Passport PJ/PV အသစ်လျှောက် / သက်တမ်းတိုးများအတွက် ( YANGON တစ်ခုတည်းအတွက်သာ )

05-Jul-22 အခြား
Passport PJ/PV အသစ်လျှောက် / သက်တမ်းတိုးများအတွက်  ( YANGON တစ်ခုတည်းအတွက်သာ )

Passport PJ/PV အသစ်လျှောက် / သက်တမ်းတိုးများအတွက်

( YANGON တစ်ခုတည်းအတွက်သာ )

* Passport လုပ်ဖို့အတွက် ရုံးထဲကိုဝင်ခွင့် Online Booking လျှောက်ထားရန်လိုအပ်ပါတယ် ၊ အသစ် သက်တမ်းတိုး အပျောက်လျှောက် စာအုပ်နဲ့ ပက်သက်တာဘာပဲလုပ်လုပ်ရုံးထဲကိုဝင်ခွင့်အတွက် Booking Appointments QR Code လိုပါတယ် Booking Qr Code ရှိမှရုံးထဲဝင်ခွင့်ပေးတာပါ

* Online Booking တင်ပုံတင်နည်းအကြောင်း Post ‌အောက်ဆုံးမှာ Link ပေးထားပါတယ်

* Booking Appointments QR Code ရပီဆိုရင် QR Code မှာပါတဲ့ Date & Time မှာသွားပီ Passport စာအုပ်စလုပ်လို့ရပါပီ ကိုယ်ရထားတဲ့အချိန်ထက်နာရီဝက်ကြိုရောက်အောင်သွားပါ

* Booking QR Code ပုံကိုဖုန်းထဲသိမ်းထားပြီးပြလို့ရသလို Print ထုတ်သွားလို့လည်းရပါတယ်

* Passport လုပ်ဖို့ လိုအပ်တဲ့ စာရွက်စာတမ်း တွေက..

▪️ အိမ်ထောင်စုစာရင်း မူရင်း + မိတ္တူ ၂ စောင်

▪️ မှတ်ပုံတင် မူရင်း + မိတ္တူ ၂ စောင်

▪️၁၀ နှစ်အောက်ကလေးများ မွေးစာရင်း မူရင်း + မိတ္တူ ၂ စောင် ▪️ သက်တမ်းတိုးသမားတွေက စာအုပ်အဟောင်း + PP မှာ မိမိဓါတ်ပုံပါတဲ့စာမျက်နှာ မိတ္တူ ၂ စောင်

PJ သမားတွေဆို Labour Card လိုပါတယ် ၊ Labour Card ကနီးစပ်ရာမြို့နယ် အလုပ်သမားဦးစီးဌာနမှာ လျှောက်ထားလို့ရပါတယ် ၅၀၀ (သို့) ၁၀၀၀ ကျပ်

* ရုံးထဲဝင်ဖို့အတွက်ဝင်ပေါက် ၃ နေရာ ( ပန်းခြံဘေး, ရန်ကင်း centerရှေ့, စက်မှု ၁ ) ကြိုက်တဲ့နေရာက ဝင်လို့ရပါတယ်၊ ဝင်ပေါက်မရောက်ခင်အပြင်မှာရှိတဲ့ပွဲစားတွေဘာပြောပြောနားမထောင်ပါနဲ့သူတို့ရိုက်စားခွင်လုပ်လို့ရအောင်တမင်ပြောနေတာမလို့ ဝင်ပေါက်နားမှာရှိတဲ့ ရဲတွေကိုမေးမြန်းပါ ကိုယ့်မှာပါတဲ့ Booking Qr Code ကိုသူတို့ကိုပြလိုက်ရင် စစ်ပီးပေးဝင်ပါတယ်

* ပထမဆုံးစစ်တဲ့ဂိတ်မှာ ဖုန်းထဲမှာအသင့် Save ထားတဲ့ ဓါတ်ပုံ (သို့) Print ထုတ်လာတဲ့ Booking Qr Code ထဲက ကိုယ်ရေးအချက်လက်နဲ့ မှတ်ပုံတင်ထဲကကိုယ်ရေးအချက်လက် စစ်ဆေးပီးရင်အထဲကိုဝင်လို့ရပါပီ

* ဒုတိယဂိတ်မှာ ပါလာတဲ့ QR Code မှတ်ပုံတင် မျက်နှာ Scan ဖတ် စစ်ဆေးပီးရင်ရုံးထဲကို ဝင်လို့ရပါပီ အထဲကို ဖုန်း စာရွက်စာတမ်းပါတဲ့ ဖိုင် နဲ့ ပိုက်ဆံအိတ်အသေးကလွှဲရင် ကျန်တာဘာမှပေးမယူပါဘူး ထီး ရေဘူး tissue ထုပ်ကအစအကုန်အပြင်မှာထားခဲ့ရတာ

