ရွာမြေဆိုသည်မှာ ခေတ်ကာလ အဆက်ဆက်တွင် လူအများနေထိုင်ရန် သီးသန့် သတ်မှတ်ထားသော မြေအမျိုးအစားများထဲမှ တစ်မျိုး ဖြစ်ပါသည် ။

ရွာမြေ

          ရွာမြေ ဆိုသည်မှာ ခေတ်ကာလ အဆက်ဆက်တွင် လူအများနေထိုင်ရန် သီးသန့် သတ်မှတ်ထားသော မြေအမျိုးအစားများထဲမှ တစ်မျိုး ဖြစ်ပါသည် ။

         ပါမစ် ဂရန် တို့ကဲ့သို့ စာရွက်စာတမ်း အနေနှင့် သီးခြား ပုံသေ သတ်မှတ်ထားခြင်း မရှိသော်လည်း ရှေးအစဉ်အဆက်က ဘိုးဘွားများ လက်ထက်မှ သတ်မှတ်လာခဲ့သော နယ်နိမိတ်အတိုင်း မျိုးဆက် တဆက်ပြီးတဆက် နေထိုင်လာခဲ့ကြပြီး စာချုပ်အနေနှင့် အရောင်းအဝယ် ပြုလုပ်လေ့ ရှိကြပါသည် ။

          ရွာနှင့် ဆက်စပ်လျက်ရှိသော ဧရိယာများမှာ တခါတလေတွင် လယ်မြေများ ဖြစ်နေတတ်ပြီး ကျွဲနွား လွှတ်ကျောင်းရန် ချန်လှပ်ထားသော စားကျက်မြေများလည်း ဖြစ်နေတတ်ပါသည် ။ ဥယျာဉ်ခြံမြေများလည်း တဆက်တစပ်တည်း တည်ရှိနေသည်ကို တွေ့မြင်ရဖူးပါသည် ။

   ရွာမြေကို ဝယ်ယူရာတွင် သတိထားစရာ အချက်အလက်များမှာ

********************************************************************

( ၁ ) ရွာမြေ ဖြစ်ကြောင်း သက်ဆိုင်ရာ အုပ်ချုပ်ရေးမှုး ၊ အနီးအပါးတွင် နေထိုင်သော ရွာခံလူကြီးများ ၊ ပတ်ဝန်းကျင်ရှိ  ရွာမြေတွင်              နေထိုင်လာခဲ့သော နယ်ခံ လူထုများအား မေးမြန်း စုံစမ်းပြီး နေရာနှင့်တကွ ဟုတ် မဟုတ် သေသေချာချာ သတိပြု ဝယ်ယူသင့်               ပါသည် ။

( ၂ )  အချို့  မြေကွက်ရောင်းချသူများမှ လယ်မြေအား ရွာမြေ ၊ ဘိုးဘွားပိုင်မြေ သဖွယ် စိတ်ပိုင်း ရောင်းချတတ်ပါသည် ။ ထိုမြေကွက်            များကို ဝယ်ယူမိသူများမှာ အိမ်ရာဆောက်လုပ်ခွင့် မရ ၊ အမည်ပေါက်လဲ ပြောင်းလဲ မရသဖြင့် အခက်အခဲကြုံ ငွေလဲ ဆုံးရူံးခဲ့

          ကြရသည်ကို ကြားသိခဲ့ဖူးပါသည် ။

( ၃ )  အချို့ ကျူးကျော်နေထိုင်သူများမှာ သက်တမ်းရှည်ကြာစွာ နေထိုင်ခဲ့သဖြင့် ရွာမြေ ဖြစ်သယောင် နှင့် ရောင်းချသော်လည်း အမှန်            တကယ်မှာ လယ်မြေတွင် ဆောက်လုပ်ထားသော အိမ်ကလေးများသာ ဖြစ်နေတတ်ပါသည် ။

( ၄ )  ရွာမြေ ရောင်းချရန် ကမ်းလှမ်းလာခြင်းကို သေချာစွာ စီစစ်ရာမှ ဘုန်းတော်ကြီးကျောင်း နယ်နိမိတ်ဧရိယာတွင် နေထိုင်နေကြ                သော ကျူးကျော်အိမ်များ ဖြစ်နေသည်ကို ကြုံတွေ့ခဲ့ပါသည် ။

( ၅ ) ရွာမြေကို ဝယ်ယူပြီးပါက ခြံခတ်ရန် အလွန် အရေးကြီးပါသည် ။ ဧရိယာသတ်မှတ်ချက်မှာ ပါမစ် ဂရန် တို့ကဲ့သို့ အတိအကျ မရှိ          တတ်ပဲ ခန့်မှန်းသာ အဆင့်ဆင့် ရောင်းချခဲ့ခြင်း သို့မဟုတ် ခန့်မှန်းဖြင့်သာ နေထိုင်ခဲ့ခြင်းတို့ကြောင့် ရွာခံများပင် တိကျစွာ သိရန်            ခက်ခဲခြင်းများ ကြုံတွေ့ရတတ်ပါသည် ။ ခြံမခတ်ပဲ ထားမိပါက နောင်နှစ်ပေါင်းများစွာမှ အရူပ်အရှင်းများ ရင်ဆိုင်ရတတ်ပါသည် ။       အချို့သော သူများက သစ်ပင်များ စိုက်ပျိုးခြင်း ဝါးပင်များဖြင့် စိုက်ပျိုးပြီး ဧရိယာကို ပိုမိုကျော်လွန်အောင် ဆောင်ရွက်တတ်ခြင်းတို့       ကြောင်း ပိုင်ဆိုင်မှု အငြင်းမပွားရလေအောင် စတင် ဝယ်ယူစဉ်ကတည်းက ခြံခတ်ထားသင့်ပါသည် ။ လူတိုင်း မဟုတ်ပါ ရိုးသား           သော နယ်ခံများစွာ ရှိပါသည် ။

( ၆ )  ရွာမြေများသည် ဧရိယာအမျိုးမျိုးဖြင့်  ရှိနေနိုင်ပါသည် ။  50 ' x 60 ' / 45 ' x 90 ' /  60 ' x 120 ' စသည်ဖြင့် ပြန်လည် စိတ်ပိုင်း          ရောင်းချသော သူများ၏ ဆန္ဒအတိုင်း ဧရိယာ သတ်မှတ်ချက်အတိုင်း ဝယ်ယူရန်သာ ဖြစ်ပါသည် ။

Credit (  ဥပဒေရေးရာ )