တိုက်ခန်းရောင်းချမည့်သူ ဝယ်စဉ်က ချုပ်ဆိုထားသည့် အရောင်း အဝယ် စာရင်းစာချုပ်ကို သေချာ စိစစ်ဖို့လို

လှိုင်မြို့နယ်မှာ တိုက်ခန်းအရောင်းဝယ်စာချုပ် ချုပ်ပေးခဲ့ပါတယ်။

စာရွက်စာတမ်းက ဘာမှပြဿနာမရှိအဆင်ပြေပါတယ်။

ဒါပေမယ့် တစ်ခါတစ်ရံတွင် အမှုအခင်း ဖြစ်နေသော တိုက်ခန်းမှန်းမသိ၍ ဝယ်လိုက်ခြင်းလည်း ရှိတတ်ပါသည်။

ရောင်းမည့် သူ၏ ပြောစကား တစ်ခု တည်းကို ယုံကြည်၍ မဝယ်သင့်ပေ။

တိုက်ခန်းရောင်းချမည့်သူ ဝယ်စဉ်က

ချုပ်ဆိုထားသည့် အရောင်း အဝယ်

စာရင်းစာချုပ်ကို သေချာ စိစစ်ဖို့လိုသည်။

ရောင်းချမည့်သူ မတိုင်ခင်က အဆိုပါ တိုက်ခန်းအား လွှဲပြောင်းရောင်းချခဲ့သည့် တိုက်ခန်း အရောင်းအဝယ် စာချုပ်မူရင်း အ ဆင့်ဆင့်မှာ ယခုရောင်းချမည့် သူထံ ရှိ မရှိတို့ကို စိစစ်ရပေသည်။

တိုက်ခန်းတွင် လက်ရှိနေထိုင် လျက်ရှိသူ တစ်နည်းဆိုသော် တိုက် ခန်းအား ရောင်းပိုင်ခွင့်ရှိသည် ဟု ဆိုသူအပေါ် တစ်စုံ တစ်ယောက် က အဆိုပါ တိုက်ခန်းမှ ဖယ်ရှား၍ လက် ရောက်ပေးစေလိုမှု စွဲဆိုထားသည့် အမှုအခင်းများရှိတတ်ပေသည်။

တိုက်ခန်းဝယ်သူက အမှုအခင်း ဖြစ်နေမှန်း မသိဘဲတိုက်ခန်းကို ဝယ် ယူ၍ လက်ရောက်နေထိုင်ခဲ့လျှင် လည်း ရောင်းသူက အမှုအခင်း၌ ရှုံးခဲ့ပါလျှင် လက်ရှိဝယ်ထားသူမှာ တိုက်ခန်းမှ ဖယ်ရှားပေးရမည်ဖြစ် သည်။ ဥပဒေအရ တရားရှုံးနှင့် ဆက်စပ်နေသူများ တရားရှုံးထံမှ တစ်နည်းနည်းလွှဲပြောင်းရယူထားသူ များသည် တရားရုံး၏ အမိန့်ဒီကရီ ကိုလိုက်နာရန် တာဝန်ရှိပေသည်။ ထို့ကြောင့် မမျှော်လင့်ဘဲ ဝယ်ထား သည့် တိုက်ခန်းမှ ဖယ်ရှားပေးလိုက် ရသည်များ ရှိတတ်ပေသည်။

အကြံပြုချက်

အချုပ်အားဖြင့်ဆိုသော အပျောက်စနစ်ဖြင့် တိုက်ခန်းဝယ်မည် ဆိုလျှင် ယေဘုယျအားဖြင့် အထက် ဖော်ပြပါအချက်များအပေါ် အခြေ ပြု စဉ်းစားသင့်ကြောင်း အကြံပြုရေး သားအပ်ပါသည်။

(တိုက်ခန်းဝယ်ရင်ဘာအချက်တွေစစ်ဆေးရမလဲဆိုတာကို ထပ်မံဖော်ပြပေးပါမယ်)