မြေလွတ်မြေလပ်မြေရိုင်းများကို အသုံးပြုရန် ခွင့်ပြုမိန့်လျောက်ထား ရယူကြပါတယ်

မြေလွတ်မြေလပ်မြေရိုင်း အသုံးပြုခွင့် ခွင့်ပြုမိန့်ရပြီး (၄) နှစ်ကျော် အသုံးမပြုလျှင် နိုင်ငံတော်က ပြန်လည်သိမ်းယူပြီး ဖြစ်သည်၊ (၄) နှစ်အတွင်း သတ်မှတ်နည်းအတိုင်း အသုံးမပြုလျှင် အရေးယူခံရမည်။

မြေလွတ်မြေလပ်မြေရိုင်းများကို အသုံးပြုရန် ခွင့်ပြုမိန့်လျောက်ထား ရယူကြပါတယ်။ ဒီနေရာမှာ သတိပြုရမှာက၂၀၁၂ ခုနှစ် မြေလွတ်မြေလပ်မြေရိုင်း ဥပဒေမတိုင်မီ ခွင့်ပြုထားသော မြေလွတ်မြေလပ်မြေရိုင်းများ၊ ၂၀၁၂ နောက်ပိုင်း ခွင့်ပြုထားသော မြေလွတ်မြေလပ်မြေရိုင်းများကို သတ်မှတ်နည်းအတိုင်း သတ်မှတ် ကာလအတွင်း အသုံးမပြုရင် ပြန်လည်သိမ်းဆည်းခံရမယ် ဆိုတာပါပဲ။ အခုနောက်ဆုံး မြေလွတ်မြေလပ်မြေရိုင်း ဥပဒေမှာ ဖော်ပြထားတာက...

ပုဒ်မ ၂၂။ (က) (၃) ခွင့်ပြုထားသည့်မြေကို စတင်ခွင့်ပြုသည်နေ့မှ လေးနှစ်ကျော်လွန်သည်အထိ ဖော်ထုတ်လုပ်ကိုင် အသုံးပြုခြင်းမရှိသေးသော မြေလွတ်၊ မြေလပ်နှင့် မြေရိုင်းများကို နိုင်ငံတော်က ပြန်လည်သိမ်းယူပြီးဖြစ်သည်ဟု မှတ်ယူရမည်။

(၄) ခွင့်ပြုထားသည့်မြေကို စတင်အသုံးပြုခွင့်ရသည့်နေ့မှ လေးနှစ်အတွင်း သတ်မှတ်ထားသည့် စည်းကမ်းချက်များနှင့်အညီ လုပ်ငန်းဆောင်ရွက်ရန် ပျက်ကွက်ကြောင်း သို့မဟုတ် စည်းကမ်းချက်ကို ချိုးဖောက်ကြောင်းတွေ့ရှိပါက အာမခံကြေးကို နိုင်ငံတော်ဘဏ္ဍာငွေအဖြစ် သိမ်းဆည်းခံရမည့်အပြင် မြေလွတ်၊ မြေလပ်နှင့် မြေရိုင်းများ လုပ်ပိုင်ခွင့်၊ အသုံးပြုခွင့်ကို ပြန်လည်ရုပ်သိမ်းခြင်းခံရမည်။

ဒါကြောင့် မြေလွတ်မြေလပ်မြေရိုင်း အသုံးပြုခွင့် ရရှိထားသူများ အနေဖြင့် သတ်မှတ်ကာလအတွင်း အသုံးပြုလုပ်ကိုင်ကြဖို့​ဖြစ်ပါတယ်။ သတ်မှတ်ကာလအတွင်း အသုံးမပြုရင် အရေးယူခံရခြင်း၊ ပြန်လည်သိမ်းဆည်းခံရခြင်းများ ခံရမည် ဖြစ်ပါကြောင်းနှင့် (၄) နှစ်ကျော်လွန်ရင်တော့ ဥပဒေအရ ဘာမှလုပ်စရာမလိုပဲ အလိုအလျောက် နိုင်ငံတော်က ပြန်လည်သိမ်းယူပြီးဖြစ်တယ်ဆိုတာကို အထူးသတိပြုကြစေလိုပါကြောင်း တင်ပြလိုက်ရပါတယ်။

ရေးသားသူဆရာမျိုးမင်းထွန်း

ကူးယူဖော်ပြပါသည်။

အခြား စိတ်ဝင်စားစရာ ဆောင်းပါးများ

• ဂရန်သက်တမ်းတိုးလျှောက်ထားနည်း
• စာချုပ်ရေးပုံရေးနည်း
• စာချုပ်ချုပ်မည်ဆိုလျှင် မှတ်ပုံတင်ကို မစိစစ်ခဲ့သည့် ကိစ္စ
• ကားအမည်ပြောင်းသက်တမ်းတိုးရန်
• စာချုပ်စာတမ်းများမှတ်ပုံတင်ရန်အတွက် တင်ပြသည့်စာချုပ်စာတမ်းနှင့်အတူလိုအပ်သည့်မူရင်းစာရွက်စာတမ်းများ................................................... အရောင်းအဝယ်စာချုပ်.....
• လယ်မြေကို ဂရန်မြေအဖြစ်လျှောက်
• ပုံစံ_၇ရှိသောလယ်ယာမြေကိုပေါင်နှံ_ငှားရမ်းခြင်းအတွက်သတိပြုရမည့်အချက်များ
• စာချုပ်ချုပ်မည်ဆိုလျှင် အရှုပ်အရှင်း အလျဉ်းမရှိ ဆိုသည့် ကိစ္စ
• စက်မှုဂရန် လျှောက်ချင်ပါတယ် ဘယ်ကနေစတင်လုပ်ဆောင်ရမှာလဲ သူ့ရဲ့လုပ်ငန်းစဉ်တွေကဘာလဲ
• အသေးစားငွေချေးလိုင်စင်