး အမှုတွင် သေသူသည် မိဘများနှင့် အတူနေသည်ဖြစ်စေ၊ မနေသည်ဖြစ်စေ မိဘနှင့် ညီအကို မောင်နှများ အမွေလုလျှင် ညီအကိုမောင်နှမများသာ အမွေရမည်ဟု ဆုံးဖြတ်လိုက်ပေသည်။
#ထို့ကြောင့် အပျိုကြီး၊ လူပျိုကြီးတို့ ကွယ်လွန်လျှင် မိဘနှင့် သားသမိး တို့ အမွေယှဉ်လုမည်ဆိုက မည်သူတို့ အမွေရမည်ကို ဖော်ပြပေးလိုက်ရပေသည်။ 
ဆရာကြီးဦးမြစိန်ပြုစုသော မြန်မာ့ဓလေ့ထုံးတမ်းဥပဒေ( ၁၃) ကြိမ်မြောက်ပြင်ဆင်ဖြည့်စွက်ချက် 
ဆရာကြီးမိုးထက်( ၁၁.၁.၂၀၂၁) ရက်နေ့ ၊ နေ့လည်(၁၁) နာရီ(၁၀) မိနစ်
 

Related Posts

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate