“ လူပျိုကြီး အပျိုကြီးတို့ ကွယ်လွန်ပါက ၄င်းတို့ ကျန်ရစ်သော အမွေပစ္စည်း တို့ကို မည်သူ ရမည်နည်း ”

         “ လူပျိုကြီး အပျိုကြီးတို့ ကွယ်လွန်ပါက ၄င်းတို့ ကျန်ရစ်သော အမွေပစ္စည်း တို့ကို မည်သူ ရမည်နည်း ”

အပျိုကြီး ၊ လူပျိုကြီးတို့ ကွယ်လွန်ပါက ၄င်းတို့၏ အမွေကို မည်သူတို့ ရမည် နည်းဟု မကြာခဏ မေးလေ့ ရှိကြသည် ။

ဥပမာ - အတူနေသူ မိခင်ဖြစ်သူ သို့မဟုတ် ဖခင်ဖြစ်သူက ရမလား ဒါမှမဟုတ် တစ်ခြား ကွယ်လွန် သွားသူ အပျိုကြီး လူပျိုကြီး တို့၏ ညီအကို မောင်နှမ များက ရမလား စသည်ဖြင့် မေးမြန်း ကြခြင်း ဖြစ်သည် ။

           အဆိုပါ အကြောင်းကို ဖြေဆိုနိုင်ရန် အတွက် မနှင်းဘွင့် နှင့် ဦးရွှေဂုဏ် ( ၈ ၊ အလ်ဘီအာ ၊ ၁ ပီစီ ) အမှုတွင် အမွေခံ အစီအစဉ်တို့ကို ဆုံးဖြတ် ပေးခဲ့သည် ။ အမှုအကြောင်း အရာမှာ ဦးရွှေဂုဏ် နှင့် မနှင်းဘွင့် တို့သည် သားအဖ ဖြစ်သည် ။ ဦးရွှေဂုဏ် သည် ပထမမယား နှင့် သမီးဖြစ်သူ မနှင်းဘွင့် အပါအဝင် သမီး သုံးယောက်ကို မွေးဖွားခဲ့သည် ။ ထမမယား သေဆုံးပြီး နောက် ဦးရွှေဂုဏ်သည် ဒုတိယ မယား ယူသည် ။ အစ ပထမပိုင်းတွင် မနှင်းဘွင့် အပါအဝင် သမီးသုံးယောက် နှင့် ဖခင် ဦးရွှေဂုဏ် ၊ မိထွေး ဖြစ်သူတို့ အတူနေထို်ခဲ့ကြသည် ။ နောက်ပိုင်း တွင် မိထွေး ဖြစ်သူနှင့် သမီး ( ၃ ) ယောက် မသင့်မြတ် သောကြောင့် ညီအမ ( ၃ ) ယောက် တို့သည် အိမ်ဝယ်ယူ၍ ဖခင်ဖြစ်သူ နှင့် အိမ်ခွဲကာ နေထိုင် ကြသည် ။

          ထိုသို့ အိမ်ခွဲ နေကြရာမှ ညီအမ နှစ်ယောက် သည် ရှေ့ဆင့် နောက်ဆင့် ဆိုသလို ပျက်စီး ကွယ်လွန် သွားကြရာ မနှင်းဘွင့် ထံ၌ သေသူ အမ နှစ်ယောက်တို့၏ ပစ္စည်းများ ကျန်ရစ်သည် ။အဆိုပါ ပစ္စည်းများကို ရလိုကြောင်းဖြင့် ဦးရွှေဂုဏ်က သမီးဖြစ်သူ မနှင်းဘွင့် အပေါ်တွင် တရားစွဲသည် ။ အဆိုပါ အမှုတွင် ကွယ်လွန် သူ၏  မိဘနှင့် ညီအကို မောင်နှမများ ယှဉ်၍ အမွေလုမည် ဆိုပါက ညီအကိုမောင်နှမများသာ အမွေရမည်ဟု ဆုံးဖြတ် ပေးခဲ့သည် ။ ဆိုလို သည်မှာ သားသမီး ၊ မြေး ၊ မြစ် စသော အဆက်အနွယ်များ မကျန်ရစ်လျှင် သေသူ တစ်ယောက်၏ ပစ္စည်းကို ၄င်း၏ မိဘများထက် ညီအကို မောင်နှမများက အမွေဆက်ခံ ခွင့်ရှိသည်ဟု ဆုံးဖြတ်ပေးခဲ့ခြင်း ဖြစ်သည် ။

        “ မိဘ များနှင့် အတူနေခြင်း မနေခြင်း ” မနှင်းဘွင့် နှင့် ဦးရွှေဂုဏ် အမှုတွင် ညီအမများသည် မိဘ များနှင့် ခွဲ၍ သီးခြား နေထိုင်ကြသည် ။ အကယ်၍ သေသူ၏ ညီအကို မောင်နှမများသည် မိဘများနှင့် အတူနေထိုင် လျှင်ရော အမွေကို မည်သူရ မည်နည်း ဆိုသည်ကို မောင်ကွန်းနှင့် မချီ ၉၊ ရန်ကုန် ၂၁၇ စုံညီခုံရုံး အမှုတွင် သေသူသည် မိဘများနှင့် အတူနေသည်ဖြစ်စေ၊ မနေသည်ဖြစ်စေ မိဘနှင့် ညီအကို မောင်နှများ အမွေလုလျှင် ညီအကို မောင်နှမ များသာ အမွေရမည်ဟု ဆုံးဖြတ် လိုက်ပေသည် ။ #ထို့ကြောင့် အပျိုကြီး ၊ လူပျိုကြီးတို့ ကွယ်လွန်လျှင် မိဘ နှင့် သားသမိး တို့ အမွေယှဉ် လုမည်ဆိုက မည်သူတို့ အမွေရမည်ကို ဖော်ပြပေး လိုက်ရ ပေသည် ။

#ကိုးကား-

ဆရာကြီး ဦးမြစိန် ပြုစုသော မြန်မာ့ ဓလေ့ ထုံးတမ်း ဥပဒေ ( ၁၃ )  ကြိမ်မြောက် ပြင်ဆင် ဖြည့်စွက်ချက်

ဆရာကြီး မိုးထက် ( ၁၁ .  ၁ . ၂၀၂၁ ) ရက်နေ့  ၊ နေ့လည် ( ၁၁ ) နာရီ ( ၁၀ ) မိနစ်

Credit-OriginalUploder