လူကုန်ကူး တာလား ? လူမှောင်ခို တာလား ?
လူကုန်ကူး တာလား ? လူမှောင်ခို တာလား ?
ရပ်ကွက်ထဲမှာ - မီဒီယာတွေမှာ - Online ပေါ်မှာ လူကုန်ကူးခံရတယ် - လူမှောင်ခိုတယ် ဆိုတဲ့ သတင်းတွေ ကြားကြမှာပါ -
ရုတ်တရက် ဆိုရင်တော့ တစ်ခု နဲ့ တစ်ခု တူတယ်လို့ ထင်ကြပါတယ် - ဒါပေမဲ့ ဥပဒေ သဘောတရားနဲ့ ကြည့်မယ်ဆိုရင်တော့
လူကုန်ကူးမှု ( Human Trafficking ) နဲ့ လူမှောင်ခိုမှု ( Human Smuggle ) တို့ ဟာ ကွဲပြားကြပါတယ် -
ပြောချင်တာက -
တစ်ခုနဲ့ တစ်ခု ပြစ်မှုကျူးလွန်ပုံ ကျူးလွန်နည်း - ကျူးလွန်ခံရသူရဲ့ နစ်နာမှု အတိမ်အနက် - ပြစ်ဒဏ် အနည်းအများ
- ဖြစ်ပွားနိုင်တဲ့ဒေသ အခြေအနေတို့ဟာ မတူကြပါဘူး - လူကုန်ကူးမှု ( Human Trafficking ) ကို အများ နားလည်အောင် ပြောရရင် တော့ လူတစ်ဦးဟာ မိမိရဲ့ ကိုယ်ကျိုးစီးပွား တစ်ခုထဲ အတွက် အခြားတစ်ဦးရဲ့ ကိုယ်ခန္ဓာ ဒါမှမဟုတ် လုပ်အားကို ခေါင်းပုံဖြတ်ပြီး အကျိုးအမြတ် ရယူတာ ဖြစ်ပါတယ် -
ဥပမာ ပြောရရင်တော့ -
လူတစ်ဦးကို လုပ်အားခ မပေးဘဲ တစ်နေ့ကို နာရီ ( ၂၀ ) လောက် အလုပ်ခိုင်းစေပြီး လုပ်အားတွေကို ခေါင်းပုံဖြတ်တဲ့ ပုံစံမျိုးပါ
- ( ထိုင်းမှာရှိတဲ့ ငါးဖမ်းလှေတွေပေါ်က လူကုန်ကူးခံရတဲ့ သူတွေမျိုးပါ )
အသက် (၁၅ / ၁၆ ) အရွယ် အမျိုးသမီးငယ်တွေကို ခန္ဓာကိုယ်နဲ့ ရင်းရတဲ့ ပြည့်တန်ဆာ လုပ်ခိုင်းပြီး ငွေရယူ ခေါင်းပုံဖြတ်တဲ့
ပုံစံမျိုးတွေ ဖြစ်ပါတယ် -
လူကုန်ကူးမှုတွေဟာ လူတစ်ဦးရဲ့ အခြေခံ အခွင့်အရေးတွေကို ချိုးဖျက်ပြီး ခေါင်းပုံဖြတ်ခံရတာ ဖြစ်ပါတယ် - နစ်နာသူကတော့ လူသားတွေပါ - ပေးတဲ့ ပြစ်ဒဏ်တွေကလည်း များပါတယ်
- လူကုန်ကူးမှုတွေဟာ ပြည်တွင်းမှာလည်း ဖြစ်နိုင်သလို ပြည်ပမှာလည်း ဖြစ်နိုင်ပါတယ်-
လူမှောင်ခိုမှု ( Human Smuggle ) ဆိုတာကို အများနားလည်အောင် ပြောရရင် ကိုယ့်နိုင်ငံထဲမှာရှိတဲ့ လူတစ်ဦးကို အခကြေးငွေ ယူကာ အခြားနိုင်ငံထဲကို တရားမဝင် ပို့ဆောင်ပေးတာ ဖြစ်ပါတယ် - အရပ်စကားနဲ့ ပြောရရင် လူတွေကို မှောင်ခိုပို့တယ်လို့
ပြောရမှာပါ -
ဥပမာ ပြောရရင်တော့ -
ထိုင်းမှာ အလုပ်သွားလုပ်ဖို့ ပို့ဆောင်ခ ပေးပြီး တရားမဝင်လမ်းက သွားကြတာမျိုးပါ -
လူမှောင်ခိုမှုတွေဟာ လူကုန်ကူးမှုတွေလို လူတွေအပေါ် ခေါင်းပုံဖြတ်မှု မရှိပါဘူး - တစ်ခြားနိုင်ငံရဲ့ လူဝင်မှု ကြီးကြပ်ရေးဥပဒေကို သာ ချိုးဖောက်တာပါ -
လူမှောင်ခိုမှုတွေဟာ ပြည်တွင်းကနေ ပြည်ပကို တရားမဝင် ဖြတ်သန်း ပို့ဆောင်ပေးတာ ဖြစ်ပြီး နစ်နာသူက လူသားတွေ မဟုတ်ဘဲ သက်ဆိုင်ရာ နိုင်ငံတွေ အပေါ်မှာဘဲ ဖြစ်ပါတယ် - ပြစ်ဒဏ်ကလည်း လူကုန်ကူးမှုလောက် မများပါဘူး -
အထက်မှာ တင်ပြခဲ့သလို လူမှောင်ခိုမှုနဲ့ လူကုန်ကူးမှုဟာ တူသလိုလိုနဲ့ ကွဲပြားမှုတွေရှိသလို လူမှောင်ခိုမှုကနေ လူကုန်ကူးမှုတွေကို ပြောင်းလဲ ဖြစ်ပွားသွားတာလည်း ရှိပါတယ် -
ဥပမာအားဖြင့် ထိုင်းကို အလုပ်လုပ်ဖို့ ပို့ဆောင်ခယူပြီး တရားမဝင် ပို့တယ် ( လူမှောင်ခိုတယ်လို့် ပြောရမှာပါ ) ထိုင်းကိုရောက် တော့ ပွဲစားက လောဘတက်လာပြီး ငါးဖမ်းလှေပေါ် တင်ပေးလိုက်တယ် - ပြီးတော့ သူ့အတွက် ရမဲ့ လုပ်အားခ ( ၆ ) လ / တစ်နှစ် စာကို ကြိုထုတ်သွားတယ်- အပို့ခံရတဲ့သူဟာ ပင်လယ်ထဲ ပါသွားပြီး ( ၁ ) နှစ် ( ၂ ) နှစ်လောက် လုပ်အားခ မရဘဲ သေမတတ် အလုပ် လုပ်ရတာမျိုးပါ - လုပ်အားကို ခေါင်းပုံဖြတ်တဲ့ လူကုန်ကူးမှု ပုံစံပါ ။
လူကုန်ကူးမှုတွေကို သီးခြား လူကုန်ကူးမှု တားဆီးကာကွယ်ရေး ဥပဒေအရ အရေးယူနေသလို လူမှောင်ခိုမှုတွေကိုတော့ သီးခြား ဥပဒေ ပြဌာန်းထားခြင်း မရှိသေးတဲ့ အတွက် သက်ဆိုင်ရာ ရာဇသတ်ကြီး ဥပဒေ ၊ ပြည်ပ အလုပ်အကိုင်ဆိုင်ရာ ဥပဒေများနဲ့ အရေး ယူလျက် ရှိပါတယ် ။
Credit ( ဥပဒေရေးရာ )
Related Posts
GP/SP နှင့် ပတ်သက်၍ သိထားသင့်သည့် အချက်များ
၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...
ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ
နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...
“အိမ်သုံးလျှပ်စစ်မီတာလျှောက်ထားပုံ”
မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...