အရောင်းအဝယ်သမားတွေရဲ့ လက်စွဲစကားကတော့ " ယုံကြည်မှုနဲ့ အလုပ်လုပ်တာ" ပြဿနာဖြစ်လို့ အမှုရင်ဆိုင်ရရင်
အရောင်းအဝယ်သမားတွေရဲ့ လက်စွဲစကားကတော့ “ယုံကြည်မှုနဲ့ အလုပ်လုပ်တာ ” ပြဿနာဖြစ်လို့ အမှုရင်ဆိုင်ရရင်
မယုံကြည်ရတဲ့သူကြောင့် ဖြစ်တာ မဟုတ်ပဲ ယုံကြည်လို့ လုပ်ခဲ့တဲ့သူတွေပဲ အမှု ဖြစ်ကြပါတယ် ။
နှစ်ဦးသဘောတူ ကတိပြုစာချုပ် လုပ်တဲ့အခါ သတ်မှတ်ထားတဲ့ ဥပဒေသတွေ ၊ စည်းကမ်းတွေကို မလိုက်နာ ၊ မထည့်သွင်းထားရင် ပဋိဥာဉ်ဟာ ပျက်ပြယ်နိုင်တဲ့ ပဋိဥာဉ် ဖြစ်သွားပါတယ် ။ စာချုပ်ချုပ်တိုင်းမှာ ရှေ့နေ မခေါ်ချင်ဘူး ဆိုရင်တော့ မိမိဘက်က လေ့လာပါ။ကိုယ့်ဘက်က ဘာမှမဆုံးရှုံးသေးခင်မှာ ခိုင်မာပါစေ ။
အဲဒီတော့ ရောင်းသမားတွေ အနေနဲ့ စာချုပ်ချုပ်မယ်ဆိုရင် အကြမ်းဖျင်းလေးတော့ ဒီအချက်လေးတွေ သတိထားရင် ပိုကောင်းပါလိမ့်မယ် ။
၁ ။ နေ့စွဲ တပ်ပါ ။
၂ ။ ရောင်းသူ ဝယ်သူ နေရာမှန်စွာနဲ့ အမည် ၊ မှတ်ပုံတင် ၊ လိပ်စာ ဖြည့်စွက်ပါ ။ မှတ်ပုံတင် ၊ လိပ်စာဟာ မှန်ကန်တိကျစွာ ပါမှ နောင် တစ်ချိန် အမှုအခင်း ဖြစ်တဲ့အခါမျိုးမှာ အချို့အမှုမျိုးဟာ တရားခံရဲ့ လိပ်စာကို ရှာဖွေပေးရမဲ့ တာဝန်က ကိုယ့်တာဝန် ဖြစ်လာနိုင် ချေ ရှိလို့ပါ ။
၃ ။ သက်သေ ၂ယောက် ပါရ ပါမယ် ။ စာချုပ်အောက်ဆုံးမှာ သက်သေ၂ယောက် အမည် ၊ လက်မှတ် ၊ နေရပ်လိပ်စာ ပြည့်စုံစွာ
ဖြည့်ပေးပါ ။
၄ ။ ဖြည့်စွက်ရမဲ့ အချက်တွေများလို့ စာရွက် ၂ရွက် ၃ရွက် ဖြစ်သွားတဲ့အခါမျိုးမှာ ရောင်းသူ ဝယ်သူ ၂ယောက်လုံးဟာ စာမျက်နှာတိုင်း ရဲ့ အောက်ခြေမှာ လက်မှတ်ထိုးရပါမယ် ။ ပြဿနာဖြစ်လာတဲ့အခါ ဒီနောက်က စာရွက်တွေက သူတို့ဘာသာ ဖြည့်လိုက်တာပါ ကျွန်တော်မသိဘူး ဆိုပြီး ငြင်းလာလို့ မရအောင်လို့ပါ ။
၅ ။ စာချုပ်မှာ ပါဝင်သူတိုင်း လက်မှတ်ထိုးရပါမယ် ။ ရောင်းသူ ကို ( က ) ဝယ်သူ ကို ( ခ ) ဆိုရင် ၂ယောက်လုံးရဲ့ လက်မှတ်ထိုး
ရပါမယ် ။
