အပျို / လူပျို / လွတ်လပ်သူကို တစ်လင် တစ်မယား

            အပျို / လူပျို / လွတ်လပ်သူကို တစ်လင် တစ်မယား စနစ်ကျင့် သုံးခြင်း ဆိုင်ရာ ဥပဒေပုဒ်မ ၁၃ နဲ့ ရာဇသတ်ကြီး ပုဒ်မ ၁၁၄ပေါင်းစပ်စွဲဆို၍ ရ / မရ ? ထိုသို့ စွဲဆို ခြင်းသင် သင့်လျော် မှန်ကန်မှု ရှိ / မရှိ ?

*******************************

           ning oo ( မူရင်း ) ရာဇသတ်ကြီး ပုဒ်မ ၄၀ အရဆိုလျှင် အထူးဥပဒေ တစ်ရပ်၌ အားပေးကူညီမှု သီးခြား မပါ၀င်သည့် ကိစ္စတွင် အထူး ဥပဒေပါ ပုဒ်မ တစ်ရပ်ရပ်ကို ရာဇသတ်ကြီး ပုဒ်မ ၁၁၄ဖြင့် ပေါင်းစပ် စွဲဆိုနိုင်ကြောင်း တွေ့ရှိ ရမည် ဖြစ်ပါသည် ။ ဤသို့ ဆိုလျှင် အိမ်ထောင် ရှိသူနဲ့ ပေါင်းဖက်မိသော အပျို လူပျို / လွတ်လပ်သူကို အားပေး ကူညီသူဟု ယူဆကာ တစ်လင် တစ်မယား စနစ်ကျင့်သုံးခြင်းဆိုရာ ဥပဒေပုဒ်မ ၁၃ / ရာသတ်ကြီး ၁၁၄ဖြင့် ပေါင်းစပ် စွဲဆို နိုင်မည်လို့ ဆိုနိုင်လား စဉ်းစားစရာ ဖြစ်လာပါသည် ။ ထိုပြသနာ နှင့်ပါတ်သတ်၍ အောက်ပါ အချက် ( ၄ ) ချက်ကို တွေ့မြင် မိပါသည် ။

နံပါတ် ( ၁ )

            တစ်လင် တစ်မယား စနစ်ကျင့် သုံးခြင်း ဆိုင်ရာ ဥပဒေတွင် အပျို လူပျို / လွတ်လပ်သူကို တရားစွဲဆို အရေးယူ နိုင်သော ပုဒ်မတစ်ရပ်မျှ မပါပါ ။ ထို့ အတူပင် အိမ်ထောင်ရှိသူနှင့် ပေါင်းဖက် မိသော အပျို / လူပျို / လွတ်လပ်သူကို အားပေး ကူညီမှုဖြင့် စွဲဆိုနိုင်သည့်  ပုဒ်မ တစ်ရပ်ရပ်လည်ဲး  တစ်လင် တစ်မယား ဥပဒေတွင် မပါ၀င်ပါ ။ ထိုသို့ ဆိုလျှင် အပျို / လူပျို / လွတ်လပ်သူကို တစ်လင်တစ်မယား ဥပဒေနှင့် ရာဇသတ်ကြီး ၁၁၄ ပေါင်းစပ် စွဲဆို လိုခြင်းသည် မူရင်း တစ်လင် တစ်မယား ဥပဒေ ၏ ရည်ရွယ်ချက် စံနှုန်းထက် ကျော်လွန် ဆွဲယူ သုံးသပ်ခြင်း ဖြစ်သည်မှာ ထင်ရှားပါသည် ။ တစ်နည်း အားဖြင့် မူရင်း ဥပဒေထက် ဝေးကွာသည့် ဆောင်ရွက်ချက်ဖြစ်သည်မှာလဲ ထင်ရှားသည် ။ သို့ဖြစ်၍ ထိုသို့ အထူးဥပဒေ နှင့် ရာဇသတ်ကြီး ၁၁၄ ပေါင်းစပ်ခြင်းသည် မဖြစ်မနေ လိုက်နာရမည့် လုပ်ထုံးမဟုတ် သည်မှာ ထင်ရှားနေသည် ။ သို့ဖြစ်၍ အပျို လူပျို လွတ်လပ်သူအား တစ်လင် တစ်မယား ၁၃ နှင့် ၁၁၄ ပေါင်းစပ် စွဲဆိုနိုင်ခြင်းရှိ မရှိမှာ အခြားအချက် များပေါ်တွင် ထပ်မံ စဉ်းစား သုံးသပ်ရန် လိုအပ် လာပါသည် ။ ထိုအချက်များကို အောက်အပါ တိုင်းဆက် လက်တင်ပြ သွားမည် ဖြစ်ပါသည် ။

နံပါတ်( ၂ )

            အပျို လူပျို လွတ်လပ်သူကို တစ်လင် တစ်မယား ၁၃ နှင့် ရာဇသတ်ကြီး ၁၁၄ ပေါင်းစပ်ရန် အခြား အချက်များထပ်မံကြည့်ရှုရန်လို အပ်ကြောင်း တင်ပြခဲ့ပြီး ဖြစ်သည့် အားလျော် အခြားအချက်များကို ထပ်မံ တင်ပြ သွားမည် ဖြစ်ပါသည်  ။ ဥပဒေ တစ်ရပ်ကိုချဉ်းကပ်ရာတွင် ဥပဒေ စံနှုန်းများ ရည်ရွယ်ချက် သမိုင်းများကို လည်းထည့်သွင်း စဉ်းစား ရပါသည် ။  တစ်လင် တစ်မယား ဥပဒေမပေါ်မီက ရာဇသတ်ကြီး ၄၉၇တွင် မယားခိုးမှု ကျူးလွန်သော ယောက်ကျားကိုသာ တရားစွဲ ဆိုရန်နှင့် ခိုးယူခံ ရသည့် မယားကို အားပေးကူညီသူ အနေဖြင့် အရေးယူ ဆောင်ရွက်ခြင်း မပြုရန် တားမြစ် ပြဌာန်းထား သည်ကို တွေ့နိုင်မည် ဖြစ်သည် ။ ထို့အတူ ပြည့်တန်ဆာနှိပ်ကွပ်ရေးဥပဒေတွင် ပြည့်တန်ဆာမအား အားပေးကူညီခြင်းစပ်လျဉ်း၍ ယင်းဥပဒေပုဒ်မ၅(၂)တွင်ပြဌာန်းထားပြီး ယင်းပုဒ်မပါ အားပေး ကူညီသူ ဆိုသည့် စကားရပ်တွင် ပြည့်တန်ဆာ နှင့် ပျော်ပါးသည့် လိင်ဆက်ဆံ ဖော်ကို အားပေး ကူညီသူအဖြစ် သတ်မှတ်ထားခြင်း မရှိသည်ကို တွေ့မြင် နိုင်မည် ဖြစ်သည် ။ သို့ဖြစ်၍ ပြည့်တန်ဆာ ဥပဒေနှင့် စကားရပ် များအနက် အဓိပ္ပါယ်ဖွင့်ဆို ရေးဥပဒေတို့အရ ပြည့်တန်ဆာနှင့် ပျော်ပါး သူကို အားပေးကူညီ သူအနေဖြင့် အရေးယူ ဆောင်ရွက်၍ မရသည်မှာ ထင်ရှားပေသည် ။ သို့ဖြစ်၍ ရှိခဲ့ပြီးသော မြန်မာနိုင်ငံ ဥပဒေ စံသတ်မှတ်ချက် များအရ နှစ်ဦး သဘောတူ လိင်မှု ဆက်နွယ်သည့် ပြစ်မှုများတွင် ဥပဒေက ပြစ်မှုကျူးလွန်သူ ဟုပြဌာန်း သတ်မှတ်ထား သူများမှ အပထိုသူနှင့် ပေါင်းဖက် ပါ၀င်သူကို အားပေး ကူညီသူ အနေဖြင့် မရှုမြင်သည်မှာ ထင်ရှား နေပေသည် ။ သို့ဖြစ်၍ မူရင်း ဥပဒေတွင် တိုက်ရိုက် မပါဘဲ ဝေးကွာစွာ ဆွဲယူပေါင်းစပ် ရသည့် ကိစ္စတွင် တည်ရှိခဲ့ ပြီးသော ဥပဒေစံများ နှင့်မကိုက်ညီပါက ထိုသို့ဆွဲယူ ပေါင်းစပ် ခြင်းမှာ လက်မခံ ထိုက်ကြောင်း ထင်ရှား နေပါသည် ။

နံပါတ် ( ၃ )

         အထက်ပါ အချက် နှစ်ချက်အရ တင်ပြသည်ကို လက်မခံနိုင်ဘဲ အပျို / လူပျို / လွတ်လပ် သူကိုလည်း အားပေး ကူညီသူအဖြစ်သတ်မှတ်ကာ ၁၁၄ ဖြင့်စွဲ ကိုစွဲ သင့်ကြောင်း ယူဆမည် ဆိုပါက ရာဇသတိကြီး ပုဒ်မ၃၆၃ တွင် ခိုးယူခံရသူကို အားပေး ကူညီသူ အဖြစ်သတ်မှတ်ကာ ၁၁၄ဖြင့် စွဲဆိုပါ မည်လား ။ ၁၆နှစ်အောက် ကောင်မလေးက အလိုတူ အလိုပါ ဖြင့်သဖြင့် လိင်ဆက်ဆံသည့် ကိစ္စတွင် ဆက်ဆံခံရသည် ကောင်မလေးကိုပါ ၁၁၄ ဖြင့် စွဲပါမည်လား ဟုပြန်လည် မေးမြန်း ထောက်ပြ ရမည် ဖြစ်ပါသည် ။ ထိုကိစ္စ နှစ်ရပ်တွင် ထို သူတို့မှာ နစ်နာသူများ ဖြစ်၍ အရေးမယူခြင်း ဖြစ်သည်ဟု ထောက်ပြ နိုင်ပါသည် ။ သို့ရာတွင် ပြစ်မှုတွင် နစ်နာသူ စစ်စစ်မှာနိုင်ငံတော် သာလျှင် ဖြစ်သည် ။ နစ်နာသူ ဖြစ်၍ ပြစ်ဒဏ် ကင်းလွတ် ထိုက်ကြောင်း စံသတ်မှတ် ချကိမရှိ ။ ဥပမာ ပြရလျှင် ကိုယ့်ကိုယ်ကို သတ်သေခြင်း နှင့် ကိုယ့်အိမ်ကို မီးရှို့ခြင်း တို့ပြုလျှင် ကျူးလွန်သူက နစ်နာသူ ဖြစ်နေပါသည် ဟူ၍ ဥပဒေက ရှုမြင်ခြင်း မရှိသည်မှာထင်ရှား ပေသည် ။

နိဂုံး

         သို့ဖြစ်ပါ၍ အပျို / လူပျို / လွတ်လပ်သူအား တစ်လင် တစ်မယား ၁၃နင့် ရာဇသတ်ကြီး ပေါင်းစပ် ခြင်းသည် ။ မူရင်း ဥပဒေ ၏ ရည်ရွယ်ချက် ကိုကျော်လွန်၍ ဝေးကွာစွာ ဆွဲယူခြင်း ဖြစ်ဖြစ် သောကြောင့် ထိုသို့ ဆောင်ရွက်ရန် သင့်မသင့် ဒွိဟ အခြေအနေတွင် ထိုသို့ ပေါင်းစပ်ခြင်းသည် ရှိရင်း စွဲဥပဒေ စံနှုန်းများနှင့် ပါကိုက်ညီမှု မရှိသဖြင့် ထို့သို့ ပေါင်းစပ်ခြင်း သည် မဖြစ်ထိုက် ကြောင်း ။ လက်မခံ ထိုက်ကြောင်း လေးစားစွာ တင်ပြ အပ်ပါသည် ။

ning oo

25 .10 . 2020

ကူးယူ ဖော်ပြ ပါသည်