* ရုံးထဲစဝင်တာနဲ့ အဝင်ဝလေးမှာရဲနှစ်ယောက်ထိုင်နေပီ အထဲမှာဖြည့်ရမယ် Form ပေးပါတယ် Form ခ ၁၀၀၀ ကျပ် တစ်ခါတစ်လေ Free

* Form ရပီဆိုရင် မဖြည့်ပါနဲ့အုံး လဝက ကောင်တာတွေမှာ အရင်ဆုံးယူလာတဲ့စာရွက်စာတမ်းတွေစစ်ဖို့တန်းစီပါ လူအရှင်းဆုံးအတန်းမှာစီပါမသေချာရင်အဲ့မှာရှိနေတဲ့ ဝန်ထမ်းတွေ ရဲတွေ ကိုမေးပါ သက်တန်းတိုးသမားတွေက Counter 1 မှာတန်းစီရပါတယ် မှတ်ပုံတင်မှာ ကရင်+ဗမာ / ဗမာရှေ့မှာ (+) ဆိုရင်သွေးနှော လို့ဆိုပီ တစ်ခြားကောင်တာတစ်ခုမှာသီးသန့်စီရပါတယ် လဝက form စစ် ၂၀၀၀ ကျပ်ပါ သွေးနှောသမားတွေက ၂၀၀၀+ ၅၀၀၀ အားလုံးစစ်ပီးသွားရင် ခုနပေးထားတဲ့ မူရင်း+ စာရွက်စာတမ်းတစ်စုံရယ် ဘဏ်သွင်းဖို့ စာရွက်ပေးပါတယ်

* လဝကပေးတဲ့ ဘဏ်ငွေသွင်းဖို့စာရွက်နဲ့ အထဲမှာရှိတဲ့ ဘဏ်မှာ ၂၅၀၀၀ ပေးသွင်းပါ ဘဏ်ဘယ်နားရှိလဲမသိရင် အထဲကဝန်ထမ်းတွေ ရဲတွေကိုမေးပါ မကြောက်ပါနဲ့သူတို့ပြောပြတယ် ဘဏ်ငွေသွင်းပီရင် ငွေသွင်းပီးကြောင်း စာရွက်ပြန်ပေးပါတယ် အချိန်နည်းနည်းကြာတတ်လို့ ဝင်ဝင်ခြင်းမှာယူလာတဲ့ Form ကိုဖြည့်ပါ Form ဖြည့်နေတုန်း ဘဏ်ကကိုယ့်နာမည်ခေါ်တာကိုလဲ နားစွင့်ထားပါ ကိုယ့်နာမည်ခေါ်ပီဆို ဘဏ်ကပေးတဲ့ Slip စာရွက်ယူ ကိုယ့်နာမည် မှတ်ပုံတင်အမှတ် မှန်မမှန်ပြန်စစ်ပါ စစ်လို့မှန်ရင် ဓါတ်ပုံရိုက်ဖို့သွားပါ

* ​နောက်ဆုံးအဆင့် ဓါတ်ပုံရိုက်ဖို့တန်းစီပါ Counter 16 ကလွဲရင်ကျန်တဲ့ Counter လူအနည်းဆုံး Counter မှာတန်းစီပါ မိတ္တူတစ်စုံ ဖြည့်ထားတဲ့ Form ဘဏ်ငွေသွင်းပီးကြောင်း Slip သူတို့ကိုပေးပါ ဓါတ်ပုံရိုက် လက်ဗွေနှိပ် မျက်စိ Scan ဖတ် Tablet ပြားပေါ်မှာလက်မှတ်ထိုး အထဲမှာသူတို့မေးတာပြန်ဖြေ ပီးရင် ၅၀၀၀ သွင်း / PJ ဆို ၅၀၀၀ + ၃၀၀၀

* ဓါတ်ပုံရိုက်တဲ့အခန်းမှာ အရေးကြီးဆုံးက PJ သမားတွေပါ PV (သို့) PJ လို့မေးပါမယ် အလည်ပတ် PV သမားတွေက PV ဘဲပြောပါ အလုပ်နဲ့သွားမယ့်သူတွေက PJ လို့ပြောပါ Labour Card မလုပ်ရသေးဘူးဆိုရင် အဲ့ဒီနေရာမှာ Labour Card လုပ်ချင်ကြောင်းပြောလိုက်ပါ အပြင်ထက်ဈေးပိုများပါတယ် ၅၀၀၀ ပေးရမှာ အားလုံးပီးသွားရင် Passport စာအုပ်ထုတ်ဖို့ Slip ရပါပီ

