လင်မယား အမည်ပေါက်ပိုင်ဆိုင်သောပစ္စည်းကို ရောင်းချရာတွင်

09-Aug-21
လင်မယား အမည်ပေါက်ပိုင်ဆိုင်သောပစ္စည်းကို ရောင်းချရာတွင်
လင် (သို့မဟုတ်) မယား တစ်ဦးတည်း အမည်ပေါက်ပိုင်ဆိုင်သောပစ္စည်းကို ရောင်းချရာတွင် ၎င်းတို့၏ မယား(သို့မဟုတ်) လင်တို့ လက်မှတ်ရေးထိုးရန်လိုအပ်သလား။
လင်၊ မယား နှစ်ဦးအမည်ပေါက်ပိုင်ဆိုင်သည့်ပစ္စည်းကို ရောင်းချရာတွင် နှစ်ဦးစလုံး သည် ရောင်းသူအနေဖြင့် လက်မှတ်ရေးထိုး ရောင်းချမှသာ တရားဝင်မည်ဖြစ်ပြီး လင် (သို့မဟုတ်) မယား တစ်ဦးတည်း အမည်ပေါက်ပိုင်ဆိုင်သောပစ္စည်းကိုရောင်းချရာတွင် အမည်ပေါက်ပိုင်ဆိုင်သည့် လင် (သို့မဟုတ်) မယားသည် ရောင်းသူအနေဖြင့်လည်းကောင်း၊ ၎င်းတို့၏ အိမ်ထောင်ဖက် မယား (သို့မဟုတ်) လင်အား သက်သေအဖြစ်လည်းကောင်း အရောင်းအဝယ်စာချုပ်တွင် လက်မှတ်ရေးထိုးခိုင်ရန် လိုအပ်ပါသည်။
အဘယ်ကြောင့်ဆိုသော် လင်နှင့်မယားပိုင်ဆိုင်သော ပါရင်းပစ္စည်း၊ အမွေရလက်ထက်ပွားပစ္စည်း စသည့်တို့တွင် ပါရင်း ပါလာသူနှင့် အမွေရလက်ထက်ပွားပစ္စည်း ပါလာသူပစ္စည်းရှင် လင် (သို့မဟုတ်) မယားက သုံးပုံပုံ နှစ်ပုံ ပိုင်ဆိုင်ပြီး ပစ္စည်းမပါသူ လင် (သို့မဟုတ်) မယားက သုံးပုံပုံ တစ်ပုံကို အပြီးအပိုင်ရရှိသော အခွင့်အရေးရရှိသောကြောင့်ဖြစ်သည်။
ဝယ်ယူသူသည် ၎င်းဝယ်ယူသောပစ္စည်းသည် လင် (သို့မဟုတ်) မယားတစ်ဦးတည်းပိုင်ဆိုင်သော ပစ္စည်းဖြစ်လျှင် အဆိုပါပစ္စည်းသည် ပါရင်းပစ္စည်းသော်လည်းကောင်း၊ အမွေရလက်ထက်ပွားပစ္စည်းသော် လည်းကောင်း ဖြစ်နေလျှင် နောင်တစ်ချိန်အရှုပ်အရှင်းများဖြစ်ပေါ်လာနိုင်ပါသည်။ ထို့ကြောင့် အထက်ပါအတိုင်း အရောင်းအဝယ်စာချုပ်တွင် လက်မှတ်ရေးထိုး ရောင်းချစေခြင်းဖြင့် နောင်တစ်ချိန်တွင် အရှုပ်အရှင်းကန့်ကွက်မှုများ ပေါ်ပေါက်မည့်ကိစ္စကို ရှောင်ရှားနိုင်မှာဖြစ်ပါသည်။

Related Posts

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate