ကာမလိမ်လည်မှု ရာဇသတ်ကြီးပုဒ်မ (၄၁၇)

11-Mar-22 အခြား
ကာမလိမ်လည်မှု  ရာဇသတ်ကြီးပုဒ်မ (၄၁၇)

      ကာမလိမ်လည်မှု ပုဒ်မ ( ၄၁၇ ) ကတော့

     ကာမကို မယုံ ယုံအောင်ပြော ၊ ယုံကြည်အောင် စည်းရုံး ၊ ယုံကြည်အောင် လက်ထပ်ယူမယ်လို့ ကတိကဝတ် ပြုပြီး

    အမျိုးသမီးတွေဆီက ကာမ ရယူကာ လက်မထပ်တဲ့ ပုဒ်မ ဖြစ်ပါတယ် ။

 

   ဥပဒေမှာ ကာမလိမ်လည်မှု ဆိုတာ သီးသန့်ပြဋ္ဌာန်းထားတာ မရှိဘူး ၊

   မြန်မာနိုင်ငံ ရာဇသတ်ကြီး ဥပဒေမှာတော့ ပုဒ်မ ( ၄၁၇ ) ၊ လိမ်လည်မှုနဲ့ ပတ်သက်ပြီး ပြဋ္ဌာန်းထားတယ် ။ ငွေပဲ လိမ်လိမ် ၊ ကာမပဲ

   လိမ်လိမ် ၊ ထောင်ဒဏ် ၃ နှစ်ကနေ ငွေဒဏ်ပါ ချနိုင်တယ် ။

 

     ကာမ လိမ်လည်မှုနဲ့ တရားစွဲဆိုတဲ့အခါမှာ အဓိကအနေနဲ့ အခက်အခဲ ကတော့ သက်သေ အထောက်အထား ဖြစ်ပါတယ် ။

    ကာမ လိမ်လည်မှုတွေဟာ သမီးရည်းစားတွေမှာ အဖြစ် များပြီး ၊ အသက် ဆယ်ကျော်သက်အရွယ်ကနေ အသက် ၃၀ ၊ ၄၀ နှစ်

    အရွယ်အထိ ဖြစ်နေတယ် လို့လည်း သိရပါတယ် ။

 

    ဖြစ်လာခဲ့ရင် မိန်းကလေးဘက်က နစ်နာသလို ယောက်ျားလေးဘက်ကလည်း အချုပ်ကျ ၊ ထောင်ကျ ဖြစ်သွားမယ် ။

    အတုမြင် အတတ်သင်တဲ့ ခေတ် ၊ ဖုန်းတွေသုံးနေတဲ့ ခေတ်မှာ ကိုယ့်သားသမီးတွေ ဘာတွေလုပ်နေသလဲ ဆိုတာ မိဘတွေ

    သိသင့်ပါတယ် ။ ယောကျာ်းတွေကလည်း ကိုယ်ကျူးလွန်ပြီးရင်တော့ တာဝန်ယူတဲ့ စိတ်တွေ ရှိသင့်ပါတယ် ။

 

    ရာဇသတ်ကြီး ပုဒ်မ ၄၁၇ အကြောင်း ၎င်းပုဒ်မ အားမြင်သည် နှင့် ၈၀ ရာနှုန်းသော သူများမှာ " ကာမလိမ်လည်မှု့  " ဟု သာ

    အသိမှား ကြလေ၏ ။ တရားလိုမှာ အမြဲတစေ အမျိုးသမီးဟု ယူဆကြ၍ တရားခံမှာ ယောက်ျား ဟုသာ အမြဲတစေ 

    တွေးကြလေ၏ ။

 

    အဆိုးရွားဆုံး လွဲမှားသော ယူဆချက်မှာ " ရာဇသတ်ကြီး ၄၁၇အား ယောက်ျားဘက်မှ စွဲမရ " ဟု ဥပဒေအား လွဲမှားစွာ 

    မြင်ကြလေသည် ။ ရာဇသတ်ကြီး ဥပဒေပုဒ်မ ၄၁၇ သည် ရာဇသတ်ကြီး အခန်း ၁၇ " ပစ္စည်းကို ထိခိုက်သော ပြစ်မှု့များ " ထဲ 

    ပါဝင်လေ၏ ။

 

    " လိမ်လည်မှု " ခေါင်းစဉ်အောက်၌ ရှိသည် ။ ကာမ လိမ်လည်မှု အတွက် မဟုတ်ချေ ။

      ဒါဆို ဘာ့ကြောင့် ကာမလိမ်လည်မှု အနေနှင့် စွဲရသနည်း ။ ရာဇသတ်ကြီးဥပဒေ ပုဒ်မ ၄၁၅ အရ ဖြစ်သည် ။

 

       ရာဇသတ်ကြီး ဥပဒေပုဒ်မ ၄၁၅ ဒုတိယပိုင်း နှင့် အကျုံးဝင်ရန် -

 

 ( ၁ ) တရားခံက တစ်ဦးတစ်ယောက်အား လှည့်ဖြားခြင်း ၊

 ( ၂ ) လှည့်ဖြားခြင်းခံရသူက အရာတခုကို ပြုခြင်း သို့မဟုတ် ပြုရန် ပျက်ကွက်ခြင်း ၊

 ( ၃ ) လှည့်ဖြားခြင်း မခံရခဲ့သော် ထိုသူသည် ထိုအရာကို ပြုမည် မဟုတ်ခြင်း သို့မဟုတ် ပြုရန် ပျက်ကွက်မည် မဟုတ်ခြင်း ၊

 ( ၄ ) တရားခံက ထိုသူအား တမင်သွေးဆောင်ခြင်း ။

 ( ၅ ) ထိုသူ၏ ပြုလုပ်မှု သို့မဟုတ် ပျက်ကွက်မှုကြောင့် ၄င်း၏ ကိုယ်ကို ဖြစ်စေ ၊ စိတ်ကို ဖြစ်စေ ၊ ဂုဏ်သရေ ကို ဖြစ်စေ ၊

        ပစ္စည်းကို ဖြစ်စေ ၊ ပျက်ဆီး နစ်နာစေခြင်း ၊ အန္တရာယ်ဖြစ်စေခြင်း စသည့်အင်္ဂါရပ်များ ရှိရန် လိုပေသည် ။

 

       ထို ထုံးဖွဲ့မှုမှ စတင် ၍ ၄၁၇ အား ကာမလိမ်လည်ခံရ၍ နစ်နာသူမှာ ကိုယ် ၊ စိတ် ၊ ဂုဏ် ကို ထိခိုက် ပျက်ဆီး နစ်နာခဲ့ပါလျှင် . . .

       ရာဇသတ်ကြီး ဥပဒေပုဒ်မ ၄၁၇ မြောက်သည် . . . ဟူ၍ ထုံး၌ သုံးသပ်၍ထားလေ၏ ။

        ပုဒ်မ ၄၁၇ တရားလို ယောက်ျား ဖြစ်ထိုက် / မဖြစ်ထိုက် ။

 

       ရာဇသတ်ကြီးဥပဒေ ၄၁၅ ၌ " ထိုသူ၏  " ဟု ဖော်ပြချက်အရ ပုဒ်မ ၈ အရ " ထိုသူ " ဆိုသည့် စကားရပ်ကို အသုံးပြုထားသဖြင့်

       တရားလိုသည် ယောင်္ကျားလည်း ဖြစ်နိုင်သည် ။ မိန်းမလည်း ဖြစ်နိုင်သည် ။

       တဖန် ၂၀၀၈ ဖွဲ့စည်းပုံ အခြေခံ ဥပဒေ ပုဒ်မ ၃၄၇ ၊ ၃၄၈ အရ ဥပဒေ အကာကွယ် ရလိုသည့် တရားလိုအား ယောက်ျား ၊ မိန်းမ                ခွဲခြား ၍ မရပါ ။ ဥပဒေသည် မျှတရသည် ။ တဖက်သတ် မလုပ်ရပေ ။

 

       { { 1972 . , B . L . R . 15 } }

       သို့ပါ၍ နစ်နာသူ တရားလိုမှာ ယောက်ျားများလည်း ရှိနိုင်ကာ ဥပဒေအခွင့်အရေးအား တောင်းခံနိုင်ရန် လိုအပ်သည် ။

       Cause of action သာ ထင်ရှားနေပါလျှင် တရားလိုသည် ယောက်ျား ဖြစ်ပါက တရားစွဲမရ ဟု ငြင်းဆန် ပြောဆိုရန် အကြောင်းမရှိ        ချေ။

 

      ယောက်ျားများအား ကာမ လိမ်လည် ရယူကာ ကိုယ် ၊ စိတ် ၊ ဂုဏ် ပျက်ဆီးဆုံးရှုံး နစ်နာစေခဲ့သော်

      ယောင်္ကျားလေးဘက်မှလည်း မိမိ၏ကာမကို လိမ်လည်ရယူသွားသော အမျိုးသမီးကို တရားစွဲဆိုနိုင်ပါကြောင်း ပါရှိပါသည်။

 

      မူလရေးသားသူအား ရိုသေစွာcerditပါသည်။

 

       Credit (  ဥပဒေရေးရာ )
 

Related Posts

GP/SP နှင့် ပတ်သက်၍ သိထားသင့်သည့် အချက်များ

GP/SP နှင့် ပတ်သက်၍ သိထားသင့်သည့် အချက်များ

၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...

“အိမ်သုံးလျှပ်စစ်မီတာလျှောက်ထားပုံ”

“အိမ်သုံးလျှပ်စစ်မီတာလျှောက်ထားပုံ”

မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...

Download Yuzanar Land's Mobile Apps

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Get latest properties in email!

Copyright © 2020 | All rights reserved by Yuzanar Land Real Estate