Advertise here!

ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

13-Aug-21 အခြား
ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ

နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)

ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။

နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) ဆိုသည်မှာ ဆက်သွယ်ရေးဥပဒေ ပုဒ်မ-၆၆ (ဃ) ကဲ့သို့ သီးခြားဥပဒေတစ်ခု မဟုတ်ပါဘူး။ မူလ ပြစ်မှုဆိုင်ရာဥပဒေတွင် ပါဝင်သော အများပြည်သူ၏ အကျိုးပျက်စီးစေမှု ပုဒ်မ-၅၀၅ ၏ ပိုဒ်ခွဲ (ခ) သာလျှင် ဖြစ်ပါတယ်။

ဒီနေရာမှာ ဗဟုသုတအဖြစ် နည်းနည်း ပြောပြချင်ပါတယ်။ လက်ရှိ မြန်မာနိုင်ငံမှာ ကျင့်သုံးနေတဲ့ ရာဇသတ်ကြီး (ခေါ်) ပြစ်မှုဆိုင်ရာဥပဒေ (Penal Code) ကို ဗြိတိသျှကိုလိုနီနယ်တွေမှာ ကျင့်သုံးနိုင်ရန် The Indian Act အဖြစ် 1876 မှာ စတင် ပြဋ္ဌာန်းပါတယ်။ ထိုအချိန်က အိန္ဒိယနိုင်ငံ၏ ပြည်နယ်တစ်ခုအဖြစ် သတ်မှတ်အုပ်ချုပ်ခံနေရသော မြန်မာနိုင်ငံကိုလည်း အကျိုးတူ သက်ရောက်ခဲ့ပါတယ်။

ဒါကြောင့် လက်ရှိ မြန်မာနိုင်ငံတွင် ကျင့်သုံးနေသော ပြစ်မှုဆိုင်ရာဥပဒေ ပုဒ်မ-၅၀၅ (ခ) သည် အိန္ဒိယနိုင်ငံတွင် ကျင့်သုံးနေသော The Indian Act, Section 505 (1) (b) နှင့် အတော်များများ တူညီပါတယ်။ The Indian Act မှာတော့ ပြစ်ဒဏ်က (၃) နှစ်ဖြစ်ပါတယ်။

The Indian Act, Section 505 ကို ဘာသာရေးဆိုင်ရာ လှုံ့ဆော်မှုများကို အရေးယူရန် အဓိကအသုံးပြုပြီး မြန်မာ ပြစ်မှုဆိုင်ရာဥပဒေ ပုဒ်မ-၅၀၅ ကို အာဏာရှင်အဆက်ဆက် ပြည်သူကို ဖိနှိပ်ချုပ်ချယ်ရာမှာ အသုံးပြုခဲ့တယ်လို့ နာမည်ပျက်ခဲ့သော ဥပဒေ ပုဒ်မ ဖြစ်ပါတယ်

တစ်ချိန်က စာပေဟောပြောပွဲစင်မြင့်ပေါ်က ဆရာ့ဆရာကြီးတွေ ရယ်သွမ်းသွေး လှောင်ပြောင်တာကို အများဆုံး ခံခဲ့ရတဲ့ ဥပဒေ ပုဒ်မ ဖြစ်ခဲ့ပါတယ်။

၎င်း၏ ဥပဒေဖွင့်ဆိုချက်မှာ အောက်ပါအတိုင်း ဖြစ်ပါတယ်။

၅၀၅။ ။ မည်သူမဆို ဖော်ပြချက်ကိုဖြစ်စေ၊ ကောလာဟလကိုဖြစ်စေ၊ သတင်းကိုဖြစ်စေ ပြုရာတွင် သို့တည်းမဟုတ် ထုတ်ပြန်ကြေငြာရာတွင်၊ သို့တည်းမဟုတ် ဖြန့်ချိရာတွင် -

(ခ) နိုင်ငံတော်အစိုးရကိုဖြစ်စေ၊ နိုင်ငံတော် ငြိမ်ဝပ်ရေးကိုဖြစ်စေ ထိခိုက်သည့် ဖြစ်မှုကို တစ်ဦးတစ်ယောက်သောသူက ကျူးလွန်ချင်လာအောင် အများပြည်သူကိုသော်လည်းကောင်း၊ အများပြည်သူ၏ သီးခြားလူစုကိုသော်လည်းကောင်း ကြောက်ခြင်း၊ ထိပ်လန့်ခြင်း တစ်ခုခုဖြစ်စေရန် အကြံရှိလျှင်၊ သို့တည်းမဟုတ် ထိုသို့ဖြစ်စေတန်ရာသည့် အကြောင်းရှိလျှင်

ထိုသူကို နှစ်နှစ်ထိ ထောင်ဒဏ်တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ကင်းလွတ်ချက်။ ။ တစ်ဦးတစ်ယောက်သောသူသည် ဖော်ပြချက်ကိုဖြစ်စေ၊ ကောလာဟလကိုဖြစ်စေ၊ သတင်းကိုဖြစ်စေ ပြုရာတွင်၊ သို့တည်းမဟုတ် ဖြန့်ချိရာတွင် ထိုဖော်ပြချက်ကိုသော်လည်းကောင်း၊ ထိုကောလာဟလကိုသော်လည်းကောင်း၊ ထိုသတင်းကိုသော်လည်းကောင်း မှန်ကန်သည်ဟု ယုံကြည်ရန်အကြောင်းရှိသည့်ပြင် အထက်ကဆိုခဲ့သော အကြံမရှိဘဲပြုလျှင်၊ သို့တည်းမဟုတ် ထုတ်ပြန်ကြေငြာလျှင်၊ သို့တည်းမဟုတ် ဖြန့်ချိလျှင် ဤပုဒ်မ၏ အဓိပ္ပါယ်အရ ပြစ်မှုမမြောက်။

ပြစ်မှုမြောက်သည့် အင်္ဂါရပ်များ

၁။ တရားခံသည် ဖော်ပြချက် ကောလာဟလ သို့မဟုတ် သတင်းကိုပြုခြင်း၊ ထုတ်ပြန်ခြင်း၊ ဖြန့်ချိခြင်း။

၂။ အစိုးရကိုဖြစ်စေ၊ ငြိမ်ဝပ်ပိပြားရေးကိုဖြစ်စေ ထိခိုက်သည့် ပြစ်မှုကို ကျူးလွန်ချင်လာအောင် ပြည်သူကိုသော်လည်းကောင်း၊ ပြည်သူ၏ သီးခြားလူစုကိုသော်လည်းကောင်း ကြောက်ခြင်း၊ ထိပ်လန့်ခြင်း တစ်ခုခုဖြစ်စေရန်အကြံနှင့်ပြုခြင်း။

ကျင့်ထုံး

၁။ ဝရမ်းမပါဘဲ ဖမ်းဆီးခွင့်မရှိ။

၂။ အာမခံ မပေးနိုင်။

၃။ ကျေအေးခွင့် မရှိ။

-

လူ လူချင်း စွပ်စွဲ ပြစ်တင်ခံရခြင်း မဟုတ်မူဘဲ အာဏာရှိသူ မင်း အစိုးရများနှင့် ဖြစ်ပွားသော ပြစ်မှုဖြစ်ပါသောကြောင့် ဘယ်လိုပင် ကင်းလွတ်ချက်များကို အကြောင်းပြု လျောက်ထားသော်လည်း လွတ်မြောက်ရန် ခက်ပါတယ်။

 

Credit-OriginalUploder

Related Posts

“GP/SP နှင့် ပတ်သက်၍ သိထားသင့်သည့် အချက်များ”

“GP/SP နှင့် ပတ်သက်၍ သိထားသင့်သည့် အချက်များ”

၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...

“အိမ်သုံးလျှပ်စစ်မီတာလျှောက်ထားပုံ”

“အိမ်သုံးလျှပ်စစ်မီတာလျှောက်ထားပုံ”

မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...

"ရဲစခန်းကိုအမှုတိုင်မယ်ဆိုရင် နှုတ်နဲ့တိုင်ရသလား၊ စာဖြင့်ရေးပြီးတိုင်ရသလား၊ဒီစာကိုမရေးတတ်ဘူး ဆိုရင်ဘယ်သူ့ကိုရေးခိုင်းရမလဲ" လို့ပြည်သူတစ် ယောက်ကမေးလာပါသည်။အမေးနှင့်ပတ်သက်၍ အောက်ပါအတိုင်းဖြေကြားအပ်ပါသည်။

အသက်တစ်ရာမနေရ၊အမှုတစ်ရာကြုံရလူတစ်ခုပူမှုရယ်တဲ့ ဆယ်ကုဋေဆိုတဲ့စကားပုံအတိုင်း လူတွေဟာ အမှုအခင်းတွေနဲ့ကြုံရတတ်ပါတယ်။မိမိကဘယ်လိုဘဲနောက်ဆုတ်ရှောင်ရှားပေမယ့် တခါတရံမှာပြသနာဟာမိမိအိမ်ပေါ်ကိုဆိုက်ဆိုက်မြိုက်မြိုက်ကြီးရောက်လာတတ်ပါတယ်။ဒီလိုဆိုရင်အမှုဖြစ်ပြီပေါ့...

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate