ဗုဒ္ဓ ဘာသာဝင် အမျိုးသမီးများ၏ ပစ္စည်း ပိုင်ဆိုင်ခွင့်

ဗုဒ္ဓ ဘာသာဝင် အမျိုးသမီး များ၏ ပစ္စည်း ပိုင်ဆိုင်ခွင့်

၁ ။ သမီးကြီး သြရသ

      အကြီးဆုံးသမီး ဖြစ်သူသည် မိခင် သေဆုံးပြီးနောက်

      အမွေပစ္စည်း၏ လေးပုံတစ်ပုံကို ရခွင့် ရှိသည် ။

     ( သာတူ ပါ - ၅ နှင့် မောင်ဗြား ၊ အတွဲ - ၄ အယ်ဘီအာ ၁၈၁ )

      တစ်နည်းအားဖြင့် သြရသ အခွင့်အရေးကို ရရှိခြင်းပင် ဖြစ်သည် ။

    သြရသ သမီးဖြစ် ရန်အတွက် လိုအပ်သည့် အချက်များမှာ -

( ၁ ) တရားဝင် သမီး ဖြစ်ရမည် ။

( ၂ ) သမီးအရင်း ဖြစ်ရမည် ။

( ၃ ) မိခင် မကွယ်လွန်မီ အသက် ၁၈ နှစ် ပြည့်ရမည် ။

( ၄ ) ၁၈ နှစ် ပြည့်ချိန်တွင် သားသမီးများတွင် အကြီးဆုံး ဖြစ်ရမည် ။

( ၅ ) မိခင်၏ အိမ်ထောင်ရေး တာဝန်များကို ကူညီ လုပ်ကိုင်နိုင် ရမည် ။

     မြန်မာ့ဓလေ့ ထုံးတမ်း ဥပဒေတွင် သြရသ အခွင့်အရေးနှင့် 

     ပတ်သက်၍  မိဘနှစ်ပါး အနက် သေသူသည် အဖဖြစ်၍

    သြရသမှာ သားဖြစ်လျှင် သို့မဟုတ် သေဆုံးသူမှာ အမိဖြစ်၍ 

    သြရသမှာ သမီးဖြစ်လျှင် မိဘ၏ အမွေပစ္စည်း လေးပုံတစ်ပုံကို

    တောင်းဆို ခွင့်ရှိသည် ။ 

    ( ထွန်းသာ နှင့် မသစ် ၊ အတွဲ ၉ အယ်ဘီအာ ၅၆ ပီစီ )

    ( မောင်စိုးနှင့် မောင်ဖိုးသိန်း ၊ အတွဲ - ၁ ရန်ကုန် ၃၆၃ ) 

    ( ကတ်ဝတ် နှင့် မောင်ဆင် ၊ အတွဲ -၂ ရန်ကုန် ၆၉၃ )

     သြရသ သားသမီး အခွင့်အရေးသည် အပြီးအပိုင် ရရှိသည့်

     အခွင့်အရေး ဖြစ်ပြီး ထိုအခွင့်အရေးကို ၎င်း၏ လိင်တူ မိဘ 

    တစ်ဦးဦး ကွယ်လွန်ချိန်မှ တစ်ဆယ့် နှစ်နှစ် အတွင်း မိဘ 

    အမွေ ပစ္စည်း၏ လေးပုံ တစ်ပုံကို တောင်းခံ နိုင်သည် ။

    ယခု အမှုတွင် တရားလို၏ အဘိုး အဘွားများ ကွယ်လွန်ချိန်တွင်

    အချင်းဖြစ် မြေနှင့် အိမ်ကျန် ရစ်သည် ။ ယင်းမြေ အိမ် အပေါ်တွင်

    တရားလို၏ ဖခင် ဦးခင်မောင်သန်း နှင့် ဖခင်၏ ညီ  ဒေါ်တင်တင်လှတို့ 

    မောင်နှစ်ဦးက အမွေဆက်ခံ ပိုင်ဆိုင် ကြမည် ဖြစ်သည် ။

   ဦးခင်မောင်သန်း ရရှိသည့် အမွေသည် ဇနီးဖြစ်သူ ဒေါ်ညွှန်ရီ အသက် 

   ထင်ရှား ရှိစဉ် ရရှိသဖြင့် အမွေရ လက်ထပ်ပွား ပစ္စည်း ဖြစ်သည် ။ 

   တရားလို ဒေါ်ဝင်းဝင်း မေသန်းသည် သြရသ သမီး ဖြစ်လျှင် 

   မိခင် ဒေါ်ညွှန့်ရီ ကွယ်လွန် သောအခါ ယင်း ပစ္စည်း အပေါ်တွင် 

   မိခင် ကွယ်လွန်သည့် အချိန်မှ စ၍ ၁၂ နှစ်ကာလ အတွင်း 

   သြရသ သမီးဝေစု ဖြစ်သည့် လေးပုံ တစ်ပုံကို တောင်းခံခွင့် 

   ရှိမည် ဖြစ်သည် ။

   ( ဒေါ်ဝင်းဝင်း မေသန်းနှင့် ဦးခင်မောင်သန်း ပါ -၂ ၊ ၂၀၀၁ ၊ မတစ ၄၁၇ )

    အကြီးဆုံး သမီးသည် ကျန်ရစ်သူ မိဘနှင့် ခွဲခြား နေထိုင်ပြီး

    မိဘအား ဝတ်ကြီး ဝတ်ငယ် ပြုစုခြင်း မရှိသော အကြောင်းမျှဖြင့်

    သြရသ အမွေဝေစု မဆုံးရှုံးနိုင်ပေ ။

    ( မလှဦးနှင့် မောင်ရွှေရင် ၊ အတွဲ-၁ ရန် ၃၇၀ ) ။

    မိဘနှစ်ပါးအနက် တစ်ဦးဦး သေဆုံးပြီးနောက် ကျန်ရစ်သူ 

    မိဘ နောက်အိမ်ထောင်ပြုချိန်တွင်ကား အမိ သို့မဟုတ် အဖ 

    သေဆုံးချိန် ရရှိသည့် အခွင့်အရေး ကဲ့သို့ သားသည် အဖသေဆုံးမှ 

    သမီးသည် အမိသေဆုံးမှ စသော ကန့်သတ်ချက် စည်းကမ်း မရှိပေ ။ 

    နောက် အိမ်ထောင်ပြုသည့် မိဘသည် အမိဖြစ်စေ ၊ အဖဖြစ်စေ 

    သြရသ သားသမီးဖြစ်သူက အမွေ လေးပုံ တစ်ပုံ တောင်းယူခွင့် ရှိသည် ။

    ( မောင်ရွှေရွက်နှင့် မောင်ထွန်းရှိန် ၊ အတွဲ-၁၁ အယ်ဘီအာ ၁၉၉ )

    [ ရည်ညွှန်း - ဦးတင်ဝင်းအောင် ( LL.B , D.S.W , D.B.L ) တရားလွှတ်တော် ရှေ့နေ ၊ 

                       မြန်မာ အမျိုးသမီး များနှင့် သက် ဆိုင်သည့် ဥပဒေ ကောက်နုတ် ချက်များ ၊ 

                       ပထမအကြိမ် ၊ ၂၀၁၉  ၊ စာ ၁၉၈  ]  ။

    ကူးယူ ဖော်ပြပါသည် ။

# Crd to owner

 Credit (  ဥပဒေရေးရာ )