မြန်မာ့ဓလေ့ထုံးတမ်းဥပဒေနဲ့ စီရင်ထုံးတွေမှာ လင်မယားနှစ်ဦးသဘောတူကွာရှင်းရင် အသိသက်သေ မလို၊ စာချုပ်စာတမ်းမလိုဘဲ လင်ခန်းမယားခန်း လုံးဝပြတ်စဲတယ် ။ ဒီလိုကွာရှင်းမှုဟာ တရားဝင်ကွာရှင်းမှု ကွာရှင်း မှုဖြစ်လို့ နှစ်ဦးသဘောတူရင်လုံ လောက်ပြီလို့ ဆိုကြပါတယ်

မြန်မာ့ဓလေ့ထုံးတမ်းဥပဒေနဲ့ စီရင်ထုံးတွေမှာ လင်မယားနှစ်ဦးသဘောတူကွာရှင်းရင် အသိသက်သေ မလို၊ စာချုပ်စာတမ်းမလိုဘဲ လင်ခန်းမယားခန်း လုံးဝပြတ်စဲတယ် ။ ဒီလိုကွာရှင်းမှုဟာ တရားဝင်ကွာရှင်းမှု ကွာရှင်း မှုဖြစ်လို့ နှစ်ဦးသဘောတူရင်လုံ လောက်ပြီလို့ ဆိုကြပါတယ် ။ ဒါပေမဲ့ တစ်လင်တစ်မယားဥပဒေ ပေါ် လာပြီး နောက်ပိုင်းမှာ ဒီလိုကွာရှင်ပြီးမှာ တစ်ယောက်ယောက်က နောက်အိမ်ထောင်ပြုရင် နောက်တစ်ယောက် က အမှုဖွင့် အာမခံတောင်မရဘဲနဲ့ တရားစွဲထောင်ချခံရတာတွေကို မကြာခဏ တွေ့နေရပါတယ် ။ တစ်လင် တစ်မယားဥပဒေကြောင့် မြန်မာ့ဓလေ့ထုံးတမ်းဥပဒေပါ လင်မယားကွာရှင်းရေးအခြေခံမူတွေ ၊ ဓမ္မသတ်ပါ ဓလေ့ထုံး တမ်းတွေကို ပစ်ပယ်လိုက်ရပြီလား ၊ အဲဒါတွေကို တစ်လင်တစ်မယားဥပဒေက လွှမ်းမိုးသွားပါ သလား ဆိုတာကို ဥပဒေဗဟုသုတအနေနဲ့ သိပါရစေ ။

မေးခွန်းမှာပါတဲ့ မြန်မာ့ဓလေ့ထုံးတမ်းဥပဒေအရ လက်ထပ်တယ်ဆိုလို့ရှိရင် ဘာအခမ်းအနားမှ မလိုဘူး ၊ ဥပဒေရဲ့ အခြေခံမူက နှစ်ဦးသဘောတူလို့ရှိရင် ရတယ် ။ လူသိရှင်ကြား ဖြစ်ရင်ရတယ်။ ပုဆိုးတန်းတင် အကြင် လင်မယား မြောက်တယ်။ တရားဝင်လင်မယား မြောက်တယ်လို့ ပြောတယ်။ ကွဲချင်တယ် ဆိုလို့ရှိရင်လည်း စာချုပ်စာတမ်း ချုပ်ဖို့မလို့ဘူး။ ဒါမှန်တယ်။ ဒါပေမဲ့ နှစ်ဦးသဘောတူဖြစ်ဖို့ကတော့ အဓိကပဲ ။ ဒါပေမဲ့ အသိ သက်သေ ခိုင်ခိုင်မာမာ ရှိဖို့တော့ လိုတယ်။ အသားကျပြီးတဲ့ မူရှိပေမယ့် တစ်လင်တစ်မယားဥပဒေလည်း ပေါ်လာရော.. နောက်အိမ်ထောင်ပြုတဲ့ အခါကျတော့ ကွာရှင်းပြီးဖြစ်ပါတယ်လို့ ပြောနေသည်တိုင်အောင် ပထမအိမ်ထောင်က တိုင်တန်းတဲ့ အမှုတွေဖွင့်တဲ့အခါ ထောင်တန်းကျတဲ့အမှုတွေ အများကြီးဖြစ်တယ်။ ဒါ့ကြောင့်မို့လို့လည်း ဒီမေးခွန်းဖြစ်လာရတာပါပဲ ။

အဲဒီတော့ တစ်လင်တစ်မယားဥပဒေကြောင့် မြန်မာဓလေ့ထုံးတမ်းဥပဒေနဲ့ ဓမ္မသတ်ဥပဒေကို ပစ်ပယ်လိုက် ရပြီးလားလို့ မေးခွန်းကို ဖြေမယ်ဆိုရင် ဥပဒေရဲ့သဘောကတော့ အထူးဥပဒေ ပေါ်လာလို့ရှိရင် မူလဥပဒေကို အထူးဥပဒေက လွှမ်းမိုးတာပဲ ။ ဥပမာအားဖြင့် မြန်မာ့ဓလေ့ထုံးတမ်းဥပဒေမှာ မယားအများအပြား ယူတဲ့ စနစ်ကို အရင်က ခွင့်ပြုတယ် တရားဝင်တယ်။ ပိတ်ပင်ထားချက်မရှိဘူး။ အခေါ်အဝေါ် အသုံးအနှုန်းတောင်မှ မယားကြီး ၊ မယားငယ်လို့ ခေါ်တဲ့ဟာတွေကို အဲဒီလိုမခေါ်နဲ့ ပထမမယား၊ ဒုတိယမယားလို့ခေါ်ပါလို့ စီရင်ထုံး တွေမှာ တိတိလင်းလင်း ပြဆိုထားတယ်။ ဒါပေမဲ့ တစ်လင်တစ်မယားစနစ် ကျင့်သုံးတဲ့ ဥပဒေလည်း ပေါ်လာ ရော.. နောက်မိန်းမထပ်ယူတဲ့သူက ထောင်တန်းကျနိုင်တယ်။ ဒါ.. အထူးဥပဒေက ယေဘုယျဥပဒေကို သွားပြီး တော့ လွှမ်းမိုးတဲ့သဘောလို့ဆိုနိုင်ပါတယ်။

ဒီတော့ အထူးဥပဒေဘာတွေလဲလို့ knowledge အနေနဲ့သိအောင် အနည်းငယ်ပြောပြလိုပါတယ်။ ဥပမာအား ဖြင့် အသက်အာမခံငွေတွေ၊ ဘဏ်စုဆောင်းငွေတွေ ၊ ငွေစုလက်မှတ်တွေ အဲ့မှာ nominate လုပ်ထားတဲ့သူက နေပြီးထုတ်ခွင့်ရှိတယ် ။ အဲ့ဒါကြောင့်မို့လို့ မယားဖြစ်တဲ့သူနဲ့ အစ်မဖြစ်တဲ့သူနဲ့ .. မယားဖြစ်တဲ့သူနဲ့ .. အမေ ဖြစ်တဲ့ သူနဲ့ .. အဘွားဖြစ်တဲ့သူနဲ့.. အမှုတွေဖြစ်ကြလို့ရှိရင် သက်ဆိုင်ရာ အထူးဥပဒေမှာ ပြဋ္ဌာန်းတဲ့သူကိုပဲ ထုတ်ပေးလေ့ရှိတာကို တွေ့ရတယ်။ ဒါဆိုလို့ရှိရင် မေးခွန်းရှင်က ကွာရှင်းပြီးဖြစ်ရဲ့သားနဲ့ ကွားရှင်ပြီးဖြစ် ကြောင်း ထိန်ချန်ပြီးစွဲတဲ့ အမှုဖြစ်နေတယ်ဆိုလို့ရှိရင် စွပ်စွဲတဲ့သူကနေပြီးတော့ ပထမအိမ်ထောင် တိတိလင်း လင်း ကွားရှင်းပြီးတဲ့အကြောင်း သက်သေထူထောင်နိုင်လို့ရှိရင် တရားရုံးက ပြစ်မှုထင်ရှားစီရင်လို့ မရဘူးလို့ပဲ ကျွန်မအကြံပြုလိုပါတယ်။ သက်သေထင်ရှား ခိုင်ခိုင်မာမာပြဖို့တော့ လိုအပ်တယ်။ ဘာကြောင့်လဲဆိုတော့ စာချုပ်စာတမ်းမရှိလို့.. ဒါပေမဲ့ အခုခေတ်မှာကတော့ တစ်နဲ့ခနဲဆို အနိမ့်ဆုံးကတော့ တရားရုံးမှာ သွားပြီးတော့ လက်ထပ်ကြတာက များတယ်။

အဲဒီတော့ ကျွန်မအနေနဲ့ အကြံပြုချင်တာကတော့ ကွာရှင်းမယ်ဆိုရင်လည်း နှစ်ဦးသဘောတူကွာရှင်းမှတော့ တရားရုံးမှာ ကွာရှင်းစာချုပ် ချုပ်လိုက်တာကတော့ အကောင်းဆုံး ဖြစ်ပါလိမ့်မယ်။ ဘာကြောင့်လဲဆိုတော့ ဒီတစ်လင်တစ်မယားဥပဒေရှိလို့ ။ ဘာကြောင့်လဲဆိုတော့ ငယ်ရွယ်တဲ့သူတွေ ကလေးပြဿနာတွေရှိမယ်။ နောက်အိမ်ထောင်ပြုဖို့ လိုအပ်ကောင်း လိုအပ်မယ် ။ လိုအပ်လို့ရှိရင် ကင်းကင်းရှင်းရှင်း ဖြစ်ဖို့ကိုတော့ ကျွန်မ ပြောချင်တာက ခိုင်မာတဲ့သက်သေခံချက်.. အကောင်းဆုံး သက်သေခံချက်ဆိုတာ ဘာလဲဆိုရင် ကွာရှင်း စာချုပ် နှစ်ဦးသဘောတူသွားချုပ်လိုက်တာက အကောင်းဆုံးဖြစ်တယ်လို့ ကျွန်မအကြံပြုချင်ပါတယ် ။

ဒေါ်ခင်မေသန်း(တရားလွှတ်တော်ရှေ့နေ)

အခြား စိတ်ဝင်စားစရာ ဆောင်းပါးများ

• "ကာမကိုလိမ်လည်ရယူမှု"
• လင်နှင့်မယားကွာရှင်းခြင်း
• မြန်မာ့ဓလေ့ထုံးတမ်းဥပဒေနဲ့ စီရင်ထုံးတွေမှာ လင်မယားနှစ်ဦးသဘောတူကွာရှင်းရင် အသိသက်သေ မလို၊ စာချုပ်စာတမ်းမလိုဘဲ လင်ခန်းမယားခန်း လုံးဝပြတ်စဲတယ် ။
• အိမ်မြေတိုက်ခန်း အ၀ယ်ထပ်လျှင် ရပိုင်ခွင့်
• အိမ်ထောင်ရေးဖောက်ပြန်မှု၊ လင်မယားကွာရှင်းမှုနှင့် အမွေခွဲဝေမှု
• #ခရစ်ယာန်ဘာသာ၀င်များကွာရှင်းခြင်း -
• မြန်မာနိုင်ငံ ကလေးအုပ်ထိန်းခွင့်နဲ့ပတ်သက်လို့…
• ''မယားကစွန့်ပစ် ၁နှစ်
• တော်လှန်ရေးကာလမှာ
• ခဏခဏလာမေးကြလွန်းလို့ ပြန်လည်ဖော်ပြပေးလိုက်ပါတယ်။