၆ ။ သဘောတူ ကတိစာချုပ် အတွက် တံဆိပ်ခေါင်းခွန်က ၃၀၀ကျပ် ဆောင်ရပါမယ် ။ ၃၀၀တန် တံဆိပ်ခေါင်းပါတဲ့ စာချုပ် နဲ့ ချုပ်ရပါ မယ် ။ ၃၀၀အထက် ပိုလို့ ရပါတယ် ။ လျော့လို့ မရဘူး ။ အမှုဖြစ်ခဲ့ရင် တံဆိပ်ခေါင်းခွန် မပြည့်တဲ့ အတွက် လျှောက်ရ အခွန် အတွက် ဒဏ် ၁၀ဆ ဆောင်ရ အခါမသင့်ရင် နေပြည်တော် တက်ရ ၊ တဖက်က မကျေနပ်ရင် အထက်တက်ရနဲ့ အလုပ်ရှုပ်တတ်လို့ ခုကတည်းက ရှင်းအောင်လုပ်ဖို့ လိုပါတယ် ။
၇ ။ စရံပေးတဲ့ ငွေ ၊ ရောင်းတဲ့ ငွေပမာဏကို စာနဲ့ရော ဂဏာန်းနဲ့ရော တိကျရှင်းလင်းစွာ ရေးပါ ။
၈ ။ လက်ရောက် အပ်ပါ ၊ လက်ရောက် ယူပါ ။ ရောင်းသူ မအားလို့ သူများကို စာချုပ်ချုပ်ခိုင်းလိုက်တယ် စသဖြင့် လုံးဝ လက်မခံပါနဲ့ ။ လက်ရှိပိုင်ဆိုင်သူ လက်ဝယ်မှ ၂ဦးသဘောတူညီတဲ့ ပမာဏနဲ့ အရောင်းအဝယ် ဖြစ်ပြီး ဝယ်သူက လက်ရောက်ယူတာမျိုး ယူပါ ။
ကျန် အသေးစိတ်အချက်တွေ အများကြီး ရှိသေးပေမဲ့ လက်တန်းချုပ်နေကြတဲ့ မိတ်ဆွေတွေ အတွက် ဒီအချက်လေးတွေ သတိပြု လိုက်ရင်ပဲ တော်တော် အထောက်အကူ ဖြစ်နေပါပြီ ။
အားလုံး အဆင်ပြေကြပါစေ ။
Credit ( ဥပဒေရေးရာ )
Related Posts
ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များ
(က) မြေရှင်နှင့်ကန်ထရိုက်တာတို့ အခန်းပေး အခန်းယူ ချုပ်ဆိုသည့်စာချုပ်အရ မိမိအားရောင်းချသည့် တိုက်ခန်းမှာ ၄င်းအကျိုးခံစားခွင့်ရရှိသည့်တိုက်ခန်း ဟုတ်မဟုတ်(ခ) နာမည်ပျက်ရှိသည့် ကန်ထရိုက်တာ ဟုတ်မဟုတ်(ဂ) ငွေကြေးပြည့်စုံသည့် ကန်ထရိုက် ဟုတ်မဟုတ်(ဃ) တိုက်ခန်းအ...
လှည်းဦးတိုက် လှေဦးတိုက် မြေနေရာအကြောင်း
မြန်မာ့ဓလေ့ထုံးတမ်း ဖြစ်သည့်လှည်းဦးတိုက် လှေဦးတိုက် မြေနေရာအကြောင်း ဗဟုသုတအလို့ဌာဖော်ပြပေးလိုက်ပါတယ်။ “လှည်းဦးတိုက်၊ လှေဦးတိုက် အိမ်၊ မြေနေရာမှာ နေသင့်၊ မနေသင့်"မြန်မာ့ရိုးရာ ထုံးတမ်းအစဥ်အလာနည်းမှာရော ဖုန်းရွှေပညာမှာရော အပြောများတဲ့ "လှည်းဦးတ...
ဥယျာဉ်ခြံမြေ
အခုအခါ မြေကွက်ရိုက်ရောင်းနေသော ဥယျာဉ်ခြံမြေများမှာနေအိမ်ဆောက်ခွင့်ရှိမရှိစိတ်ချရသောမြေကွက်များ ဟုတ်ပါသလားသိချင်လို့ပါ ဖြေပေးပါ ကျေးဇူးတင်ပါတယ်။ဥယျာဉ်ခြံမြေဟာ အိမ်ပိုင် မြေအဖြစ် အကွက်ရိုက်ရောင်း လို့ရပါ တယ်။ ရောင်းခွင့်ရဖို့ အတွက် မြေကွက်တည်ရှိရာမြို့...