* Slip ရရင် သေချာပြန်စစ်ပါ ကိုယ်ပေးထားတဲ့ ကိုယ်ရေးအချက်လက်တွေအားလုံး မှန်လား မှားလား နာမည် English စာလုံးပေါင်း မွေးသက္ကရာဇ် PV /PJ တွေကအရေးကြီးဆုံးပါ မှားနေရင်ပြန်ပြောပီ ပြင်ခိုင်းပါ အားလုံးမှန်တယ်ဆိုရင် Slip လေးယူပီအိမ်ပြန်လို့ရပါပီ

* နောက် ၁၀ ရက် ကြာရင် ရုံးသွားပီကိုယ့်ရဲ့ Passport စာအုပ်ထုတ်လို့ရပါပီ ထုတ်ရမယ့်နေ့က စနေ တနင်္ဂနွေ အစိုးရ ရုံးပိတ်များဆိုရင် ထုတ်မရပါဘူး ရုံးပိတ်ရက်ပီးနောက်နေ့ကစ ရက်ပေါင်း ၉၀ အတွင်း ထုတ်လို့ရပါတယ် စာအုပ်ထုတ်ရင်ပေးထားတဲ့ Slip နဲ့ ပြပီဝင်လို့ရပါတယ် တန်းစီစရာမလို Online Booking ထပ်ယူစရာမလိုပါဘူး သွား ထုတ်တဲ့အခါ Slip ရယ် မှတ်ပုံတင်မူရင်းရယ် ယူသွားပါ ၃၀၀၀ ကျပ်ပေးရ Passport စာအုပ်ရပါပီ ၊၊

🔸ကုန်ကျငွေ.. 💸

Form - ၁၀၀၀ ကျပ် လဝက စစ် - ၂၀၀၀ ကျပ် ဘဏ်သွင်း - ၂၅၀၀၀ ကျပ် ဓါတ်ပုံရိုက် - ၅၀၀၀ ကျပ် စာအုပ်ထုတ် - ၃၀၀၀ ကျပ် စုစုပေါင်း = ၃၆၀၀၀ ကျပ်

🔸သက်တမ်းကျန်/သက်တမ်းလွန်

*စာအုပ် သက်တမ်းတိုးလုပ်မယ်ဆိုအဆင်ပြေတဲ့အချိန်တိုးလို့ရပါတယ် သက်တမ်းတိုးမယ့်အချိန် လက်ရှိစာအုပ်သက်တမ်း ၂ နှစ်ခွဲကျော်ကျန်မှ ဒဏ်ကြေး ၄ သောင်းပေးဆောင်ရပါတယ် ၊ စာအုပ်သက်တမ်း ၂ နှစ်ခွဲအောက်ဆို ဒဏ်ကြေးမဆောင်ရပါဘူး

🔸 စာအုပ်သက်တမ်းလွန်/ကျော်နေသူများ

*သက်တမ်းလွန်အတွက်သက်မှတ်ချက်များ ဖော်ပြထားခြင်း မရှိတာ‌ကြောင့် သက်တမ်းဘယ်လောက်လွန်လွန် ဒဏ်ကြေးလုံးဝမပေးဆောင်ရပါဘူး အဓိကစာအုပ်အဟောင်းရှိနေဖို့တာလိုအပ်တာမို့ ပုံမှန်နှုန်းအတိုင်းသက်တမ်းတိုအတွက်ကုန်ကျမှာပါ

👉မှတ်ချက် -

အိမ်သားများ စာအုပ်လုပ်တုန်းကအတွေ့ကြုံများနှင့် Group ထဲကညီကိုမောင်နှမများရဲ့အတွေ့ကြုံရေးသားချက်များကိုယူပီး Passport စာအုပ် လုပ်မယ့်သူများအတွက် အခက်ခဲမရှိအောင် ရည်ရွယ်ပီးရေးသားထားတာမလို့ လိုအပ်ချက်များ တစ်ခါတစ်လေရေးသားချက်များနဲ့ ရုံးထဲက လုပ်ဆောင်ချက်များ ငွေပေးသွင်းနှုန်းများ ကွာခြားမှုများရှိနိုင်တာမို့ အဆင်မပြေဖြစ်ခဲ့ရင်နားလည်ပေးကျပါခင်ဗျာ ၊၊

Related Posts

“GP/SP နှင့် ပတ်သက်၍ သိထားသင့်သည့် အချက်များ”

“GP/SP နှင့် ပတ်သက်၍ သိထားသင့်သည့် အချက်များ”

၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...

“အိမ်သုံးလျှပ်စစ်မီတာလျှောက်ထားပုံ”

“အိမ်သုံးလျှပ်စစ်မီတာလျှောက်ထားပုံ”

မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate