အိမ်ခြံမြေ အမွေရဖို့ သေချာတဲ့ နည်း
အိမ် ခြံ မြေ အမွေရဖို့ သေချာတဲ့ နည်း
လုပ်နည်း လွယ်လွယ်လေးပါ။ (သိပ်ပြီးတော့ ထိရောက်ပါတယ်)
မိသားစုစီမံမှု လုပ်ထားရင် မိသားစုတွင်းမှာ
အိမ်ခြံမြေ အမွေမှု မဖြစ်နိုင်တော့ဘူး။
ဒါကြောင့် မိသားစုစီမံမှုကို လုပ်ကြဖို့
မြန်မာ့ ဥပဒေ ပညာရှင်ကြီးများက အမြဲတိုက်တွန်းခဲ့ ကြတယ်။
ပညာပေးခဲ့ကြတယ်။ အဲဒါနှစ် (၁၀၀) ကျော်တိုင်ခဲ့ပြီ။
(သို့သော် တချို့တချို့တွေက တော့ ဖုံးကြတယ်။
ဖွက်ကြတယ်။ ပညာပေးတဲ့သူကတစ်ဖွဲ့ ၊
လူတွေမသိအောင် လိုက်ကာနေတဲ့ သူတွေကလည်း တစ်ဖွဲ့ပါ)
ပစ္စည်းရှင် ကွယ်လွန်ပြီးနောက် အိမ်ခြံမြေ အမွေ များကို
မည်သို့ ခွဲဝေယူကြ ရမည်ဆိုသော မိသားတစ်စု၏ စီမံမှုကို
မိသားစုစီမံမှု ဟုခေါ်ပြီး ၁၉၆၆ ဦးဘဖေနှင့် မချိုတီ မတစ ရ၂၇၊
စီရင်ထုံးနှင့် ဒေါက်တာဦးမောင်မောင်၊
မြန်မာဓလေ့ထုံး ၁၉၆၃/၁၀၄ အပြင် စီရင်ထုံးများစွာမှာ ထင်ရှားစွာ ဖော်ပြထားပါသည်။
မိသားစုစီမံမှု ပြုလုပ်ရာတွင် အမွေဆက်ခံခွင့် မရှိသူများ
ပါ၀င်ချုပ်ဆိုရေးသားခွင့် မရှိဟု
ဦးညွန့်မောင်/ဒေါ်မြရွှေ ၁၉၇၄ တရားမဒုတိယ အယူခံ အမှတ်-၃၃ မှာလည်း စီရင်ထားပါတယ်။
မိသားစုစီမံမှု ကို သဘောတူညီ ပြုလုပ်ပြီးပါက
ကြိုတင်တရားစွဲ တောင်းဆိုခွင့်မရှိ၊ ဖောက်ဖျက်ခွင့်
မရှိသည့်အပြင် ငြင်းဆိုခွင့်လည်း မရှိပါကြောင်း ၊
မပန်းစီ/မလှရင်၊ ၁၉၆၃ မတစ၊ ၈၀၀(၈၀၈) တွင်ပါရှိပါတယ်။
မိသားစုစီမံမှုသည် မိသားစုအတွင်းတွင်သာ သဘောတူညီ ခွဲဝေကြသည့်အတွက်
အခွင့်အရေးတို့သည် ဥပဒေနှင့် အတိအကျ ညီညွတ်နိုင်မည် မဟုတ်ပါ၊
သို့သော်လည်း ခိုင်မာပါသည်ဟု
ဦးမြတ်သူ/မစောရှင် ၁၉၄၉ မတစ၊ လွှတ်တော် ၉၄၂တွင် စီရင်ထားရှိသည်ကိုတွေ့ နိုင်ပါသည်။
#Crd to owner
Related Posts
နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင်ခွင့် ရှိပါသလား
'နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင် ခွင့် ရှိပါသေးသလား''ဟု မိတ်ဆွေ တစ်ဦးက စာရေးသူထံ လာရောက် ဆွေးနွေးပါသည်။''ဘယ်လိုအခြေအနေမျိုးဖြစ် လို့လဲ၊ ပထမ အိမ်ထောင်နဲ့ လက်ထက် ပွားပစ္စည်းဆိုရင်တော့ ပထမဇနီး ခင်ပွန်းနဲ့ ထက်ဝက်စီအမွေဝေစုရခွင့် ရှိပါ...
အမွေရှင်က သူတစိမ်းအားအမွေပစ္စည်းအားလုံးကိုပေးကမ်းခြင်း
မြန်မာဓလေ့ထုံးတမ်းဥပဒေ- ပဋိညာဉ်ဥပဒေပုဒ်မ ၂၃ ပါ “ ဥပဒေ ” ဆိုသောစကားရပ်- မြန်မာနိုင်ငံတရား ဥပဒေများ ဆိုင်ရာဥပဒေပုဒ်မ ၁၃ (၁) - မြန်မာဗုဒ္ဓဘာသာဝင်များအကြား အငြင်းပွားနေသော အမွေဆက်ခံသည့် ကိစ္စနှင့်စပ်လျဉ်းသည့်ဓမ္မသတ်ပါ ပြဋ္ဌာန်းချက်များသည် ဥပဒေဖြစ်သည့်အလျ...
မိဘအမွေ မဆက်ခံနိုင်သည့်သားသမီးများ
မြန်မာဓလေ့ထုံးတမ်းဥပဒေတွင် မိဘသည် သားသမီးများအားအမွေမှ မပယ်ထုတ်နိုင်ပေ\သို့ရာတွင်အောက်ပါ အကြောင်းသုံးရပ်ကြောင့်သားသမီးများသည် မိဘအမွေ ဆက်ခံနိုင်ခွင့်ဆုံးရှုံးခြင်းခံရပေသည်သူတစ်ပါးအား မွေးစားရန်ပေးအပ်ခံရခြင်းမိဘများကွာရှင်းပြတ်စဲကြပြီးနောက် သားသမီးဖြစ...
www.yuzanarland.com ဟာ မိတ်ဆွေအတွက်ပါ။
